Kópavogsbær

Vegna fjölda áskoranna munu Bjarni Snæbjörns og Sigga Eyrún snúa aftur í Salinn með tónleikaröðina SÖNGLEIKJASTÆLA. Tónleikaröðin sló í gegn í fyrra og er óður til söngleikjanna þar sem ný og gömul söngleikjatónlist fær að njóta sín í meðförum reyndra söng-leikara ásamt hljómsveit. Að þessu sinni verða þrennir tónleikar sem teygja sig yfir allan veturinn þar sem hverjir tónleikar eru með ólíka nálgun á formið.  2. nóvember: Nýstirnið Salka Gústafsdóttir og þjóðargersemin Jóhann Sigurðarson koma sem gestasöngvarar og flytja sín uppáhalds söngleikjalög.7. febrúar: Sprúðlandi fjölskyldutónleikar um miðjan dag þar sem börn á öllum aldri fá að syngja með.25. apríl: Sprengju-tónleikar með Söngleikjakórnum Viðlag.  SMELLTU HÉR TIL AÐ KAUPA ÁSKRIFT Á ALLA ÞRJÁ TÓNLEIKANA Á EINSTÖKU TILBOÐI Sigga Eyrún og Bjarni Snæbjörnsson eru ástríðufullir söng-leikarar. Samstarf þeirra hófst á Reykjavík Pride árið 2008 með söngleikjaparinu Viggó og Víólettu. Síðan þá hafa þau lagt hjarta og sál í söngleikjaformið og skemmt landanum á sviðum leikhúsanna, á árshátíðum, í afmælum og víðar. Meðal söngleikja sem þau hafa tekið þátt í eru: Vesalingarnir, Mary Poppins, Kardemommubærinn, Sem á himni, Slá í gegn, Ronja Ræningjadóttir, Jesus Christ Superstar, Frost og Góðan daginn, faggi.  Hljómsveitin er sem fyrr skipuð okkar fremsta tónlistarfólki: Karl Olgeirsson: hljómsveitarstjóri spilar á píanó, hljómborð, harmonikku o.fl.Svanhildur Lóa Bergsveinsdóttir á trommur/slagverkAndri Ólafsson á bassa

Talar þú smá íslensku og vilt æfa þig? Komdu að spila og tala íslensku á aðalsafni Bókasafns Kópavogs, alla laugardaga frá 11:30-13:00 Kaffi og kósý, kostar ekkert. Velkomin! Hvetjum sérstaklega fjölskyldur til að koma saman og æfa sig í íslensku yfir skemmtilegu spili. Hentar fyrir fullorðna og öll börn sem hafa eirð í sér til að spila. Viðburðaröðin Tala og spila er styrkt af Menningar- og mannlífsnefnd. Español Hablas un poco de islandés y te gustaría practicar? Ven a jugar cartas, tablas y charlar en islandés a la biblioteca principal de Kopavogur, cada sábado 11:30-13:00. Café, ambiente acogedor y entrada gratuita. Adecuado para adultos y niños que pueden concentrarse a jugar de tablas. Bienvenidos! Esta es una serie de eventos financiados en colaboración con Menningar- og mannlífsnefnd.  English Do you speak a little Icelandic and want to practice? Come and play card- or board-games and talk Icelandic at the Kopavogur Library, main branch, every Saturday from 11:30-13:00 Coffee and cosy, free. Welcome! We especially want to encourage families to come together and practice Icelandic over a fun game. The event is suitable for grown-ups and children that are able to concentrate on board-games.  Tala og spila is funded by Menningar- og mannlífsnefnd. Polski Czy mówisz trochę po islandzku? Przyjdź pograć w karty albo gry planszowe i mów po islandzku w bibliotece w Kópavogur każdej soboty 11:30-13:00. Kawa i miły czas bezpłatnie. Zapraszamy! Pусский Если вы уже говорите немного по-исландски и хотите заговорить еще лучше, то приходите практиковать язык и играть в игры на исландском языке в библиотеку Копавогура каждую субботу с 11:30 до 13:00. Кофе и уют и все бесплатно. Добро пожаловать!

