Bæjarráð

Kynning og umræður.

Bæjarráð samþykkir ársreikning Kópavogsbæjar, stofnana og fyrirtækja bæjarins fyrir árið 2024 með fimm atkvæðum og vísar honum til endurskoðunar og afgreiðslu bæjarstjórnar.

Gestir véku af fundi kl. 9:10.

Kynning og umræður.

Bæjarráð frestar afgreiðslu á reglum um tekjutengda afslætti á dvalargjöldum leikskóla.

Gestir véku af fundi kl. 9:56.

Tillögu Sigurbjargar E. Egilsdóttur um að vísa málinu til umsagnar í ungmennaráði er hafnað með þremur atkvæðum gegn atkvæðum Helgu Jónsdóttur og Theódóru S. Þorsteinsdóttur.

Bókun:
"Undirrituðum finnst miður að meirihlutinn hafni því að vísa tillögu um hækkun gjalda á sumarnámskeiðum barna til umsagnar Ungmennaráðs Kópavogs.

Hlutverk ráðsins er að gæta hagsmuna barna og ungmenna í Kópavogi, og þessi tillaga snertir þá hagsmuni með afgerandi hætti. Kópavogsbær ber jafnframt ábyrgð sem barnvænt sveitarfélag. Áður en ákvarðanir sem varða börn eru teknar, skal meta áhrif þeirra á börn og það sem barni er fyrir bestu á alltaf að hafa forgang.

Gjaldskrárhækkun af þessari stærðargráðu getur haft í för með sér að sum börn, sérstaklega þau sem koma úr tekjulægri fjölskyldum, fái ekki tækifæri til að sækja sumarnámskeið. Aðgerðin getur því takmarkað aðgengi að frístundum sem eru í eðli sínu afar mikilvægar fyrir félagsfærni, öryggi og velferð barna yfir sumartímann."

Sigurbjörg Erla Egilsdóttir
Theodóra S. Þorsteinsdóttir
Helga Jónsdóttir
Hákon Gunnarsson


Bókun:
"Hlutverk ungmennaráðs er m.a. að veita ungu fólki vettvang og leiðir til að koma skoðunum sínum og tillögum á framfæri við viðeigandi aðila. Verklagið hefur verið að gjaldskrárbreytingar eru ekki teknar til umræðu hjá nefndum sem snúa að tilteknum hópum, sem dæmi breytingar á gjaldskrám er snúa að málefnum aldraða eða málefnum fatlaðra."

Ásdís Kristjánsdóttir
Orri V. Hlöðversson
Hjördís Ýr Johnson
Andri S. Hilmarsson


Bæjarráð samþykkir með þremur atkvæðum gegn atkvæðum Helgu Jónsdóttur og Theódóru S. Þorsteinsdóttur framlagða gjaldskrá fyrir sumarnámskeið 2025.


Bókun:
"Undirrituð mótmæla harðlega hækkun gjaldskrár fyrir sumarnámskeið barna í Kópavogi um 53% til 105%. Slík hækkun er í andstöðu við yfirlýsingu ríkisstjórnarinnar og Sambands íslenskra sveitarfélaga frá mars 2024. Þar er áhersla er lögð á að gjaldskrárhækkunum verði stillt í hóf eins og kostur er á samningstíma kjarasamninganna, sér í lagi varðandi barnafjölskyldur og fólk í viðkvæmri stöðu. Fyrirhuguð hækkun sumarnámskeiðsgjalda gengur gegn þessum markmiðum og felur í sér umtalsvert aukið fjárhagslegt álag á barnafjölskyldur í Kópavogi en skiptir litlu sem engu í tekjuöflun bæjarsjóðs.

Tryggja þarf að gjaldskrár fyrir þjónustu við börn og fjölskyldur haldist innan eðlilegra marka og í samræmi við þau sameiginlegu markmið sem sett hafa verið um verðstöðugleika og bætt lífskjör."

Sigurbjörg Erla Egilsdóttir
Theodóra S. Þorsteinsdóttir
Helga Jónsdóttir
Hákon Gunnarsson


Bókun:
"Líkt og kemur fram í minnisblaði menntasviðs hafa athugasemdir komið fram þess efnis að Kópavogsbær sé í beinni samkeppni um sumarnámskeið við kirkjur og íþróttafélög bæjarins. Þessar breytingar eru í samræmi við verðlagningu sumarnámskeiða nágrannasveitarfélaga."

