Bæjarráð

Frá bæjarritara, lögð fram mánaðarskýrsla vegna starfsemi í febrúar.

Frá fjármálastjóra, dags. 22. maí, umsögn um beiðni lóðarhafa Álalindar 14-16, Leigugarða ehf., um heimild til að veðsetja lóðina.

Frá bæjarlögmanni, dags. 10. maí, lögð fram umsögn um beiðni lóðarhafa Dalaþings 26, Elmari Eðvaldssyni og Írisi Mist Arnardóttur, um heimild til að framselja lóðina til HSH byggingameistara ehf.

Frá lögfræðideild, dags. 16. maí, umsögn um beiðni lóðarhafa Álmakórs 1,3 og 5, Tjarnarbrekku ehf., um heimild til að framselja lóðirnar til Dvergabergs ehf.

Frá lögfræðideild, dags. 15. maí, umsögn um beiðni lóðarhafa Bæjarlindar 7-9, MótX ehf., um heimild til að framselja hluta lóðarinnar til Þríhamra Lindir ehf.

Frá fjármálastjóra, dags. 29. maí, lögð fram til upplýsinga tilkynning um framlag til stjórnmálaflokka 2017.

Frá lögfræðideild, dags. 24. maí, lagt fram bréf Sýslumannsins á höfuðborgarsvæðinu, dags. 10. maí, þar sem óskað er umsagnar um umsókn Tanksins ehf., kt. 571299-5349, um nýtt rekstrarleyfi fyrir veitingastað í flokki II, að Hagasmára 1, 201 Kópavogi, skv. 10. gr. laga nr. 85/2007 um veitingastaði, gististaði og skemmtanahald og 26. gr. rgl. nr. 1277/2016. Samkvæmt 1. tl. 4. mgr. 10. gr. laga staðfestir sveitarstjórn sem umsagnaraðili að afgreiðslutími og staðsetning staðar sem umsókn lýtur að sé innan þeirra marka sem reglur og skipulag sveitarfélagsins segja til um.

Frá deildarstjóra íþróttadeildar, dags. 16. maí, lögð fram tillaga íþróttaráðs um að líkamsræktarkort fyrir ungmenni á aldrinum 16-18 ára verði samþykkt sem styrkhæf starfsemi og að reglum um frístundastyrki verði breytt í samræmi við framlagt erindi þar um.

Frá skipulagsstjóra, dags. 17. maí, lagt fram svar við fyrirspurn frá Ólafi Þór Gunnarssyni bæjarfulltrúa þar sem óskað var eftir upplýsingum um reiti í Kópavogi sem eru án deiliskipulags.

Frá verkefnastjóra stjórnsýslusviðs, dags. 8. maí, lögð fram tillaga að afgreiðslu umsóknar Kvenfélags Kópavogs um styrk til greiðslu fasteignaskatts. Lagt er til að styrkumsókn að upphæð kr. 237.330,-. verði samþykkt enda fellur starfsemi félagsins að reglum Kópavogsbæjar um styrkveitingar.

Frá verkefnastjóra stjórnsýslusviðs, dags. 8. maí, lögð fram tillaga að afgreiðslu umsóknar Skíðadeildar ÍR um styrk til greiðslu fasteignaskatts. Lagt er til að styrkumsókn að upphæð kr. 892.782,-. verði samþykkt enda fellur starfsemi félagsins að reglum Kópavogsbæjar um styrkveitingar.

Frá sviðsstjóra menntasviðs og deildarstjóra leikskóladeildar, dags. 30. maí, lögð fram tillaga að ráðningu leikskólastjóra Kópahvols.

Frá starfshópi um húsnæðismál Kársnesskóla, dags. 29. maí, lögð fram tillaga ásamt greinargerð um húsnæðismál Kársnesskóla þar sem lagt er til að bygging Kársnesskóla við Skólagerði verði rifin, starfssemi skólans verði í Vallargerði á meðan byggingarframkvæmdir standa yfir og að nýr starfshópur verði skipaður til að vinna að hönnun nýrrar byggingar skólans.

Frá bæjarstjóra, lögð fram drög að samkomulagi við Þjóðminjasafn Íslands, Landsbókasafn Íslands - Háskólabókasafn og mennta- og menningarmálaráðuneyti um Tónlistarsafn Íslands.

