Umhverfisráð

Fundargerð bæjarráðs 9. desember 2010:
1001169 - Umhverfisstefna Kópavogs
Bæjarráð samþykkir drög að umhverfisstefnu fyrir sitt leyti en óskar umsagnar nefndar og ráð bæjarins áður en stefnan fer til afgreiðslu bæjarstjórnar.
1006080 - Grænt bókhald 2009
Bæjarráð vísar erindinu til afgreiðslu bæjarstjórnar.
Fundargerð bæjarstjórnar 14. desember 2010:
Lagt fram.

Á fundi umhverfisráðs 17. janúar 2011 var farið yfir stöðu verkefnisins við Þríhnúka, framvindu undirbúningsvinnu fyrir skilgreiningu, samanburð á friðlýsingu og hverfisvernd og minnisblað Skipulags- og umhverfissviðs dags. 27. ágúst 2010 um verklag fyrirhugaðrar skipulagsvinnu við Þríhnúka og næstu skref.

Á fundi umhverfisráðs 15. nóvember 2010 var lagt fram erindi frá Heilbrigðiseftirliti Hafnarfjarðar- og Kópavogssvæðis dags. 8. nóvember 2010 um starfssvið stjórnar skíðasvæða höfuðborgarsvæðisins.
Með tilvísan í lög nr. 44/1999 um náttúruvernd og auglýsingu um fólkvang í Bláfjöllum í Stjórnartíðindum B- deildar nr. 173/1985 vill umhverfisráð benda á mikilvægi þess að yfirfara allt verklag um stjórn fólkvangsins. Umhverfisráð óskar eftir því að sviðsstjóri Skipulags- og umhverfissviðs ræði við stjórn skíðasvæða höfuðborgarsvæðisins og Bláfjallafólkvangs og Umhverfisstofnun þar að lútandi.
Á fundi umhverfisráðs 17. janúar 2011 var staða málsins kynnt og drög að bréfi dags. 17. janúar 2011 til Umhverfisstofnunar lagt fram.

Á fundi umhverfisráð 17. janúar 2011 voru lögð fram drög um breytingu á lögum um náttúruvernd, nr. 44/1999, með síðari breytingum. Frumvarpsdrögin eru opin öllum til umsagna og er umsagnafrestur til og með 21. janúar 2011. Drög að umsögn frá umhverfisráði lögð fram.

Á fundi umhverfisráðs var lagt fram erindi frá Umhverfisstofnun dags. 15. september 2010. Boðað var til 3. lögbundis fundar Umhverfisstofnunar og náttúruverndarnefnda sveitarfélaga í Borgarnesi, 29. október 2010.
Lagt fram og kynnt.
Á fundi umhverfisráðs 15. nóvember 2010 var málið lagt fram á ný.
Formaður umhverfisráðs greindi frá nýliðnum fundi.
Á fundi umhverfisráðs 17. janúar 2011 voru niðurstöður hópavinnu lagðar fram.

Á fundi umhverfisráðs 15. nóvember 2011 voru lögð fram drög sviðsstjóra að starfs- og fjárhagsáætlun Skipulags- og umhverfissviðs 2011.
Sviðsstjóri gerði grein fyrir drögum starfs- og fjárhagsáætlun 2011. Umhverfisráð fór yfir verkefnalistann og gerði athugasemdir. Umhverfisráð felur sviðsstjóra að skila fyrirliggjandi tillögu til bæjarráðs.
Á fundi umhverfisráðs 17. janúar 2011 var farið yfir niðurstöður fjárhagsáætlunar 2011.