Skipulagsráð

22114380 - Vesturvör 22-24 (Hafnarbraut 16-18). Breytt deiliskipulag.

Bæjarstjórn staðfestir afgreiðslu skipulagsráðs með 6 atkvæðum gegn atkvæðum Helgu Jónsdóttur og Kolbeins Reginssonar og hjásetu Theódóru S. Þorsteinsdóttur, Sigurbjargar E. Egilsdóttur og Bergljótar Kistinsdóttur.



2109353 - Vatnsendablettur 5. Breytt deiliskipulag

Bæjarstjórn staðfestir afgreiðslu skipulagsráðs með 11 atkvæðum.



2201817 - Hafnarbraut 10, breytt deiliskipulag.

Bæjarstjórn staðfestir afgreiðslu skipulagsráðs með 6 atkvæðum gegn atkvæðum Helgu Jónsdóttur, Kolbeins Reginssonar, Theódóru S. Þorsteinsdóttur, Sigurbjargar E. Egilsdóttur og hjásetu Bergljótar Kistinsdóttur.



23011596 - Þinghólsskóli. Breytt deiliskipulag.

Bæjarstjórn staðfestir afgreiðslu skipulagsráðs með 11 atkvæðum.



23011662 - Selbrekka 20. Kynning á byggingarleyfisumsókn.

Bæjarstjórn staðfestir afgreiðslu skipulagsráðs með 11 atkvæðum.

22114380 - Vesturvör 22-24 (Hafnarbraut 16-18). Breytt deiliskipulag.

Bæjarráð vísar afgreiðslu málsins til bæjarstjórnar.



2109353 - Vatnsendablettur 5. Breytt deiliskipulag

Bæjarráð vísar afgreiðslu málsins til bæjarstjórnar.



2201817 - Hafnarbraut 10, breytt deiliskipulag.

Bæjarráð vísar afgreiðslu málsins til bæjarstjórnar.



23011596 - Þinghólsskóli. Breytt deiliskipulag.

Bæjarráð vísar afgreiðslu málsins til bæjarstjórnar.



23011662 - Selbrekka 20. Kynning á byggingarleyfisumsókn.

Bæjarráð vísar afgreiðslu málsins til bæjarstjórnar.

2208338 - Vatnsendahæð - Vatnsendahvarf. Breyting á aðalskipulagi.

Lagt fram og kynnt.



2011714 - Vatnsendahæð - Vatnsendahvarf. Deiliskipulag.

Lagt fram og kynnt.

Bókun: Við fögnum góðri tillögu um fallegt hverfi. Við leggjum hins vegar áherslu á að tryggja aðgengi fyrstu kaupenda og tekjulágra að hverfinu, með ákveðnu hlutfalli hagkvæmra íbúðakosta og íbúða sem skilgreindar væru fyrir húsnæðissamvinnufélög eða óhagnaðardrifin leigufélög. Einnig hvetjum við til að áhrif á umhverfið verði skoðað við val á byggingarefni fyrir hverfið.

Kristín Sævarsdóttir, Jane Appelton, Andrés Pétursson og Indriði Stefánsson.

Lögð fram að nýju umsókn Hrólfs Karls Cela arkitekts, dags. 11. janúar 2022 f.h. lóðarhafa lóðanna nr. 1-7 og 9-15 við Nónsmára um breytingu á deiliskipulagi Nónhæðar staðf. 13. nóvember 1991 m.s.br., fyrir fyrrgreindar lóðir. Í breytingunni felst að á lóðinni Nónsmára 1-7 fjölgar íbúðum úr 55 í 60 og á lóðinni Nónsmára 9-15 fjölgar íbúðum úr 45 í 50. Heildarfjölgun íbúða er alls 10 íbúðir. Þá er sótt um hækkun byggingarreita þannig að hús nr. 1 og 9 hækki úr tveimur hæðum í þrjár og hús númer 5, 7, 13 og 15 úr fjórum hæðum í fimm hæðir. Byggingarmagn á lóðunum eykst úr 15.600 m² í 17.300 m² og nýtingarhlutfall hækkar úr 0,5 í 0,6. Bílastæðum neðanjarðar fjölgar úr 82 í 104 en bílastæðum ofanjarðar fækkar úr 125 í 122. Tillagan er sett fram á uppdráttum í mkv. 1:2000 ásamt skýringarmyndum og greinargerð dags. 10. janúar 2022. Einnig fylgir tillögunni skuggavarpsgreining dags. 27. janúar 2022.

