Bæjarstjórn

1089. fundur 28. janúar 2014 kl. 16:00 - 18:00 í bæjarstjórnarsal

Fundinn sátu:

Margrét Björnsdóttir forseti
Ármann Kristinn Ólafsson aðalfulltrúi
Rannveig H Ásgeirsdóttir aðalfulltrúi
Ómar Stefánsson aðalfulltrúi
Guðríður Arnardóttir aðalfulltrúi
Hafsteinn Karlsson aðalfulltrúi
Pétur Ólafsson aðalfulltrúi
Ólafur Þór Gunnarsson aðalfulltrúi
Hjálmar Hjálmarsson aðalfulltrúi
Páll Magnússon bæjarritari
Karen Elísabet Halldórsdóttir varafulltrúi
Jóhann Ísberg varafulltrúi

Fundargerð ritaði: Páll Magnússon bæjarritari

Dagskrá

1.14011029 - Fundargerðir nefnda. Afgreiðsla bæjarstjórnar 28. janúar 2014.

Lagðar fram fundargerðir bæjarráðs frá 16. og 23. janúar, afgreiðslna byggingarfulltrúa frá 21. janúar, félagsmálaráðs frá 21. janúar, íþróttaráðs frá 9. janúar, leikskólanefndar frá 21. janúar, lista- og menningarráðs frá 16. janúar, skipulagsnefndar frá 21. janúar, skólanefndar frá 20. janúar, stjórnar slökkviliðs hbsv. frá 17. janúar, svæðisskipulagsnefndar hbsv. frá 17. janúar og umhverfis- og samgöngunefndar frá 20. janúar.

Lagt fram.

Hlé var gert á fundi kl. 16:24. Fundi var fram haldið kl. 16:25.

Hlé var gert á fundi kl. 16:31. Fundi var fram haldið kl. 16:56.

Guðríður Arnardóttir lagði fram eftirfarandi tillögu:

"Vegna neyðarástands á húsnæðismarkaði samþykkir bæjarstjórn að kaupa nú þegar 30-40 íbúðir víðsvegar í bænum til að mæta vanda þeirra sem þurfa á félagslegum úrræðum að halda í húsnæðismálum. Jafnframt samþykkir bæjarstjórn að hefja nú þegar undirbúning að byggingu tveggja fjölbýlishúsa með leiguíbúðum. Þar verði hagkvæmar íbúðir til leigu bæði á hinum almenna markaði og hinum félagslega. Gert er ráð fyrir að þær verði tilbúnar á árinu 2015"

Til samræmis við samþykkt bæjarstjórnar er starfsmönnum bæjarins falið að kaupa félagslegar íbúðir á árinu og hefja nú þegar undirbúningsvinnu við byggingu tveggja fjölbýlishúsa í bænum. Það má gera ráð fyrir að á árinu 2014 falli til kostnaður umfram fjárhagsáætlun ársins sem nemur allt að 750 milljónum.

Tillaga Guðríðar Arnardóttur, Ólafs Þórs Gunnarssonar og Hjálmars Hjálmarssonar:

Gerð er tillaga til bæjarstjórnar um að samþykkja viðauka við fjárhagsáætlun ársins 2014. Hér er um að ræða færslur innan efnahagsreiknings samstæðu og þannig eru heildaráhrif á efnahag samstæðu óveruleg.

Greinargerð með tillögu:

Ekki verður séð af lögum né reglugerðum um fjármál sveitarfélaga að viðauki kalli á endurskoðaða áætlun en hér er um að ræða kreditfærslu á 32-500-1102 og debetfærslu á 58-101-11600.

Til móts við aukin útgjöld skal gert ráð fyrir tekjum af lóðasölu á árinu 2014 kr. 750 milljónir en ekki er gert ráð fyrir slíkum tekjum á áætlun ársins 2014, þótt alltaf hafi þess verið að vænta að tekjur af lóðasölu á árinu yrðu umtalsverðar.