Bókasafn Kópavogs ásamt Vigdísi, vinum gæludýra á Íslandi, býður börnum að lesa fyrir hunda sem hafa fengið sérstaka þjálfun í að hlusta á upplestur. Aðeins eru sex laus pláss í hvert sinn. Smelltu hér til að skrá barn. Viðburðurinn er hugsaður fyrir 5-12 ára börn sem eru byrjuð að lesa sjálf. Lestrarstundin er ekki ætluð börnum sem glíma við hundahræðslu heldur er markmiðið að auka öryggi við lestur, ekki síst hjá þeim sem eiga við lestrarörðugleika að stríða. Hundurinn hjálpar barninu að slaka á, gagnrýnir ekki lesturinn og leiðréttir ekki barnið.

Við skoðum hvernig egg eru ólík að lögun, stærð og litum og mótum svo okkar eigin egg úr leir. Við veljum saman strá og greinar og gerum lítil hreiður - öruggt skjól fyrir eggin.Smiðjan hentar börnum frá 3 ára aldri í fylgd með fullorðnum. Aðgangur er ókeypis og öll velkomin! Smiðjan er liður í viðburðaröðinni Fjölskyldustundir á laugardögum sem styrkt er af menningar- og mannlífsnefnd Kópavogsbæjar. Um ÞYKJÓ ÞYKJÓ er þverfaglegt hönnunarverkefni fyrir börn og fjölskyldur þeirra. Hönnunarstarf ÞYKJÓ miðar að því að örva ímyndunarafl og sköpunarkraft barna í frjálsum leik. Í hönnunarvinnu höfum við til hliðsjónar hvernig hægt er að örva snertiskyn með efnisvali og formfræði, hreyfiþroska og jafnvægisskyn. ÞYKJÓ stendur einnig fyrir fjölbreyttum listsmiðjum, innsetningum og viðburðum í samstarfi við söfn og menningarstofnanir. Á meðal verkefna hópsins má nefna Hljóðhimna, upplifunarrými í Hörpu, húsgagnalínuna Kyrrðarrými, búningalínuna Ofurhetjur jarðar, þátttökuverkefnin Gullplatan – Sendum tónlist út í geim og Börnin að borðinu sem ÞYKJÓ vann ásamt börnum í Reykjanesbæ en verkefnið var valið Verk ársins á Hönnunarverðlaunum Íslands 2024.

Skólakór Kársness fagnar 50 ára starfsafmæli. Af því tilefni blásum við til afmælishátíðar í Salnum þann 7.mars 2026. Á tónleikunum, sem verða þrennir, talsins koma fram öll kórbörn í Kársnesskóla og Barnaskóla Kársness ásamt hljómsveit. Að auki verður fyrrum kórbörnum Kársness á öllum aldri boðið að taka þátt í hátíðinni.  Stjórnendur kóranna eru Álfheiður Björgvinsdóttir, Þóra Marteinsdóttir og Þórunn Björnsdóttir. Á milli tónleika verður gestum og gangandi boðið í afmæliskaffi.  Tónleikar kl. 13:00Minnsti kór (1.-2.bekkur)Miðkór Kársness (5.-6.bekkur)Skólakór Kársness (8.-10.bekkur) Tónleikar kl. 14:30Litli kór (3.-4.bekkur)Stórikór (7.bekkur)Skólakór Kársness (8.-10.bekkur)) Tónleikar kl. 16:30Stjörnukór Kársness - Opin æfing fyrrverandi félaga