Á fundi skipulagsráðs þann 30. maí 2022 var ofangreind tillaga lögð fram að lokinni kynningu skv. 1. mgr. 43. gr. skipulagslaga nr. 123/2010 ásamt umsögn skipulagsdeildar dags. 13. maí 2022 og uppfærð 30. maí 2022 um þær athugasemdir og ábendingar sem bárust á kynningartíma tillögunnar. Skipulagsráð hafnaði tillögunni. Afgreiðsla skipulagsráðs var staðfest á fundi bæjarráðs þann 21. júlí 2022. Í úrskurði Úrskurðarnefndar umhverfis- og auðlindamála dags. 20. janúar 2023 var ákvörðun bæjarráðs um að hafna tillögunni felld úr gildi.

Þá er lagður fram ofangreindur úrskurður Úrskurðarnefndar umhverfis- og auðlindamála í máli nr. 92/2022 dags. 20. janúar 2023 ásamt drögum að greinargerð skipulagsráðs með afgreiðslu málsins dags. 17. mars 2023.

Jafnframt eru lögð fram tvö erindi Hjalta Steinþórssonar lögmanns f.h. lóðarhafa dags. 7. febrúar 2023 og 15. mars 2023.

Á fundi skipulagsráðs 20. mars 2023 var afgreiðslu málsins frestað.

Þá er einnig lögð fram greinargerð frá fulltrúum Viðreisnar, Samfylkingar, Vina Kópavogs og Pírata dags. 29. mars 2023.

Lögð fram að nýju tillaga Arkís arkitekta f.h. lóðarhafa dags. 7. nóvember 2022 að breyttu deiliskipulagi Dalvegar 32 A, B og C.

Í breytingunni felst að byggingarreitur Dalvegar 32B minnkar til austurs, byggingarreitur Dalvegar 32C stækkar og færist til á lóðinni. Byggingarreitur Dalvegar 32C hækkar jafnframt úr 2 hæðum ásamt kjallara í 2-4 hæðir ásamt kjallara og 6 hæðir ásamt kjallara austast á lóðinni. Heildarbyggingarmagn á lóð eykst úr 9.300 m2 í 18.618 m². Svæðisnýting eykst úr 0.4 í 0.8. Nýtingarhlutfall lóðar verður 1. Fyrirkomulag og fjöldi bílastæða á lóð breytist. Gert verður ráð fyrir akstursleið til vesturs frá lóðarmörkum Dalvegar 32 inn á lóðina að Dalvegi 30

Tillagan er sett fram á uppdrætti í mkv. 1:1000 ásamt skýringarmyndum. Tillögunni fylgir jafnframt umferðargreining frá VSÓ ráðgjöf dags. í október 2022, mat á áhrifum á hljóðvist frá Hljóðvist Ráðgjöf og Hönnun dags. 3. október 2022, skugga/vind/loftslagsgreiningar frá Reflex Arkitekter dags. 7. nóvember 2022.

Á fundi skipulagsráðs 15. desember 2022 var afgreiðslu málsins frestað.

Þá er lögð fram rýni á gögn umferðargreininga frá VSB verkfræðistofu dags. 14. mars 2023.

Lögð fram að nýju tillaga Nexus arkitekta. dags. 1. desember 2022 fh. lóðarhafa Kríuness að breyttu deiliskipulagi; Vatnsendi - Milli vatns og vegar, samþykkt í bæjarstjórn 8. maí 2001 m.s.br. samþykktar í bæjarstjórn 23. september 2003, 28. júlí 2009, 22. september 2015 og 27. júní 2017. Deiliskipulagssvæðið afmarkast af Fagraholti til norðurs, Elliðavatni til austurs og suðurs og landi Vatnsenda til vesturs og nær aðeins til leigulandsins Kríuness. Í breytingunni felst að gert er ráð fyrir nýrri viðbyggingu hótelsins á neðri hæð hússins á suðurhluta lóðar. Að auki er gert ráð fyrir breytingum á innra fyrirkomulagi hússins með því að breyta hluta núverandi húsnæðis hótelsins í íbúðarhúsnæði. Heildarfjöldi hótelherbergja og íbúða er óbreyttur. Hæð byggingarreits breytist ekki. Við breytinguna eykst fermetrafjöldi á lóð úr 2.875 m² í 3.370 m². Nýtingarhlutfall eftir breytingu verður um 0.22. Á fundi skipulagsráðs 19. desember 2022 var samþykkt að auglýsa tillöguna. Kynningartíma lauk 2. mars 2023, ein umsögn barst. Á fundi skipulagsráðs 6. mars 2023 var erindinu vísað til umsagnar skipulagsdeildar. Uppfærður uppdráttur dags. 23. mars 2023 ásamt umsögn skipulagsdeildar dags. 30. mars 2023.

