Notendaráð í málefnum fatlaðs fólks

Notendaráð fatlaðs fólks brýnir fyrir umhverfissviði að bæta úr aðgengismálum í bænum og að hugað verði sérstaklga að niðurtektum á kantbrúnum sem ekki mega vera hærri en 2 cm skv. reglum vegagerðarinnar. Einnig þarf að gæta að því að halli á niðurtektum sé ekki of mikill sbr. reglur vegagerðarinnar.

Notendaráð fatlaðs fólks fer fram á að gerð verði óháð úttekt á aðgengismálum í bænum. Málinu vísað til úrlausnar.

Notendaráð fatlaðs fólks bendir á mikilvægi þess að hugað sé að hálkuvörnum og snjómokstri sérlega m.t.t. almennissamganga og gönguleiða skólabarna.

Notendaráð fatlaðs fólks samþykkir fyrir sitt leiti útreikninga á aðstoðarverkstjórn.

Fulltrúar ÖBÍ samþykkja útreikninga um aðstoðarverkstjórn í NPA, með fyrirvara um að takmörkun á fjölda samninga sem gert er ráð fyrir í reglum um NPA er ekki í samræmi við lög um þjónustu við fatlað fólk með langvarandi stuðningsþarfir. Það kemur skýrt fram í lögunum að sveitarfélög bera ábyrgð á að veita þeim NPA þjónustu sem þess þurfa.
Bráðabirgðaákvæðið í lok laganna var hugsað til þess að liðka fyrir innleiðingu þjónustunnar en átti aldrei að vera takmarkandi.

Notendaráð fatlaðs fólks samþykkir fyrir sitt leiti reglur um styrki til náms-, verkfæra og tækjakaupa skv. 25. gr.laga um þjónustu við fatlað fólk með langvarandi stuðningsþarfir.