Íþrótta- og tómstundaráð

Lögð fram gögn frá Breiðablik sem beðið hafði verið um á síðasta fundi ráðsins. 

ÍTK óskar eftir því að íþróttafélög í Kópavogi skili til ráðsins sundurliðuðu uppgjöri vegna barna- og unglingastarfs deildanna fyrir fyrri helming árs 2010 (6 mán. uppgjöri) og áætlun til loka ársins. 

Lögð voru fram gögn þar sem borin eru saman verðskrár og æfingagjöld nokkurra íþróttafélaga á höfuðborgarsvæðinu.  Töluverðs ósamræmis gætir í verðskrám íþróttafélaga bæjarins milli sambærilegra greina.  ÍTK felur íþróttafulltrúa að leita nánari skýringa og greina í hverju sá munur liggur. 

Óskað var eftir umsögn ráðsins vegna málsins.

Í ljósi sérstakra aðstæðna leggur ráðið til við bæjarráð að komið verði til móts við skíðadeild Breiðabliks vegna ferðakostnaðar á vetrinum 2009-2010.  Ráðið leggur til að styrkt verði að upphæð kr. 200.000. 

ÍTK hvetur til þess að rannsóknar- og undirbúningsvinnu vegna uppsetningar snjóframleiðslukerfis í Bláfjöllum verði hraðað.   

Lagt fram.

ÍTK felur íþróttafulltrúa að kanna kostnað við hönnun og uppsetningu. 

Arna Margrét Erlingsdóttir verkefnissjóri  kom inn á fund og skýrði frá stöðu mála vegna sumarnámskeiða á vegum ÍTK.