Guðríður Arnardóttir"

Þar sem tillagan var ekki í útsendu fundarboði þarf samþykki 2/3 hluta bæjarfulltrúa, samanber 2. mgr. 27. gr. sveitarstjórnarlaga og c-lið 16. gr. samþykktar um stjórn og fundarsköp bæjarstjórnar, og bar forseti því undir fundinn tillögu um afbrigði þannig að tillaga Guðríðar Arnardóttur verði tekin á dagskrá. Sex bæjarfulltrúar greiddu atkvæði með því að tillagan væri tekin á dagskrá en fimm greiddu atkvæði á móti. Tillagan var því ekki tekin á dagskrá fundarins.

Hlé var gert á fundi kl. 17:07. Fundi var fram haldið kl. 17:12.

Guðríður Arnardóttir lagði fram eftirfarandi bókun f.h. bæjarfulltrúa minnihlutans:

"Bæjarfulltrúar Samfylkingarinnar, VG og Næstbesta flokksins mótmæla harðlega fundarstjórn forseta þar sem hún beitir fundatækni til að koma í veg fyrir afgreiðslu á tillögu um viðauka við fjárhagsáætlun sem óskað var eftir á síðasta fundi bæjarstjórnar. Ákvörðun hennar afhjúpar djúpstæða bresti í meirihluta bæjarstjórnar sem aldrei fyrr. Um leið er tekin bein afstaða gegn stóru réttlætismáli sem þolir ekki bið.

Guðríður Arnardóttir, Hafsteinn Karlsson, Pétur Ólafsson, Ólafur Þór Gunnarsson, Hjálmar Hjálmarsson"

Hlé var gert á fundi kl. 17:15. Fundi var fram haldið kl. 17:36.

Ármann Kr. Ólafsson, bæjarstjóri, lagði fram eftirfarandi bókun f.h. undirritaðra bæjarfulltrúa:

"Hér er farið að leikreglum enda hafa mál margoft verið tekin á dagskrá með samþykki 2/3 hluta bæjarfulltrúa enda er það skýrt í lögum að ef mál er ekki á dagskrá þá þarf aukinn meirihluta til að taka það á dagskrá. Það var því hárrétt hjá forseta að óska eftir samþykki fundarins í samræmi við ákvæði sveitastjórnarlaga.

Það kom skýrt fram á fundinum að tillöguflytjendur höfðu fullt tækifæri til að koma málinu á dagskrá fundarins í gegnum forsætisnefndina. Við ítrekum að fyrirliggjandi tillögur ásamt fleirum er verið að skoða í þverpólitískri húsnæðisnefnd sem hóf störf í desember.

Ármann Kr. Ólafsson, Margrét Björnsdóttir, Karen Halldórsdóttir, Rannveig Ásgeirsdóttir, Ómar Stefánsson"

Hlé var gert á fundi kl. 18:30. Fundi var fram haldið kl. 19:07.

2.1401008 - Bæjarráð, 16. janúar

2715. fundargerð í 6 liðum.

Lagt fram.

3.1401012 - Bæjarráð, 23. janúar

2716. fundargerð í 39 liðum.

Lagt fram.

4.1401072 - Almannakór 11. Breytt deiliskipulag.

Lagt fram erindi Björgvins Halldórssonar, byggingafræðings, dags. 30.12.2013 f.h. lóðarhafa, að breyttu deiliskipulagi Almannakórs 11. Í breytingunni felst að stækka neðri hæð hússins sem um 74,1m2. Leyfilegt hámarksbyggingarmagn hækkar úr 340m2 í 414m2. Nýtingarhlutfall hækkar úr 0,41 í 0,5 sbr. uppdráttum í mkv. 1: 100 dags. 18.12.2013. Skipulagsnefnd telur breytinguna ekki hafa grenndaráhrif og samþykkir tillöguna með tilvísan í 3. mgr. 43. gr. skipulagslaga nr. 123/2010.
Vísað til afgreiðslu bæjarráðs og bæjarstjórnar.
Bæjarráð vísar tillögunni til afgreiðslu bæjarstjórnar.