Skipulags- og umhverfisráð

2503005F - Skipulags- og umhverfisráð - 5. fundur frá 17.03.2025.



23111613 Göngu- og hjólastígar um Ásbraut. Deiliskipulag.Forkynning.

Bæjarstjórn staðfestir afgreiðslu skipulags- og umhverfisráðs með 11 atkvæðum.



25021662 Hafnarbraut 14 A-D. Breytt deiliskipulag.

Bæjarstjórn staðfestir afgreiðslu skipulags- og umhverfisráðs með 10 atkvæðum gegn atkvæði Gunnars Sæs Ragnarssonar.



25022006 Smiðjuvegur 7. Breytt deiliskipulag.

Bæjarstjórn staðfestir afgreiðslu skipulags- og umhverfisráðs með 11 atkvæðum.

2503005F - Skipulags- og umhverfisráð - 5. fundur frá 17.03.2025.



23111613 Göngu- og hjólastígar um Ásbraut. Deiliskipulag.Forkynning.

Bæjarráð vísar afgreiðslu málsins til bæjarstjórnar.



25021662 Hafnarbraut 14 A-D. Breytt deiliskipulag.

Bæjarráð vísar afgreiðslu málsins til bæjarstjórnar.



25022006 Smiðjuvegur 7. Breytt deiliskipulag.

Bæjarráð vísar afgreiðslu málsins til bæjarstjórnar.

Lögð fram beiðni skipulagsfulltrúa dags. 4. apríl 2025 um heimild til að hefja vinnu nýs deiliskipulags fyrir Kópavogsskóla. Fyrirhugað skipulagssvæði er um 2,2 ha að flatarmáli og afmarkast af skipulagsmörkum deiliskipulags miðbæjar Kópavogs, reita B1-1, B4, B2 og B1-3 til vesturs, skipulagsmörkum deiliskipulags leikskóla við Skólatröð og að lóðarmörkum Vallatraðar 2, 6, 8 og 10 ásamt lóðamörkum Skólatraðar 1, 3, 5, 7, 9 og 11 til norðurs, skipulagsmörkum deiliskipulags Traðarreitar eystri til austurs og að lóðamörkum Digranesvegar 15 suðurs.

Elín Mjöll Lárusdóttir verkefnastjóri og Ármann Halldórsson deildarstjóri framkvæmdadeildar tóku sæti á fundinum undir þessum lið.

Kynning á verkefninu LIFE ICEWATER. Kópavogsbær er í hópi 22 aðila sem hlotið hafa styrk sem er ætlað að flýta fyrir og bæta innleiðingu vatnaáætlunar á Íslandi. Hlutur Kópavogsbæjar snýr að aðgerðum til að koma vatnsgæðum Kópavogslækjar í betra efnafræðilegt ástand með fyrirbyggjandi aðgerðum, vakta ástand lækjarins og auka fræðslu til íbúa.

Karen Jónasdóttir verkefnastjóri umhverfismála gerði grein fyrir erindinu.

Með tilvísun í skipulagskilmála fyrir breytt deiliskipulag Kópavogsdals, Dalsmára 13 eru lögð fram f.h. lóðarhafa byggingaráform Former arkitekta dags. 4. apríl 2025 fyrir lóðina nr. 13 við Dalsmára. Í byggingaráformunum kemur fram hvernig hönnun og frágangur hússins og lóðar fellur að viðmiðum í ákvæðum í skipulagsskilmálum og þeim dæmum eða fyrirmyndum sem fram koma á skýringarmyndum sem fylgja deiliskipulagi sem samþykkt var í bæjarstjórn 14. janúar 2025 og birt í B-deild stjórnartíðinda þann 27. febrúar 2025. Uppdrættir í mkv. 1:100, 1:200 og 1:500 dags. 4. apríl 2025.

Rebekka Pétursdóttir og Ellert Hreinsson frá Former arkitektum gerðu grein fyrir erindinu.

Elín Mjöll Lárusdóttir verkefnastjóri tók sæti á fundinum undir þessum lið.

