Íþróttaráð

Íþróttaráð samþykkir að útnefna Thelmu Aðalsteinsdóttur sem Íþróttakonu Kópavogs 2023 og Vigni Vatnar Stefánsson sem Íþróttakarl Kópavogs 2023.
Íþróttaráð samþykkir framlag að upphæð 300.000 kr. til íþróttakonu Kópavogs og 300.000 kr. til íþróttakarls Kópavogs.

Íþróttaráð samþykkir að veita Ungmennaflokkum Bogans (U16, U18 og U21) viðurkenningu, "Eftirtektarverður árangur á árinu 2023".
Íþróttaráð samþykkir jafnframt að útnefna Meistaraflokk Breiðabliks í knattspyrnu karla, Flokk ársins 2023. Íþróttaráð samþykkir framlag að upphæð 250.000 kr. til flokks ársins.

Íþróttaráð samþykkir að veita þeim Guðmundi Oddssyni og Jóni Júlíussyni heiðursviðurkenningu íþróttaráðs árið 2023, fyrir mikið og óeigingjarnt framlag þeirra í þágu íþrótta- og æskulýðsstarfs í bænum.
Jafnframt samþykkir íþróttaráð að veita Gunnþóri Hermannssyni viðurkeninguna "sjálfboðaliði ársins", en þetta er í fyrsta sinn sem íþróttaráð veitir sérstaka viðurkenningu fyrir sjálfboðaliða.
Að lokum samþykkir íþróttaráð að veita Bogfimifélaginu Boganum hvatningarverðlaun íþróttaráðs 2023, fyrir frumkvæði í þátttöku kynsegin íþróttafólks í starfi félagsins.

Eftirtalið íþróttafólk fær viðurkenningu íþróttaráðs árið 2023 vegna alþjóðlegra meistaratitla.
Norðurlandameistarar:
Patrek Hall Einarsson og Þórdís Unnur Bjarkadóttir bogfimi og Vignir Vatnar Stefánsson skák.
Norður- og Vestur Evrópumeistarar:
Thelma Aðalsteinsdóttir fimleikar og Guðfinnur Snær Magnússon kraftlyftingar.
Heimsmeistari:
Herdís Björg Jóhannsdóttir hestaíþróttir.
Heims- og Evrópumeistari:
Sóley Margrét Jónsdóttir kraftlyftingar.

Eftirtalið íþróttafólk fær viðurkenningu íþróttaráðs árið 2023 vegna þátttöku.
Á Evrópumeistaramóti:
Agnes Suto, Hildur Maja Guðmundsdóttir, Ágúst Ingi Davíðsson, Jónas Ingi Þórisson og Martin Bjarni Guðmundsson í áhaldafimleikum, Vignir Vatnar Stefánsson í skák.
Á Heimsmeistaramóti:
Oliver Ormar Ingvarsson, Astrid Daxböck, Valgerður Einarsdóttir Hjaltested, Ewa Ploszaj, Dagur Örn Fannarsson og Marín Aníta Hilmarsdóttir í bogfimi, Alexander Örn Kárason og Guðfinnur Snær Magnússon í kraftlyftingum, Jón Þór Sigurðsson í skotíþróttum og Sigurður Örn Ragnarsson í þríþraut.
Á Evrópu- og Heimsmeistaramóti:
Valgarð Reinhardsson, Dagur Kári Ólafsson og Thelma Aðalsteinsdóttir í fimleikum, Sóley Margrét Jónsdóttir í kraftlyftingum og Ingvar Ómarsson í hjólreiðum.

Íþróttaráð samþykkir framlagða dagskrá og skiptir með sér verkum við framkvæmd hennar.

Íþróttaráð samþykkir að veita Sindra Hrafni Guðmundssyni styrk úr afrekssjóði að upphæð 300 þúsund krónur.