Tríóið bjóða upp á litríka og heillandi efnisskrá sem samanstendur af meistaraverkum fyrir mezzo - sópran, flautu og gítar. Flytjendur taka áheyrendur með sér í ferð suður á bóginn, um tvær heimsálfur þar sem komið er við í Frakklandi, Puerto Rico, Brasilíu, Argentínu og Íslandi. Tónleikunum lýkur á verki Steingríms sem samið er við ástarljóð Salvador Dalí til eiginkonu sinar Gala. Guðrún Jóhanna Ólafsdóttir mezzósópran hefur komið fram sem einsöngvari á tónleikum vítt og breitt um Evrópu, í Suður-Ameríku, Bandaríkjunum og Afríku í tónleikasölum svo sem Henry le Boeuf Hall í Bozar í Brussel, Auditorio Nacional de Música og Teatro Real í Madrid, Glinka sal Fílharmóníunnar og Belozelsky-Belozersky höllinni í St. Pétursborg, Coliseo í Buenos Aires, Wigmore Hall og Royal Festival Hall í London. Hún hefur sungið m. a. með Sinfóníuhljómsveitum Íslands, Madrídar, Barcelóna, Katalóníu, Sjónvarps- og Útvarpshljómsveit Spánar, St. Petersburg State Symphony Orchestra og Philharmonia Orchestra í London. Guðrún hefur sungið í óperum á Spáni, Bretlandi og Íslandi. Hún hefur sungið á fjölmörgum tónleikum víðs vegar um heim með Sonor Ensemble. Guðrún stundaði söngnám hjá Rut Magnússon í Tónlistarskólanum í Reykjavík og hjá Lauru Sarti í Guildhall School of Music and Drama í London. Söngur Guðrúnar hefur verið hljóðritaður á vegum RÚV, Sjónvarpsins, BBC, Spænska ríkisútvarpsins, Spænska sjónvarpsins og var hún einn af söngvurunum sem Sjónvarpið fjallaði um í þáttaröðinni Átta raddir. Hún hefur sungið inn á kvikmyndir, sjónvarpsþætti og inn á sautján geisladiska, m.a. á vegum 12 tóna, Smekkleysu, Naxos, ABU Records, EMEC Discos og Orpheus Classical.Guðrún er, ásamt Francisco Javier Jáuregui, stofnandi og listrænn stjórnandi Sönghátíðar í Hafnarborg sem hefur verið haldin árlega síðan árið 2017 og hlotið Íslensku tónlistarverðlaunin sem Tónlistarhátíð ársins. Guðrún var ráðin skólastjóri Söngskólans í Reykjavík haustið 2024. Pamela De Sensi tók einleikarapróf á flautu frá Conservatorio G. Perosi á Ítalíu 1998, lauk "Perfection Flutistic" frá "Accademia di Musica Fiesole" í Florens árið 2000 og útskrifaðist frá "Conservatorio Superiore di S. Cecilia" í Róm árið 2002 með meistaragráðu í kammertónlist með hæstu einkunn. Einnig hefur hún sótt tíma hjá heimskunnum flautuleikurum s.s. C. Klemm, M. Ziegler, F. Reengli, T. Wye, M. Larrieu og J. Galway. Pamela hefur komið fram á tónleikum víðsvegar, bæði sem einleikari sem og í kammertónlist og má þar nefna Frakklandi, Spáni, Englandi, Kasakstan, Mexíkó, Íslandi, Færeyjum, Finnlandi, í Bandaríkjunum og víðsvegar á Ítalíu, ásamt því að koma reglulega fram hér á Íslandi þar sem hún hefur búið frá árinu 2003., m.a. á tónlistarhátíðunum Myrkum músíkdögum, Tibrá í Salnum, Norrænum músíkdögum, Sumartónleikum í Skálholtskirkju, Menningarnótt, Tectonics, 15:15 tónleikaröðinni og Listahátið í Reykjavík. Árið 2009 var Pamelu boðið að halda tónleika á alþjóðlegri ráðstefnu The National Flute Association í New York og International Flute Festival Flautissimo í Róm árið 2010, 2012 og 2015, International Low Flute Festival í Washington 2018 þar sem hún flutti íslenska tónlist við góðan orðstír. Pamela hefur spilað á plötu Bjarkar UTOPIA. Spænski gítarleikarinn og tónskáldið Francisco Javier Jáuregui stundaði nám í klassískum gítarleik í Los Angeles og Madríd áður en hann útskrifaðist með meistaragráðu frá Guildhall School of Music and Drama í London. Javier hefur komið fram á tónleikum, bæði sem einleikari og flytjandi kammertónlistar víðs vegar í Evrópu, Bandaríkjunum, Afríku og Suðaustur-Asíu. Hann hefur flutt gítarkonserta eftir Vivaldi og Rodrigo og önnur verk með sinfóníuhljómsveitum og kemur reglulega fram með öðru tónlistarfólki. Javier hefur leikið inn á fjölmargar upptökur og geisladiska. Hann hefur kennt á gítar frá árinu 1997, m.a. í London og Madríd og flutt fyrirlestra við háskóla á Spáni og í Bandaríkjunum. Á árunum 2002-2019 tók hann þátt í árlegum tónlistarverkefnum í á annað hundrað skóla á vegum Wigmore Hall tónleikasalarins í London. Javier er einn stofnenda og stjórnenda Festival Internacional de Música de Navarra (FIMNa) á Spáni og Sönghátíðar í Hafnarborg.

