Félagsmálaráð

Með samþykkt bæjarráðs Kópavogs frá 5. janúar sl. var ráðgjafahópi Capacent falið að gera  úttekt á faglegu starfi og rekstri heimilisins í Dimmuhvarfi og kanna hvort tækifæri væru til breytinga og hagræðingaraðgerða í starfseminni án þess að skerða þjónustu og lífsgæði íbúa. Samþykkt bæjarráðs var byggð á ákvörðun félagsmálaráðs frá 25.október 2011 um að gera úttektir á rekstri og faglegu starfi starfsstöðva bæjarins í ljósi nýafstaðinnar yfirfærslu málefna fatlaðra frá ríkinu. En eitt af markmiðum yfirfærslunnar var að ná fram samlegðaráhrifum og bættri þjónustu við íbúa. Skýrsla Capacent var kynnt í félagsmálaráði 26. apríl sl.

Í skýrslunni eru settar fram tillögur er miða að því að efla frekar þætti eins og  stjórnun, faglega þjónustu, rekstur,  eftirlit með rekstri, aðbúnað íbúa o.fl.  Það er von félagsmálaráðs að stjórnendur Dimmuhvarfs líti jákvæðum augum á þær tillögur og að góð samvinna myndist milli þeirra og velferðarsviðs Kópavogs um að hrinda þeim í framkvæmd og tryggja þannig íbúum enn betri þjónustu og ná nauðsynlegu hagræði í rekstri heimilisins.

Félagsmálaráð felur félagsmálastjóra að fylgja eftir tillögum starfshóps.

Félagsmálaráð samþykkir tillögur starfshóps sem byggðar eru á skýrslu Capacent um Dimmuhvarf.