Ásdís Kristjánsdóttir
Orri V. Hlöðversson
Hjördís Ýr Johnson
Andri S. Hilmarsson


Bókun:
"Meirihlutinn réttlætir hækkun á gjöldum fyrir sumarnámskeið með því að vísa til samkeppni við kirkjur og íþróttafélög. Kópavogsbær hefur boðið upp á ódýrari sumarnámskeið og þannig tryggt að öll börn hafi raunverulegt tækifæri til þátttöku í uppbyggilegu sumarstarfi, óháð fjárhagsstöðu foreldra.

Þá bendir meirihlutinn á að verklagið hafi verið að gjaldskrárbreytingar fari ekki til umræðu hjá nefndum sem snúa að tilteknum hópum. En hér er um börn að ræða ? og Kópavogur titlar sig barnvænt sveitarfélag. Það krefst þess að ávallt séu áhrif ákvarðana á börn sérstaklega metin, ekki síst þegar þær hafa bein áhrif á aðgengi þeirra að frístundum, félagslegri þátttöku og velferð.

Ungmennaráð hefur einmitt það hlutverk að koma með sjónarmið barna - og á ekki aðeins að vera skraut eða samráðsvettvangur þegar það hentar. Þegar ákvörðun hefur áhrif á líf barna í bænum - sérstaklega neikvæð áhrif - þá ber að nýta þann vettvang.

Það er engin „hefð“ sem réttlætir að hagsmunir barna séu sniðgengnir. Hefðir breytast - og það er kominn tími til að verklagið í Kópavogi taki mið af þeirri ábyrgð sem felst í því að kalla sig barnvænt sveitarfélag."

Sigurbjörg Erla Egilsdóttir
Theodóra S. Þorsteinsdóttir
Helga Jónsdóttir
Hákon Gunnarsson

Fundarhlé hófst kl. 9:13, fundi fram haldið kl. 9:40.

Bæjarráð frestar málinu.

Lagt fram og kynnt.

Umræður.

Gestir véku af fundi kl. 10:58.

Bókun:
"Í minnisblaðinu kemur fram að skólaárið 2023-2024 hafi engin tilfelli átt sér stað þar sem loka þurfti deild, og sama gildi það sem af er skólaárinu 2025. Undirrituð óskar eftir upplýsingum um:

1. Fjölda daga sem starfsemi einstakra deilda í leikskólum bæjarins hefur verið rekin undir viðmiðum um öryggismörk, bæði skólaárið 2023-2024 og það sem af er skólaárinu 2025.
2. Hvernig haldið er utan um skráningar um slík tilvik.
3. Hvort og þá hvernig foreldrum sé tilkynnt ef barnahópurinn er undir umsjón færri starfsmanna en öryggismörk gera ráð fyrir.

Markmiðið með beiðninni er að fá betri innsýn í raunverulega stöðu mönnunar í leikskólum bæjarins, sérstaklega með hliðsjón af því að markmið breytinganna var að tryggja fullnægjandi viðveru starfsfólks með börnum."

Sigurbjörg E. Egilsdóttir

Umræður.

Bæjarráð vísar erindinu til sviðsstjóra menntasviðs.

Lagt fram.

Lagt fram.

Bæjarráð samþykkir með fimm atvæðum að veita heimild til endurnýjunar lóðaleigusamnings til tíu ára.

Umræður.

Gestur vék af fundi kl 11:17

Bæjarráð samþykkir með fimm atkvæðum framlögð drög að úthlutunarskilmálum lóðarinnar Urðarhvarf 12.

Lagt fram og kynnt.

Umræður.

Lagt fram og kynnt.

Umræður.

Bæjarráð vísar erindinu til yfirlögfræðings.

Bæjarráð vísar málinu til afgreiðslu bæjarritara.

Lagt fram.

Lagt fram.

Lagt fram.

Lagt fram.

Bæjarráð vísar málinu til umsagnar bæjarritara.