Ertu byrjandi eða með áralanga reynslu af bróderíi? Viltu kannski rifja upp gamla takta og hitta aðra sem deila sama áhuga? Þá gæti Bróderíklúbburinn hentað fyrir þig. Bróderíklúbburinn hittist á mánudögum á Lindasafni í Núpalind 7 kl. 15:00. Öll velkomin og heitt á könnunni.

Hannyrðaklúbburinn Garn og gaman hittist alla þriðjudaga á 2. hæð aðalsafns kl. 10. Heitt á könnunni og öll velkomin! Nánari upplýsingar veitir Gréta Björg Ólafsdóttir, gretabjorg@kopavogur.is Fylgist með í Facebook-hópnum Hannyrðaklúbburinn Garn og gaman | Bókasafn Kópavogs

Kristín Ómarsdóttir verður gestur í Hananú á 2. hæð aðalsafns. Hún mun lesa upp úr bók sinni Móðurást: Sólmánuður og spjalla um tilurð hennar.  Léttar veitingar í boði. Annan hvern miðvikudag hittist á bókasafninu fremur siðprúður hópur fólks og ræðir hinar fögru orðlistir. Komið bara og gangið í bæinn, tölum um bækur – og Hananú! Fylgist með í Facebook-hópnum Bókmenntaklúbburinn Hananú | Bókasafn Kópavogs.

Þekkirðu ljósmyndina?Myndgreining með Símoni Hjalta Sverrissyni. Sögufélag Kópavogs stendur fyrir myndgreiningarviðburðum sem opnir eru almenningi, þar sem tækifæri gefst til að bera kennsl á myndefni úr fórum Sögufélags Kópavogs. Leitast er við að svara spurningunum um það hverjir eru á myndinni, hvar myndin er tekin og hvenær. Oftar en ekki koma í kjölfarið fleiri upplýsingar og sögur sem auka enn á varðveislugildi myndanna. Ókeypis inn og öll velkomin.

Hannyrðaklúbburinn Kaðlín hittist alla miðvikudaga á 2. hæð aðalsafns. Heitt á könnunni og öll velkomin! Nánari upplýsingar veitir Gréta Björg Ólafsdóttir, gretabjorg@kopavogur.is Fylgist með í Facebook-hópnum Hannyrðaklúbburinn Kaðlín | Bókasafn Kópavogs.