Frá Katli Halldórssyni, dags. 14. maí, lagðar fram athugasemdir við ferli við breytt deiliskipulag Austurkórs 157-161.

Frá Hjartavernd, lögð fram umsókn um styrk að fjárhæð kr. 500.000.-. fyrir Hjartadagshlaupinu sem verður haldið þann 23. september 2017 í tilefni af Alþjóðlega hjartadeginum.

Frá bæjarstjóra Tampere, dags. 15. maí, lagt fram boð til Tampere í tilefni 100 ára sjálfstæði Finnlands.

Frá Íbúðalánasjóði, dags. 24. maí, lagt fram erindi um húsnæðisáætlanir sveitarfélaga.

Frá Strætó, dags. 9. maí, lögð fram tillaga um lengri þjónustutíma strætisvagna, kvöld- og næturakstur, sem vísað er til umsagnar sveitarfélagsins.

Frá SSH, dags. 18. maí, lögð fram tillaga að nýjum þjónustusamningi við Fjölsmiðjuna sem samþykkt var að vísa til samþykkis aðildasveitafélaga á fundi stjórnar SSH hinn 8.maí sl.

Frá SSH, dags.18. maí, lögð fram tillaga að samkomulagi um miðlun upplýsinga vegna daggæslu í heimahúsum sem samþykkt var að vísa til staðfestingar aðildarsveitarfélaga á fundi stjórnar SSH hinn 8.maí sl.

Frá allsherjar- og menntamálanefnd Alþingis, dags. 26. maí, lagt fram til umsagnar frumvarp til laga um réttindi og skyldur starfsmanna ríkisins (brottfall kröfu um ríkisborgararétt), 289. mál (þingmannafrumvarp).

Fundargerð í 6. liðum.

Fundargerð í 17. liðum.

Fundargerð í 49. liðum.

Fundargerð í 3.liðum.

Fundargerð í 4.liðum.

Fundargerð í 3. liðum.

Fundargerð í 7. liðum.

Fyrirspurn frá Ólafi Þór Gunnarssyni, bæjarfulltrúa.

Hver er staðan á hjólreiðaáætlun Kópavogsbæjar og uppbyggingu hjólreiðastíga?

Mikilvægi vistvænna samgangna eykst sífellt og eigi Íslendingar að ná markmiðum sínum í loftslagsmálum þurfa allir opinberir aðilar og almenningur að leggja sitt af mörkum. Hjólreiðar verða sífellt stærri þáttur í daglegum samgöngum, einkum í þéttbýli, og því mikilvægt að áætlunum sé fylgt og þær gerðar. Sérstakir hjólreiðastígar eru enn sem komið er á örfáum stöðum í Kópavogi.

Tillaga frá Ólafi Þór Gunnarssyni, bæjarfulltrúa, um málshraða.

Bæjarráð samþykkir að fela bæjarritara og bæjarlögmanni að móta tillögur um málsmeðferð þeirra mála sem bæjarfulltrúar leggja fram í ráðum og nefndum bæjarins. Þá verði einnig mótaðar reglur um tíma sem tekur að svara málum hvort heldur fyrirspurnir beinast að embættismönnum eða kjörnum fulltrúum. Þá verði einnig gerðar tillögur um form svara sem lögð eru fram við formlegum fyrirspurnum.

Greinargerð: Bæjarfulltrúar hafa m.a. það hlutverk að vekja athygli á málum innan bæjarins, veita öðrum kjörnum fulltrúum aðhald og kalla eftir upplýsingum um mál sem eru til umræðu. Upplýsingaöflun sem þessi er oft nauðsynleg til að varpa ljósi á mál, bæta ákvarðanatöku og veita bæjarbúum upplýsingar um hvernig bænum er stjórnað. Eftir atvikum geta slíkar upplýsingar komið frá kjörnum fulltrúum eða embættismönnum og stundum getur ytri upplýsingaöflun verið nauðsynleg. Það er ekki óeðlilegt að einhver viðmið séu um málshraða. Slíkt hjálpar bæjarfulltrúum að skipuleggja störf sín og auðveldar þeim að rækja skyldur sínar gagnvart bæjarbúum.