Jafnréttis- og mannréttindanefnd

Jafnréttisráðgjafi aflaði upplýsinga frá grunnskólum Kópavogsbæjar og sóknum í sveitarfélaginu um skipulag fermingafræðslu og fermingaferðalaga vegna kvörtunar foreldris grunnskólabarns um að fermingaferðalög séu farin á skólatíma. Allir sóknarprestar svöruðu og svör bárust frá sjö af ellefu grunnskólum bæjarins.  Þau voru lögð fram og rædd.

Jafnréttisráðgjafi skrifaði öllum grunnskólum sveitarfélagsins og óskaði eftir upplýsingum um hvort nemendur færu í kirkjuheimsóknir á aðventunni eða hvort prestur væri fenginn í heimsókn.  Þá var spurt hvað væri gert fyrir þá nemendur sem kysu ekki að taka þátt í undirbúningi jólanna í skólanum.  Að lokum var spurt hvort sérstaklega væri gætt að þeim nemendum sem ekki tækju þátt í jólaundirbúningi eða kirkjuheimsóknum.   Svör bárust frá fimm skólum af ellefu grunnskólum sveitarfélagsins.  Þau voru lögð fram og rædd. 

Allar nefndir sem komu að vinnslu áætlunarinnar hafa samþykkt hana fyrir sitt leyti.  Áætlunin verður send bæjarráði Kópavogs til fullnaðarafgreiðslu.