Bæjarráð

Frá sviðsstjóra umhverfissviðs, dags. 14. desember, lagðar fram niðurstöður útboðs um verkið "Ræktun sumarblóma og matjurta 2016-2018 fyrir Hafnarfjarðarbæ og Kópavogsbæ" þar sem lagt er til að gengið verði til samninga við lægstbjóðanda, gróðrarstöðina Mörk.

Frá sviðsstjóra menntasviðs, dags. 15. desember, lagt fram minnisblað vegna umsókna Magneu Einarsdóttur og Guðrúnar Soffíu Jónasdóttur um launalaust leyfi á árinu 2016.

Frá lögfræðideild, dags. 8. desember, lagt fram bréf Sýslumannsins á höfuðborgarsvæðinu, dags. 8. desember, þar sem óskað er umsagnar um umsókn Bakarameistarans ehf., kt. 680177-0159, um endurnýjun rekstrarleyfis fyrir veitingastað í flokki I, á staðnum Bakarameistarinn, að Smáratorgi 1, 201 Kópavogi, skv. 10. gr. laga nr. 85/2007 um veitingastaði, gististaði og skemmtanahald og 23. gr. rgl. nr. 585/2007. Samkvæmt 1. tl. 4. mgr. 10. gr. laga nr. 85/2007 staðfestir sveitarstjórn sem umsagnaraðili að afgreiðslutími og staðsetning staðar sem umsókn lýtur að sé innan þeirra marka sem reglur og skipulag sveitarfélagsins segja til um.

Frá lögfræðideild, dags. 8. desember, lagt fram bréf Sýslumannsins á höfuðborgarsvæðinu, dags. 19. nóvember, þar sem óskað er umsagnar um umsókn Meira fjör ehf., kt. 710311-1290, um endurnýjun rekstrarleyfis fyrir veitingastofu og greiðasölu í flokki II, á staðnum Smáratívolí, að Hagasmára 1, Smáralind, 201 Kópavogi, skv. 10. gr. laga nr. 85/2007 um veitingastaði, gististaði og skemmtanahald og 23. gr. rgl. nr. 585/2007. Samkvæmt 1. tl. 4. mgr. 10. gr. laga nr. 85/2007 staðfestir sveitarstjórn sem umsagnaraðili að afgreiðslutími og staðsetning staðar sem umsókn lýtur að sé innan þeirra marka sem reglur og skipulag sveitarfélagsins segja til um.

Frá lögfræðideild, dags. 8. desember, lagt fram bréf Sýslumannsins á höfuðborgarsvæðinu, dags. 7. desember, þar sem óskað er umsagnar um umsókn Proximal ehf., kt. 431114-0700, um nýtt rekstrarleyfi fyrir veitingastofu og greiðasölu í flokki I, á staðnum Ugly, að Smiðjuvegi 2, 201 Kópavogi, skv. 10. gr. laga nr. 85/2007 um veitingastaði, gististaði og skemmtanahald og 23. gr. rgl. nr. 585/2007. Samkvæmt 1.tl. 4. mgr. 10. gr. laga nr. 85/2207 staðfestir sveitarstjórn sem umsagnaraðili að afgreiðslutími og staðsetning staðar sem umsókn lýtur að sé innan þeirra marka sem reglur og skipulag sveitarfélagsins segja til um.

Frá lögfræðideild, dags. 15. desember, lagt fram minnisblað vegna beiðni um endurupptöku máls er varðar framsal lóðarréttinda Hamraenda 25. Lagt er til að bæjarráð taki málið upp að nýju.

Frá Arnari Loftssyni f.h. Acqua Nordica ehf., dags. 8. desember, lögð fram umsókn um lóðina Tónahvarf 10 undir vatnsverksmiðju.

Frá Samkeppniseftirlitinu, dags. 4. desember, lagt fram bréf þar sem óskað er eftir sjónarmiðum og athugasemdum við skýrslu sem hefur að geyma niðurstöður úr markaðsrannsókn á eldsneytismarkaðinum, í þeim tilgangi að kanna hvort grípa þurfi til aðgerða gegn aðstæðum eða háttsemi sem raski samkeppni almenningi til tjóns.

51. fundur barnaverndarnefndar í 3. liðum.

1402. fundur félagsmálaráðs í 8. liðum.

207. fundur heilbrigðisnefndar í 69. liðum.

53. fundur íþróttaráðs í 87. liðum.

65. fundur leikskólanefndar í 8. liðum.

Frá deildarstjóra leikskóladeildar, dags. 15. desember, lagðar fram til samþykktar reglur um námsstyrki til leikskólakennara sem samþykktar voru á fundi leikskólanefndar þann 10.12.2015.

Frá deildarstjóra leikskóladeildar, dags. 15. desember, lagðar fram til samþykktar reglur um dvöl barna hjá dagforeldrum sem samþykktar voru á fundi leikskólanefndar þann 10.12.2015.

1270. fundur skipulagsnefndar í 14. liðum.

Frá skipulagsstjóra, dags. 15. desember, lagt fram að nýju að lokinni kynningu frá byggingafulltrúa erindi Vífils Magnússonar, arkitekts, f.h. lóðarhafa dags. 1.9.2015. Óskað er eftir leyfi til að byggja 45 m2 bílskúr á norðausturhluta lóðarinnar við Birkihvamm 21. Hæð bílskúrs verður 3,2 metrar sbr. uppdráttum dags. 1.9. 2015. Á fundi skipulagsnefndar 14.9.2015 var samþykkt með tilvísan til 44. gr. skipulagslaga nr. 123/2010 að grenndarkynna framlagða tillögu fyrir lóðarhöfum Birkihvamms 22; Eskihvamms 2 og 2a; Reynihvamms 24; Víðihvamms 23. Að auki verði leitað álits lögreglunnar á höfuðborgarsvæðinu með tilliti til umferðaröryggis. Kynningu lauk 7.12.2015. Engar athugasemdir eða ábendingar bárust. Lagt fram ásamt umsögn frá lögreglunni á Höfuðborgarsvæðinu dags. 27.11.2015. Skipulagsnefnd samþykkti framlagða tillögu með tilvísan til 44. gr. skipulagslaga nr. 123/2010 og vísaði málinu til bæjarráðs og bæjarstjórnar.

357. fundur stjórnar Sorpu í 13. liðum.

424. fundur stjórnar SSH í 7. liðum.

232. fundur stjórnar Strætó í 6. liðum.

72. fundur umhverfis- og samgöngunefndar í 11. liðum.

72. fundur umhverfis- og samgöngunefndar í 12. liðum.

Frá umhverfisfulltrúa, dags. 9. desember, lögð fram umsókn að Bláfána 2016. Umhverfis- og samgöngunefnd samþykkti einróma að unnin yrði umsókn að Bláfána 2016 fyrir Fossvogshöfn og vísaði erindinu til bæjarráðs.

Tillögur að gjaldskrám fyrir sundlaugar Kópavogs, íþróttahús og knatthús, sem bæjarstjórn vísaði til fullnaðarafgreiðslu bæjarráðs.