Embættisafgreiðslur skipulagsfulltrúa

Lögð fram að nýju að lokinni grenndarkynningu byggingarleyfisumsókn Andra Gunnars Lyngberg Andréssonar arkitekts f.h. lóðarhafa lóðarinnar nr. 15 við Hlíðarveg. Sótt er um leyfi til niðurrifs núverandi einbýlishúss og að byggt verði fjögurra íbúða fjölbýli á tveimur hæðum. Uppdrættir dags. 20. júní 2025. Á embættisafgreiðslufundi skipulagsfulltrúa þann 5. september 2025 var samþykkt að grenndarkynna byggingarleyfisumsóknina, var hún grenndarkynnt frá 19. september til 22. október 2025 og athugasemd barst. Er nú lagt fram að nýju ásamt umsögn skipulagsfulltrúa dags. 10. nóvember 2025.

Lögð fram fyrirspurn Unnsteins Jónssonar arkitekts dags. 23. september 2025 um stækkun lóðarinnar 4C við Ögurhvarf um 66-67 m² til suð-vesturs. Á embættisafgreiðslufundi skipulagsfulltrúa þann 13. október 2025 var erindinu vísað til umsagnar skipulagsfulltrúa og er nú lagt fram að nýju ásamt umsögn skipulagsfulltrúa dags. 10. nóvember 2025.

Lagt fram erindi byggingarfulltrúa dags. 26. september þar sem byggingarleyfisumsókn Stefáns Arnars Stefánssonar arkitekts f.h. Veitna ohf. er vísað til umsagnar skipulagsfulltrúa. Sótt er um leyfi fyrir 6,3 m² dreifistöð á lóðinni nr. 1 við Kambaveg. Uppdrættir dags. 8. september 2025. Á embættisafgreiðslufundi skipulagsfulltrúa þann 13. október 2025 var erindinu vísað til umsagnar skipulagsfulltrúa og er nú lagt fram að nýju ásamt umsögn dags. 10. nóvember 2025.

Lagt fram erindi byggingarfulltrúa dags. 10. október 2025 þar sem byggingarleyfisumsókn Veitna Ohf. er vísað til umsagnar skipulagsfulltrúa. Sótt er að koma fyrir 7,5 m² dreifistöð á lóðinni nr. 23 við Roðahvarf. Uppdrættir dags. 25. maí 2025. Á embættisafgreiðslufundi skipulagsfulltrúa þann 13. október 2025 var erindinu vísað til umsagnar verkefnastjóra og er nú lagt fram að nýju ásamt umsögn dags. 10. nóvember 2025.

Lagt fram erindi byggingarfulltrúa dags. 24. október 2025 þar sem byggingarleyfisumsókn Brynjars Darra Baldurssonar arkitekts f.h. lóðarhafa lóðarinnar nr. 4 við Hæðarhvarf er vísað til umsagnar skipulagsfulltrúa. Sótt er um að byggja 245,9 m² einbýlishús með innbyggðri bílageymslu. Nýtingarhlutfall yrði 0,41. Uppdrættir dags. 5. október 2025.

Einnig er lögð fram umsögn dags. 10. nóvember 2025.

Lagt fram að nýju erindi byggingarfulltrúa dags. 26 september 2025 þar sem byggingarleyfisumsókn Kristins Ragnarssonar arkitekts f.h. lóðarhafa lóðarinnar nr. 5-7 við Vindakór er vísað til umsagnar skipulagsfulltrúa. Sótt er um 53 m² svalalokun á íbúð 0401 á 4. hæð. Á embættisafgreiðslufundi skipulagsfulltrúa 13. október 2025 var erindin vísað til umsagnar verkefnastjóra og er nú lagt fram að nýju. Uppdrættir dags. 27. júní 2006, uppfærðir 19. september 2025.

Lagt fram erindi byggingarfulltrúa dags. 10. október 2025 þar sem byggingarleyfisumsókn Vigfúsar Halldórssonar arkitekts f.h. lóðarhafa lóðarinnar nr. 15 við Löngubrekku var vísað til skipulagsfulltrúa. Sótt er um að breyta núverandi geymslu innan bílskúrs í vinnustofu með baðherbergi. Uppdrættir dags. 3. desember 2024.

Einnig er lagt fram minnisblað dags. 10. nóvember 2025.

Lagt fram erindi byggingarfulltrúa dags. 10. október 2025 þar sem byggingarleyfisumsókn Rebekku Pétursdóttur arkitekts f.h. lóðarhafa lóðarinnar nr. 42 við Þinghólsbraut er vísað til skipulagsfulltrúa. Sótt er um að gera breytingu á kvisti, gluggum, hurðum og innra skipulagi. Uppdrættir dags 22. september 2025.

