Leikskólanefnd þakkar leikskólastjóra Marbakka Hólmfríði Sigmarsdóttur fyrir áhugaverða kynningu á starfi leikskólans. Einnig þakkar nefndin fyrir góðar veitingar.
Almenn mál
1.1709742 - Heilsueflingarnámskeið fyrir stjórnendur leikskóla Kópavogs
Dr. Sólfríður Guðmundsdóttir hjúkrunarfræðingur kynnir námskeiðið Vellíðan og stjórnun.
Leikskólanefnd þakkar dr. Sólfríði Guðmundsdóttir fyrir greinagóða kynningu á áhugaverðu efni.
Almenn mál
2.1601816 - Menntasvið-Skil skólastiga
Skýrsla vinnuhóps um skil skólastiga lögð fram. Máli frestað frá fyrra fundi.
Leikskólanefnd mælir með að menntasvið vinni framkvæmdaráætlun út frá tillögum sem birtast í skýrslunni. Þegar í stað verði hafin vinna við tilraunaverkefni milli leik- og grunnskóla í einu hverfi bæjarins. Menntasvið upplýsi leikskólanefnd reglulega um verkefnið.
Eftirfarandi bókun lögð fram af Gunnlaugi Ólafssyni og Jóhönnu Heiðdal: "Á sama tíma og fagnað er vel unninni skýrslu starfshópsins, er áréttað að við skipun í starfshópa ber að fara eftir jafnréttisstefnu Kópavogs. Þá þarf að gæta þess að í slíka starfshópa eru skipaðir einstaklingar af báðum kynjum og má hlutfall annars kynsins ekki vera minna en 40%. Ef af einhverjum ástæðum þarf að víkja frá þessu hlutfalli ber að rökstyðja það sérstaklega." Magnús H. Björgvinsson, Helgi H. Ólafsson og Eiríkur Ólafsson taka undir bókunina