Spönn er ný og fersk kollektíva stofnuð af tveimur tónlistarkonum sem vilja spanna bilið milli hefðar og nýsköpunar í klassískri tónlist.  Fyrsta tónleikaröðin samanstendur af þrennum tónleikum sem allir tengjast flautuleikaranum Manuelu Wiesler og áhrifum hennar á íslenskt tónlistarlíf. Á fyrstu tónleikum Spannar verður flautan í forgrunni og ætlar flautuleikarinn Kristín Ýr Jónsdóttir að ferðast með ykkur um hin sextán nótnagöt flautunnar og staldra við á nokkrum áhrifasvæðum Manuelu með góðum gestum á píanó, fiðlu, víólu og selló.  Tónleikarnir hafa það að markmiði að heiðra og halda á lofti minningu flautuleikarans Manuelu Wiesler. Hún fæddist í Brasilíu árið 1955 en ólst upp í Vín. Hún stundaði framhaldsnám í flautuleik í París þar sem hún kynntist fyrri eiginmanni sínum, Sigurði Snorrasyni klarinettuleikara, og fluttist með honum til Íslands árið 1973, aðeins 18 ára gömul. Eftir viðburðaríkan áratug á Íslandi, þar sem hún öðlaðist nánast goðsagnakenndan sess, skipti hún um svið og fluttist til Svíþjóðar og síðan til Austurríkis, þar sem hún bæði kenndi og kom fram á tónleikum víðsvegar um heiminn. Árið 2025 hefði Manuela orðið 70 ára og í ár eru liðin 20 ár frá dánarári hennar og því við hæfi að minnast þessarar merkiskonu.  Vera Manuelu á Íslandi hafði víðtæk áhrif á íslenskt tónlistarlíf og fyrir hana voru samin mörg ný verk fyrir þverflautu. Hún kenndi flautunemendum og hjálpaði til við útgáfu nýrrar klassískrar tónlistar. Þó Manuela sé mögulega þekktust fyrir flutning nýrra verka þá var það hennar skoðun að eldri og nýrri tónlist héldist í hendur og það að vinna með nýja tónlist hjálpaði við flutning eldri tónlistar, og öfugt. Verkin sem flutt verða á tónleikunum spanna allt frá klassíska tímabilinu til nútímatónlistar og tónskáldin koma frá þeim löndum þar sem Manuela hún bjó, lærði og starfaði.  Manuela veitti hlýju og innblástur hvar sem hún kom, bæði sem manneskja og tónlistarkona. ,,Ég læri svo mikið af fólki sem ég hitti, ég læri af náttúrunni, af börnum og af dýrum. Smámsaman verður allt kennari manns, allt það sem maður upplifir. Allt sem kemur inn fer út aftur.”   Kristín Ýr Jónsdóttir Kristín kynntist Manuelu í gegnum fyrrverandi kennara sinn Áshildi Haraldsdóttur þegar hún lærði við Tónlistarskólann í Reykjavík. „Áshildur sagði mér hversu mikil áhrif Manuela hefði haft á þverflautuumhverfið á Íslandi og ég fann hversu mikinn innblástur hún hafði veitt nemendum sínum á Íslandi. Áhrif Manuelu héldu áfram að skjóta upp kollinum eftir að ég fluttist til útlanda til að stunda nám í þverflautuleik. Á meðan ég stundaði bakkalárnám í Kaupmannahöfn ferðaðist ég til Freiburg í Þýskalandi til að sækja tíma hjá prófessornum þar, Mario Caroli, sem tjáði mér með söknuð í hjarta hvað Manuela hefði verið stórkostlegur listamaður og kennari. Núverandi kennari minn Lena Kildahl Larsen hefur sömu sögu að segja, en hún tók tíma hjá Manuelu þegar hún bjó í Vínarborg.“ Með henni koma fram:  Herdís Ágústa Kristjánsdóttir Linnet, píanóSteiney Sigurðardóttir, sellóAnna Elísabet Sigurðardóttir, víólaSólrún Ylfa Ingimarsdóttir, fiðlaTónleikarnir eru styrktir af Tónlistarsjóði.