Einnig er lögð fram umsögn dags. 10. nóvember 2025.

Lagt fram erindi byggingarfulltrúa dags. 10. október 2025 þar sem byggingarleyfisumsókn Kjartans Rafnssonar arkitekts f.h. lóðarhafa lóðarinnar nr. 35 við Löngubrekku er vísað til skipulagsfulltrúa. Sótt er um viðbyggingu við núverandi bílgeymslu að lóðarmörkum til suðurs og einnig til vesturs inn á dvalarsvæði lóðar. Einnig er sótt um að lækka lóð til suðurs og byggja upp staðsteyptan stoðvegg á syðri lóðarmörkum. Efsti hluti á stoðveggnum verður léttur timburveggur. Uppdrættir og skráningartafla dags. 29. júlí 2025.

Þá er lögð fram umsögn skipulagsfulltrúa dags. 10. nóvember 2025.

Lögð fram fyrirspurn Guðmundar Gunnlaugssonar arkitekts dags. 31. október 2025 f.h. lóðarhafa lóðarinnar nr. 2 við Askalind um að byggja auka hæð ofan á núverandi verslunarhúsnæði á lóðinni. Uppdrættir dags. 23. október 2025.

Lögð fram fyrirspurn Magnúsar Jenssonar arkitekts dags. 6. nóvember 2025 f.h. lóðarhafa lóðarinnar nr. 1 við Huldubraut um fjölgun íbúða á lóðinni. Á lóðinni er 188,8 m² einbýlishús ásamt 28,3 m² stakstæðum bílskúr.

Lögð fram fyrirspurn Ellerts Hreinssonar arkitekts dags. 6. nóvember 2025 f.h. lóðarhafa lóðarinnar nr. 3 við Hagasmára um aukið byggingarmagn lóðarinnar með tveimur tveggja hæða viðbyggingum við núverandi inngang til vesturs á norðurturni. Byggingarmagn lóðarinnar myndi hækka um 1000 m², úr 18.195,3 m² í 19.195,3 m². Nýtingarhlutfall lóðarinnar hækkar úr 1,52 1,60.

Lögð fram fyrirspurn Hallgríms Þórs Sigurðssonar arkitekts dags. 31. október 2025 f.h. lóðarhafa lóðarinnar nr. 1 við Skógarlind um breytingu á aðal- og deiliskipulagi Kópavogs. Spurst er fyrir um tvær tillögur að breytingunum en báðar gera þær ráð fyrir íbúðum, verslunum og þjónustu ásamt bílakjallara.

Lögð fram umsókn Kjartans Ólafs Sigurðssonar byggingafræðings dags. 7. nóvember 2025 f.h. lóðarhafa lóðarinnar nr. 26 við Örvasali um breytingu á deiliskipulagi. Á lóðinni er 221,1 m² einbýlishús sótt er um að breyta 49,2 m² óuppfylltu rými í kjallara í nýtingarrými. Uppdrættir og skráningartafla dags. 14. júlí 2025.

Lagt fram erindi byggingarfullrúa dags. 24. október 2025 þar sem byggingarleyfisumsókn Kristins Más Þorsteinssonar f.h. lóðarhafa lóðarinnar nr. 46 við Skemmuveg er vísað til skipulagsfulltrúa. Sótt er um að byggja 258 m² viðbyggingu. Uppdrættir dags. í janúar 2023, uppfærðir í júlí 2024.

Lögð fram umsagnarbeiðni Garðabæjar dags. 9. október 2025 um tillögu að nýju deiliskipulagi fyrir Háholt Hnoðraholts. Uppdráttur dags. 29. september 2025 og greinargerð ásamt skipulagsskilmálum dags. 29. september 2025. Á embættisafgreiðslufundi skipulagsfulltrúa þann 13. október 2025 var erindinu vísað til umsagnar verkefnastjóra aðalskipulags og er nú lagt fram að nýju ásamt umsögn dags. 10. nóvember 2025.

Lögð fram umsagnarbeiðni Garðabæjar dags. 9. október 2025 um tillögu að breytingu á Aðalskipulagi Garðabæjar 2016-2030 fyrir Háholt Hnoðraholts. Uppdráttur dags. 26. mars 2025. Á embættisafgreiðslufundi skipulagsfulltrúa þann 13. október 2025 var erindinu vísað til umsagnar verkefnastjóra aðalskipulags og er nú lagt fram að nýju ásamt umsögn dags. 10. nóvember 2025.