Framkvæmdaráð

Þriðjudaginn 26. nóvember 2013 voru opnuð tilboð í verkið "Þing VII, 1. áfangi. - Vallaþing og Leiðarendi." Skv. útboðsgögnum Umhverfissviðs Kópavogs dags. nóvember 2013. Útboðið var opið og bárust 8 tilboð í verkið auk frávikstilboðs. Deildarstjóri framkvæmdadeildar gerði grein fyrir opnunarfundi tilboðanna. Þar sem yfirferð tilboða er ekki lokið, samþykkir framkvæmdaráð að vísa afgreiðslu málsins til bæjarráðs.

Lagðar fram upplýsingar forstöðumanns vinnuskóla dags. 4. nóvember 2013, um fjölda unglinga eftir starfstímabilum 2013. Garðyrkjustjóri gerði grein fyrir greinargerðinni.  

Föstudaginn 15. nóvember 2013 voru opnuð tilboð hreingerningu í Fífunni, skv. útboðsgögnum gerðum af framkvæmdadeild Kópavogsbæjar. Lagt er fram yfirlit tilboða. Útboðið var lokað. Deildarstjóri framkvæmdadeildar gerði grein fyrir verkefninu og opnunarfundi tilboðanna. Framkvæmdaráð samþykkir að samið verði við lægstbjóðanda Hreint ehf. Vísað til afgreiðslu bæjarráðs.

Óskað er heimildar framkvæmdaráðs til að leita tilboða í niðurrif og flutning reiðskemmunnar í Glaðheimum. Skv. skipulagi þarf að fjarlægja reiðskemmuna. Framkvæmdaráð samþykkir að heimila að leitað verði tilboða í niðurrif og brottflutning á reiðskemmu í Glaðheimum.

Lagt fram yfirlit umhverfissviðs (nr. 27) yfir framkvæmdir á árinu, dags. 25. nóvember 2013. Deildarstjóri framkvæmdasviðs gerði grein fyrir yfirlitinu.

Lagt fram erindi Heilbrigðiseftirlits Hafnarfjarðar- og Kópavogssvæðis dags. 26. nóvember 2013, vegna umsókn 3H Travel ehf. um "leyfi fyrir móttöku ferðamanna til hellisskoðunar í Þríhnúkagíg." Gert er ráð fyrir lagningu rafstrengs ofanjarðar og gerð göngustígs að svæðinu. Í erindi Heilbrigðiseftirlitsins felst að á fundi heilbrigðisnefndar Hafnarfjarðar- og Kópavogssvæðis þann 25. nóvember sl. var samþykkt "að kynna þessi áform fyrir heilbrigðisnefndum á höfuðborgarsvæðinu og Kópavogsbæ, til að kanna afstöðu þeirra fyrir næsta reglulegan fund nefndarinnar."

Framkvæmdaráð lýsir stuðningi við lagningu rafstrengs ofanjarðar og að gerður verði göngustígur að gígnum til að koma í veg fyrir umhverfisspjöll og vísar málinu til afgreiðslu bæjaráðs.

Bókun fulltrúa Framsóknarflokks: Mitt mat er að starfsleyfi eigi að vera gefið út á Þríhnúka ehf. sem eru núverandi leyfishafar.

Fulltrúar Samfylkingar og Vinstri grænna lýsa stuðningi við bókunina.

Framkvæmdaráð samþykkir með tveimur samhljóða atkvæðum að auglýsa lóðir í Vatnsendahlíð til úthlutunar að undangengnum útdrætti sbr. samning þar um. Fulltrúi Samfylkingar situr hjá.