Velferðarráð

Skrifstofustjóri á skrifstofu félagslegs leiguhúsnæðis kynnir breytingar á reglum um útleigu félagslegra leiguíbúða og vinnu við uppfærslu á stigakerfi umsókna.

Skrifstofustjóri á skrifstofu ráðgjafar kynnir skýrslu starfshóps á vegum félags- og vinnumarkaðsráðherra um fyrirkomulag þjónustu vegna ofbeldis sem kom út í mars 2023 og segir frá verkefninu "Saman gegn ofbeldi"í Kópavogi.

Erlendur Geirdal, áheyrnarfulltrúi Samfylkingarinnar leggur fram fyrirspurn varðandi áhrif breytinga á skipulagi leikskóla Kópavogs frá 1. september 2023, á skjólstæðinga velferðarsviðs:



1. Hefur umsóknum um fjárhagsaðstoð fjölgað?

2. Merkja ráðgjafar að sérstaklega sé óskað eftir fjárhagsaðstoð vegna hækkunar leikskólagjalda?

3. Hefur umsóknum um stuðning við börn og fjölskyldur fjölgað?

4. Merkja ráðgjafar aukið álag hjá skjólstæðingum sem rekja má til breytinganna, þ.e. styttri vistunartíma eða hærri gjalda?



Lagt fram minnisblað skrifstofustjóra á skrifstofu ráðgjafar dags. 18.04.2024 með svörum við fyrirspurninni.

Áfrýjun dags. 19.02.2024, ásamt tilgreindum fylgiskjölum, lögð fram til afgreiðslu að nýju.

Sviðsstjóri kynnir starfið á velferðarsviði á milli funda velferðarráðs.

Lagðar fram til kynningar tölulegar upplýsingar um starfsemi velferðarsviðs september til desember 2023.

Sigurbjörg Erla Egilsdóttir aðalmaður Pírata í velferðarráði óskar eftir að fá minnisblað um samráðsverkefni sveitarfélaga á höfuðborgarsvæðinu, sem Kópavogsbær tók þátt í, um málefni heimilislausra með miklar og flóknar þjónustuþarfir.



Hver er staða mála varðandi þetta verkefni í Kópavogi og hvað er áætlað að gera á þessu ári í þessum málaflokki?

Fundargerð í tveimur liðum.