Íþróttaráð

Lögð fram til afgreiðslu drög að reglum um afnot af íþróttamannvirkjum í eigu Kópavogsbæjar. Vegna framlagðra reglna um úthlutun á íþróttamannvirkjum hefur formaður Íþróttaráðs átt fundi með eftirfarandi aðilum;
-Hannes Strange, formaður aðalstjórnar Breiðabliks, og Kristján Jónatansson framkvæmdastjóri.
-Sigurjón Sigurðsson,formaður aðalstjórnar HK og Hólmfríður Kristjánsdóttir aðalstjórnarmaður.
-Harpa Þorláksdóttir, formaður stjórnar Gerplu og Auður Inga Þorsteinsdóttir framkvæmdastjóri.
-Ellen Dröfn Björnsdóttir, formaður Dansíþróttafélags Kópavogs.
Einnig átti formaður, ásamt starfsmönnum íþróttadeildar fund með fulltrúum allra íþróttafélaga í Kópavogi með 1-2 deildir. Íþróttafélögunum var gefinn kostur á gera athugasemdir við reglurnar sem og að senda inn ábendingar í framhaldi af fundunum. Örfáar ábendingar um orðalag voru sendar inn en efnislega lýstu fulltrúar félaganna sig sammála framlögðum drögum.

Lögð fram að nýju umsókn Skotfélags Kópavogs frá 25. sept. sl., þar sem óskað var eftir styrk til endurnýjunar á æfingar- og keppnisbúnaði í aðstöðu Skotfélagsins í íþróttahúsinu Digranesi. Erindi var fyrst lagt fram í íþróttaráði 4. nóv. sl., og frestað. Í sama erindi kom fram að talsverðar skemmdir urðu á búnaði í púðursal félagsins þann 26. maí sl., er vatnleki varð úr búningsklefa á 1. hæð niður í skotsalinn í kjallara hússins. Lagt er til að íþróttaráð styrki félagið til að standa straum af útlögðum kostnaði við viðgerð tækjanna sem rúmast innan fjárheimilda íþróttadeildarinnar.

Lögð fram ársskýrsla fyrir árið 2014 frá forstöðumanni skíðaskála Breiðabliks - Skíðamiðstöð Kópavogs í Bláfjöllum.

Lagt fram kynnisbréf til íþróttafélaga, starfsreglur íþróttaráðs um rekstur á sumarnámskeiðum fyrir börn á aldrinum 6-14 ára og umsóknareyðublað vegna starfsmanna á sumarnámskeið íþróttafélaga 2015.

Sviðsstjóri menntasviðs gerði grein fyrir stöðu mála.

Lagt fram til kynningar bréf dagsett 4. mars sl., frá forráðamönnum Gym heilsu ehf. með ósk um áframhaldandi samstarf félagsins og Kópavogsbæjar á vettvangi heilsuræktar í sundlaugum Kópavogsbæjar.
Formaður íþróttaráðs gerði stutta grein fyrir fundi sem hann átti með Kjartani Má Hallkelssyni og Hreggviði Þorsteinssyni vegna Gym heilsu ehf. þar sem m.a vandi tengdur húsnæðismálum félagins var ræddur.

Lagt fram erindi dags. 26. febrúar sl., frá íbúa í Kópavogi, þar sem óskað eftir því að gefið verði svigrúm til að dóttir hennar geti nýtt frístundastyrkinn til þjálfunar í Gym heilsu í Versölum, vegna sérstakra aðstæðna.

Lagður fram tölvupóstur dags. 10. mars sl., frá íbúa í Kópavogi, þar sem óskað er eftir því að sonur hennar geti nýtt sér tómstundastyrkinn til greiðslu á líkmasræktarkorti í Gym heilsu í sundlaugum bæjarins, vegna sérstakra aðstæðna hans.

Í aðdraganda fundarins bárust eftirfarandi fyrirspurnir frá Helga Hrafni Ólafssyni þann 17. mars sl.
-Hvernig hefur samhæfing gengið milli félaga og aðila að þessu kerfi?
-Eru allir sáttir við þetta fyrirkomulag?
-Hafa komið upp vandamál?
Lagt fram minnisblað frá íþróttafulltrúa þar sem fram koma svör við framlögðum fyrirspurnum.

Lagt fram erindi Dansíþróttafélags Kópavogs dagsett 18. mars sl. vegna húsnæðisaðstöðu félagsins að Auðbrekku 17. Óskað er eftir formlegum viðræðum við Kópavogsbæ um þá alvarlegu stöðu sem upp er komin í starfssemi félagsins.

Íþróttaráð samþykkir að fundir vegna íþróttamála sem haldnir eru milli íþróttaráðsfunda séu kynntir undir þessum lið.