Lögð fram uppfærð tillaga Nordic Office of Architecture ehf. dags. 4. apríl 2025 f.h. lóðarhafa lóðarinnar nr. 76 við Smiðjuveg um breytingu á deiliskipulagi lóðarinnar. Í breytingunni felst að komið verði fyrir 1093m² viðbyggingu við núverandi hús á lóðinni. Lóðarmörk breytast í samræmi við fyrirhugaða viðbyggingu og stækka til norðausturs og mörk skipulagssvæðis breytast einnig í samræmi við tillögu að lóðarstækkun. Lóðin stækkar úr 6049m² í 7471,3m², heildar byggingarmagn eykst úr 3012.7m² í 4105.7m² og nýtingarhlutfall eykst úr 0,50 í 0,55. Á fundi skipulagsráðs þann 15. júlí 2024 var samþykkt að auglýsa tillöguna. Kynningartíma lauk 28. október 2024 og athugasemdir bárust. Á fundi skipulagsráðs þann 4. nóvember 2024 var erindið lagt fram að nýju að lokinni kynningu ásamt innsendum athugasemdum. Afgreiðslu var frestað og vísað til umsagnar skipulagsdeildar. Uppfærður uppdráttur í mkv. 1:1000 dags. 4. apríl 2025.

Þá lögð fram umsögn skipulagsdeildar dags. 4. apríl 2025.

Elín Mjöll Lárusdóttir tók sæti á fundinum undir þessum lið.

Lögð fram tillaga skipulagsfulltrúa að skipulagslýsingu dags. 19. mars 2025 vegna fyrirhugaðrar deiliskipulagsgerðar tveggja vegkafla Arnarnesvegar. Annars vegar milli Hafnarfjarðarvegar og Reykjanesbrautar og hinsvegar frá Fífuhvammsvegi að Rjúpnavegi. Vegkaflinn milli Hafnarfjarðarvegar og Reykjanesbrautar er 1,6 km á lengd og er innan Kópavogs og Garðabæjar. Deiliskipulagið mun ná yfir veghelgunarsvæðin, stíga og gatnamót að nálægum íbúðarsvæðum. Unnið er að veghönnun beggja vegkaflanna með breytingum sem eru til þess ætlaðar að auka umferðaröryggi og um leið eru hljóðvarnir, stígatengingar og staðsetningar strætóstöðva yfirfarnar. Í dag er Arnarnesvegur á stærstum hluta þessa kafla tvíbreiður vegur með eina akrein í hvora átt með hringtorgum á gatnamótum. Verið er að skoða mögulegar útfærslur á fyrirkomulagi vegarins og gatnamóta á þessum kafla út frá hæðarlegu og afkastagetu. Markmiðið er að halda hringtorgunum í núverandi legu en breikka hringtorg Arnarnesvegar og Smárahvammsvegar í tvær akreinar. Fyrir liggur skv. aðalskipulagi Garðabæjar að gerð verður vegtenging í undirgöngum til að tengja væntanlega uppbyggingu í Arnarlandi við þegar byggt hverfi í Akralandi.

Skipulagslýsingin er unnin af Eflu fyrir Kópavogsbæ og Garðabæ í samvinnu við Vegagerðina.

Lögð fram tillaga skipulagsfulltrúa að skipulagslýsingu dags. 19. mars 2025 vegna fyrirhugaðrar deiliskipulagsgerðar tveggja vegkafla Arnarnesvegar. Annars vegar milli Hafnarfjarðarvegar og Reykjanesbrautar og hinsvegar frá Fífuhvammsvegi að Rjúpnavegi. Vegkaflinn frá Fífuhvammsvegi að Rjúpnavegi er um 1,1 km á lengd og er alfarið innan Kópavogs. Deiliskipulagið mun ná yfir veghelgunarsvæðin, stíga og gatnamót að nálægum íbúðarsvæðum. Unnið er að veghönnun beggja vegkaflanna með breytingum sem eru til þess ætlaðar að auka umferðaröryggi og um leið eru hljóðvarnir, stígatengingar og staðsetningar strætóstöðva yfirfarnar. Á vegkaflanum frá Fífuhvammsvegi að Rjúpnavegi er verið að endurhanna gatnamót til að auka umferðaröryggi og til að bæta umferðarflæði, en í dag er vegkaflinn tvíbreiður vegur með eina akrein í hvora átt með hringtorgi og tveimur T-gatnamótum. Til skoðunar er að fækka skurðpunktum akandi umferðar og bæta við hringtorgi á gatnamótum við Salaveg.

Skipulagslýsingin er unnin af Eflu fyrir Kópavogsbæ og Garðabæ í samvinnu við Vegagerðina.

Lagt fram yfirlit yfir verkefni skipulags- og umhverfisráðs árið 2025 til umræðu.

Lögð fram til kynningar drög að erindisbréfi skipulags- og umhverfisráðs ásamt viðauka IV um framsal til fullnaðarákvörðunar mála.



Pálmi Þór Másson bæjarritari og Steinn Sigríðar Finnbogason lögmaður gerðu grein fyrir erindisbréfinu.