Bæjarstjórn

Lagt fram.

Lagt fram.

Fundarhlé hófst kl. 18:01, fundi fram haldið kl. 18:32


Bókun af fundi bæjarráðs 4.9 undir lið 2:

Í umræðu um framkvæmdir í miðbæ hefur verið skýr samstaða um að byggingarleyfi verði ekki veitt nema fyrir liggi fullnægjandi lausnir sem tryggja aðgengi allra, sbr. bókun meirihlutans 3. júlí sl.
Svarið sem nú er lagt fyrir fundinn byggist annað hvort á misskilningi eða vísvitandi útúrsnúningi. Fyrirspurn okkar er skýr og lýtur að aðgengi hreyfihamlaðra að byggingum í Fannborg á framkvæmdatíma. Ósk okkar var um sundurliðaðar upplýsingar fyrir hvern fasa fyrirhugaðrar uppbyggingar um fjarlægðir í metrum frá bílastæðum hreyfihamlaðra að aðalinngangi hverrar byggingar.

Svarið sem bæjarráð fær frá umhverfissviði er drög að aðgengisáætlun sem gera verði ráð fyrir að taki breytingum milli framkvæmdafasa. Engar vegalengdir eru málsettar og engin leið er að gera sér grein fyrir fjarlægð frá bílastæðum að aðalinngangi bygginga.

Við óskuðum eftir staðfestingu á að sérmerkt bílastæði hreyfihamlaðra verði ekki fjær en 25 m. frá aðalinngangi heimilis og þjónustustofnana eins og áskilið er í 1. mgr. 6.2.4. gr. byggingarreglugerðar. Vangaveltur um nýjar byggingar, gamlar byggingar, byggingar sem á að rífa eða byggingar sem fá að standa eiga ekkert erindi í svar við fyrirspurn okkar. Hreyfihamlaðir eiga einfaldlega tilkall til þess að fjarlægðin sé innan 25 metra meðan á áralöngum framkvæmdum á reitnum stendur.

Við hljótum að krefjast þess að fá án dráttar svar við fyrirspurn sem réttur okkar stendur til að fá skýrt og skilmerkilega.

Bergljót Kristinsdóttir
Einar Örn Þorvarðarson
Sigurbjörg Erla Egilsdóttir
Helga Jónsdóttir


Bókun af fundi bæjarráðs 4.9 undir lið 2:

"Það er óásættanlegt og bæjarfulltrúum minnihlutans til minnkunar að væna starfsmenn bæjarins um útúrsnúning þegar þeir eru að sinna störfum sínum af ábyrgð og fagmennsku. Í fyrirliggjandi aðkomuáætlun er skýrt tekið fram að aðgengi og fjarlægðir að bílastæðum fyrir hreyfihamlaða verði sambærilegar og nú er. Þetta var ítarlega rakið og staðfest á fundi skipulags- og umhverfisráðs við afgreiðslu byggingaráforma. Gerð er krafa um að framkvæmdaraðilar uppfylli kröfur um fullnægjandi aðgengi á framkvæmdatíma og skuldbindi sig til að aðlaga aðgengið að þörfum hreyfihamlaðra í hverjum áfanga verksins. Fjarlægðir bílastæða fyrir hreyfihamlaða hafa verið kynntar og rökstuddar ítarlega í fylgigögnum byggingaráforma. Aðgengisáætlun og fjöldi bílastæða fyrir hreyfihamlaða verða aðlagaðar að þörfum íbúa eins og kostur er á meðan á framkvæmd stendur. Þá skal áréttað að farið verður eftir byggingarreglugerð, gildandi lögum og reglum á öllum stigum framkvæmdatíma."

Ásdís Kristjánsdóttir
Orri Vignir Hlöðversson
Hjördís Ýr Johnson
Elísabet Sveinsdóttir



Bókun við lið 2 í fundargerð bæjarráðs frá 4.9.2025:

"Það er óviðunandi með öllu að kjörnir fulltrúar fái ekki skýrt svar við skýrri fyrirspurn sem beint er til stjórnsýslunnar. Svar umhverfissviðs fól alls ekki í sér þær upplýsingar sem um var beðið. Ætti öllum þó að vera ljóst hvað felst í spurningu um fjarlægð í metrum talið og skiptingu á mismunandi fasa verks. Upplýsingar um þetta efni hafa m.a. verið kynntar á fundi notendaráðs í málefnum fatlaðs fólks þannig að þær liggja þegar fyrir hjá stjórnsýslunni. Sorglegur skortur á skilningi á réttindum og skyldum bæjarfulltrúa og ráðinna starfsmanna kemur fram í bókun meirihlutans um að það sé óásættanlegt og bæjarfulltrúum minnihlutans til minnkunar að væna starfsmenn bæjarins um útúrsnúning í svarinu sem lagt var fyrir. Það er bæjarstjóra til minnkunar að undirrita bókunina og þar með fullyrðingu um að svar umhverfissviðsins hafi verið unnið af ábyrgð og fagmennsku. Það er nefnilega ábyrgð bæjarstjóra að sjá til þess að mál stjórnsýslunnar sem lögð eru fyrir bæjarráð séu vel undirbúin og upplýsandi."

Bergljót Kristinsdóttir
Helga Jónsdóttir
Kolbeinn Reginsson
María Ellen Steingrímsdóttir
Sigurbjörg Erla Egilsdóttir


Bókun við lið 2 í fundargerð bæjarráðs frá 4.9.2025:

"Bæjarfulltrúar bera sameiginlega ábyrgð á málefnalegri umræðu og virðingu í samskiptum, bæði sín á milli og við starfsmenn bæjarins og það er ekki umræðunni til framdráttar að draga í efa heiðarleika eða fagmennsku þeirra sem sinna störfum fyrir bæinn. Bæjarfulltrúar hafa fullan rétt á því að finnast svör starfsmanna ófullnægjandi og þá er hægt að óska eftir frekari upplýsingum. Ásakanir minnihlutans á hendur starfsmönnum um vísvitandi útúrsnúning eru ómaklegar og óásættanlegar að mati meirihlutans."

Andri S. Hilmarsson
Ásdís Kristjánsdóttir
Björg Baldursdóttir
Elísabet B. Sveinsdóttir
Hjördís Ýr Johnson
Orri V. Hlöðversson

Lagt fram.

Lagt fram.

Lagt fram.

Lagt fram.

Lagt fram.

Lagt fram.

Lagt fram.