Lista- og menningarráð

Lista- og menningarráð þakkar forstöðumanni Gerðarsafns greinargóða yfirferð yfir starfsemi og stefnu í málefnum safnsins. Ráðið lýsir yfir ánægju með mikla fjölgun gesta sem eru nú ríflega 41.000, og nemur fjölgunin um 500% á síðastliðnum fimm árum. Slíkri fjölgun fylgja áskoranir sem þarf að mæta.

Ráðið felur forstöðumanni Gerðarsafns og forstöðumanni menningarmála að hefja viðræður við eigendur listaverksafns Þorvaldar Guðmundssonar og Ingibjargar Guðmundsdóttur vegna vörslusamnings sem rann út árið 2005.

Staða sjóðs lista- og menningarráðs yfirfarin.

Lista- og menningarráð felur forstöðumanni menningarmála að taka við athugasemdum og koma til jafnréttis- og mannréttindaráðs.

Lista- og menningarráð gerir ekki athugasemd við ársreikning og skýrslu Leikfélags Kópavogs. Ráðið felur forstöðumanni menningarmála að boða stjórn Leikfélagsins til fundar í húsakynnum þeirra í byrjun árs 2020 þar sem rekstrarsamningurinn rennur út í lok sama árs.

Næstu fundir ráðsins eru 12. desember 2019 og 16. janúar 2020. Á janúarfundinum verða umsóknir í sjóð lista- og menningarráðs teknar til afgreiðslu.

Lista- og menningarráð þakkar Auði Finnbogadóttur verkefnastjóra stefnumótunar í Kópavogi yfirferð yfir stöðu á innleiðingu heimsmarkmiðanna.