Notendaráð í málefnum fatlaðs fólks

Notendaráð samþykkir reglurnar fyrir sitt leyti. Notendaráð hvetur til samráðs við notendur og að gerðar séu reglulegar þjónustukannanir meðal allra notenda ferðaþjónustunnar. Notendaráð hvetur jafnframt til notkunar á tækni og að skráningar og vistun gagna sé í samræmi við persónuverndarlög og að eftirlit með 3 aðila í þessum efnum sé fullnægjandi. Einnig hvetur notendaráð til þess að heildar þjónustan verði aðlöguð með það að markmiði að veita nútímalega og aðgengilega þjónustu fyrir notendur og er þar sérstaklega átt við leiðir til að panta og fylgjast með þjónustu í samræmi við nútíma tækni, td í appi sem sviptar til þess sem strætó og Uber nýta. Notendaráð bendir á að mikilvægt sé að foreldrar geti bæði pantað, haldið utan um og fylgst með ferðum barna sinna, sýnt staðsetningu í rauntíma líkt og í þeirri þjónustu sem strætó býður upp á. Þetta stuðlar að öryggi, betri nýtingu og tekur á kvíða sem notenda og foreldra. Notendaráð vill benda á að í boði þurfa að vera fleiri leiðir til að panta þjónustuna og halda utan um hana sem henta fólki með mismunandi þarfir, aðgengi og þekkingu, leiðir umfram þá þá þjónustu sem veitt er í dag ss. að hringja inn í símaver, bíða og vona að pöntunin hafi farið rétt í gegn, ekki vita af seinkunum, hvort aðrir verði í bílnum ect.

Notendaráð samþykkir tillögu að breytingu á reglum um NPA fyrir sitt leyti með þremur atkvæðum gegn einu atkvæði Hákonar Helga Leifssonar. Sigurbjörg Erla Egilsdóttir og Ingveldur Jónsdóttir sitja hjá.

Bjarki Valberg kynnti tillögu um hvernig aðgengismálum í og við Hamarborg verðí háttað á framkvæmdartíma. Notendaráð þakkar Bjarka fyrir greinargóðar upplýsingar og telur nauðsynlegt að íbúar svæðisins fái samskonar kynningu.

Notendráð telur mikivægt að vekja athygli á aðgengismálum með því að veita viðurkenningu fyrir gott aðgengi. Starfsmanni ráðsins er falið að útbúa erindi til bæjarráðs og óska hugmyndinni brautargengis.

Birkir gerði grein fyrir niðurtektum á gangstéttum í Kópavogi og þakkar notendaráð honum fyrir góða kynningu. Eins og kemur fram þá eru brúnir á gönguleiðum víða allt of háar. Notendaráð telur mikilvægt að umhverfissvið kostnaðarmeti og setji fram áætlun um úrbætur og vísar málinu til umræðu í umhverfis- og samgöngunefnd og til velferðarráðs.