Lögð fram fyrirspurn Hildar Finnsdóttur, lóðarhafa lóðarinnar nr. 33a við Vogatungu dags. 6. mars 2023 um niðurtekningu á kantsteini og bílastæði innan lóðarinnar.

Þá lagt fram minnisblað skipulagsdeildar dags. 31. mars 2023.

Lögð fram fyrirspurn Sigríðar Ólafsdóttur arkitekts dags. 21. mars 2023 f.h. lóðarhafa Breiðahvarfs 4 um fjölgun íbúða á lóðinni úr einni í tvær.

Þá er lagt fram minnisblað skipulagsdeildar dags. 31. mars 2023.

Lögð fram fyrirspurn Óla Rúnars Eyjólfssonar arkitekts og byggingarfræðings dags. 6. mars 2023 f.h. lóðarhafa Fossahvarfs 7 um 26,8 m² viðbyggingu á annarri hæð, ofan á bílskúr.

Uppdrættir í mkv. 1:50, 1:100 og 1:500 dags. 4. mars 2023.

Þá er lagt fram minnisblað skipulagsdeildar dags. 16. mars 2023.

Lagt fram erindi byggingarfulltrúa dags. 14. mars 2023 þar sem umsókn Valgeirs Berg Steindórssonar dags. 26. janúar 2023 f.h. lóðarhafa lóðarinnar nr. 68 við Álfhólsveg er vísað til skipulagsráðs. Sótt er um leyfi til að byggja 17,2 m² útigeymslu á suðausturhluta lóðarinnar. Nýtingarhlutfall lóðarinnar eykst úr 0,26 í 0,28 við breytinguna.

Uppdrættir í mkv. 1:100 dags. 26. janúar 2023.

Lagt fram erindi Arinbjarnar Vilhjálmssonar, skipulagsstjóra Garðabæjar, dags. 14. mars 2023 þar sem óskað er eftir umsögn Kópavogsbæjar um tillögu að breytingu á Aðalskipulagi Garðabæjar 2016-2030 vegna stígakerfis í upplandi Garðabæjar. Í breytingunni felst endurskoðun á reiðleiðum og stígum til samræmis við deiliskipulagstillögur og friðlýsingartillögu sem kynntar eru samhliða.

Uppdrættir í mkv. 1:10.000 ásamt greinargerð dags. 27. október 2022.

Lagt fram erindi Haralds Sigurðssonar deildarstjóra aðal- og svæðisskipulags hjá Reykjavíkurborg dags. 21. mars 2023 þar sem óskað er eftir umsögn vegna fyrirhugaðrar breytingar á Aðalskipulagi Reykjavíkur 2040 er varðar skotíþróttasvæði á Álfsnesi. Í lýsingunni eru einnig sett fram fyrstu drög að mögulegri útfærslu breytingartillögu.

Lýsing skipulagsaðgerðar, umhverfismat og drög að tillögu dags. í mars 2023.

Lagt fram erindi Önnu Maríu Guðmundsdóttur, verkefnisstjóra hjá Garðabæ dags. 28. mars 2023 um tillögu að breytingu á deiliskipulagi Hnoðraholts norður.

Í breytingunni felst að lega stígs meðfram sveitarfélagsmörkum Garðabæjar og Kópavogs er breytt þannig að stígurinn færist nær lóðum við Þorrasali og Þrúðsali en fjær lóðum sunnan götu við Þrymsali. Gert er ráð fyrir að íbúðum á svæðinu geti fjölgað úr 419 í 461 og að meðaltals nýtingarhlutfall íbúðarbyggðar aukist úr 0,7 í 0,9. Þá eru byggingarreitir fjölbýlishúsa við Vorbraut hækkaðir um eina inndregna hæð, úr tveimur hæðum í þrjár norðan götunnar og úr þremur hæðum í fjórar sunnan götunnar.

Þremur einbýlishúsalóðum vestan Þrúðsala og Þorrasala er jafnframt breytt í sex rað- og parhúsalóðir.

Uppdrættir í mkv. 1:1000 og 1:2000 ásamt greinargerð dags. 8. mars 2023.

Lagt fram erindi Egils Þórarinssonar, sviðsstjóra sviðs umhverfismats hjá Skipulagsstofnun, dags. 23. mars 2023 þar sem óskað er umsagnar Kópavogsbæjar um matsáætlun Reykjavíkurborgar og Vegagerðarinnar um breytingar á gatnamótum Reykjanesbrautar og Bústaðavegar og legu Borgarlínu á milli Stekkjarbakka og Vogabyggðar.