Bæjarráð

2877. fundur 13. júlí 2017 kl. 07:30 - 10:15 á Digranesvegi 1, bæjarráðsherbergi - Víghóll
Fundinn sátu:
  • Theódóra S Þorsteinsdóttir formaður
  • Karen Elísabet Halldórsdóttir varaformaður
  • Guðmundur Gísli Geirdal varafulltrúi
  • Pétur Hrafn Sigurðsson aðalfulltrúi
  • Ólafur Þór Gunnarsson áheyrnarfulltrúi
  • Kristinn D Gissurarson varafulltrúi
Starfsmenn
  • Páll Magnússon bæjarritari
Fundargerð ritaði: Páll Magnússon bæjarritari
Dagskrá
Samkvæmt 35. gr. laga nr. 138/2011 og 32. gr. samþykkta Kópavogsbæjar fer bæjarráð með sömu heimildir og bæjarstjórn hefur ella í sumarleyfi hennar.

Erindi og umsagnir frá starfsmönnum

1.1706266 - Austurkór 179. Heimild til veðsetningar

Frá fjármálastjóra, dags. 30. júní, lagt fram erindi f.h. lóðarhafa Austurkórs 179, Ískjalar Byggingafélags ehf., um heimild til að veðsetja lóðina.
Bæjarráð samþykkir með fimm atkvæðum að veðsetning verði heimiluð á lóðinni Austurkór 179 með tryggingarbréfi allt að fjárhæð kr. 83.000.000.

Erindi og umsagnir frá starfsmönnum

2.1706780 - Naustavör 28-34. Heimild til veðsetningar

Frá fjármálastjóra, dags. 4. júlí, lagt fram erindi f.h. lóðarhafa Naustavarar 28-34, Byggingarfélags Gylfa og Gunnars hf., um heimild til að veðsetja lóðina.
Bæjarráð samþykkir með fimm atkvæðum að veðsetning verði heimiluð á lóðinni Naustavör 28-34 með tryggingabréfi allt að fjárhæð kr. 1.100.000.000.

Erindi og umsagnir frá starfsmönnum

3.1706779 - Tónahvarf 3. Heimild til veðsetningar

Frá fjármálastjóra, dags. 4. júlí, lagt fram erindi f.h. lóðarhafa Tónahvarfs 3, Flotgólfs ehf., um heimild til að veðsetja lóðina.
Bæjarráð samþykkir með fimm atkvæðum að viðbótarveðsetning verði heimiluð á lóðinni Tónahvarfi 3 með tryggingabréfi allt að fjárhæð kr. 450.000.000.

Erindi og umsagnir frá starfsmönnum

4.1707073 - Vogatunga 45. Beiðni um undanþágu frá kvöð í lóðarleigusamningi um aldur kaupanda

Frá lögfræðideild, dags. 6. júlí, lögð fram beiðni um undanþágu frá kvöð um 60 ára og eldri vegna kaupa á íbúð í Vogatungu 45.
Bæjarráð samþykkir með fimm atkvæðum beiðni um undanþágu frá kvöð.

Erindi og umsagnir frá starfsmönnum

5.1707113 - Bæjarlind 7 - 9. Heimild til framsals

Frá lögfræðideild, dags. 11. júlí, lögð fram beiðni f.h. lóðarhafa Bæjarlindar 7-9, MótX ehf., um heimild til að framselja samtals þrjár íbúðir í húsinu til R101 ehf., kt. 470213-0430. Lagt er til að bæjarráð heimili framsalið.
Bæjarráð heimilar umbeðið framsal með fimm atkvæðum.

Erindi og umsagnir frá starfsmönnum

6.1707114 - Ennishvarf 27b. Heimild til framsals.

Frá lögfræðideild, dags. 11. júlí, lögð fram beiðni f.h. lóðarhafa Ennishvarfs 27b, Jóns Inga Lárussonar, kt. 200765-4199, um heimild til að framselja lóðina til Jóhanns Péturs Guðjónssonar, kt. 210271-3259 og Berglindar Rutar Hilmarsdóttur, kt. 140673-4129. Lagt er til að bæjarráð samþykki framsalið.
Bæjarráð heimilar umbeðið framsal með fimm atkvæðum.

Erindi og umsagnir frá starfsmönnum

7.1706582 - Endurnýjun samninga við Tennisfélag Kópavogs vegna stækkunnar Tennishallar Dalsmára 13

Frá deildarstjóra íþróttadeildar, dags. 20. júní, lögð fram drög að endurnýjuðum samningi við Tennisfélag Kópavogs vegna fyrirhugaðrar stækkunnar á Tennishöllinni. Óskað er eftir heimild til að ganga frá samningi á grundvelli meðfylgjandi samningsdraga. Bæjarstjórn vísaði erindinu aftur til bæjarráðs til endanlegrar afgreiðslu á fundi sínum þann 27. júní síðastliðinn.
Bæjarráð samþykkir framlögð samningsdrög með fimm atkvæðum.

Erindi og umsagnir frá starfsmönnum

8.1702493 - Hæfingarstöðin Fannborg 6

Frá deildarstjóra þjónustudeildar fatlaðra, dags. 28. júní, lagður fram þjónustusamningur á milli Kópavogsbæjar og Ás styrktarfélags um Vinnu og virkni tilboðs til þriggja ára.
Bæjarráð samþykkir með fimm atkvæðum þjónustusamning á milli Kópavogsbæjar og Ás styrktarfélags um Vinnu og virkni tilboðs til þriggja ára.

Ýmis erindi

9.1706757 - Ársreikningur Samtaka sveitarfélaga á höfuðborgarsvæðinu fyrir árið 2016

Frá SSH, dags. 28. júní, lagður fram ársreikningur Samtaka sveitarfélaga á höfuðborgarsvæðinu 2016.
Lagt fram.

Erindi og umsagnir frá starfsmönnum

10.1707117 - Fráveitur á höfuðborgarsvæðinu

Guðmundur H Einarsson, framkvæmdastjóri heilbrigðiseftirlits Hafnarfjarðar- og Kópavogssvæðis, mætti á fundinn.
Bæjarráð bókar eftirfarandi:

"Samkvæmt upplýsingum sem fram komu á fundinum er ekki ástæða til að ætla að bilun í hreinsibúnaði hreinsistöðvar í Faxaskjóli hafi haft áhrif á strandlengju bæjarins. Engu að síður óskar bæjarráð eftir því að árleg sumarmæling heilbrigðiseftirlits Hafnarfjarðar- og Kópavogssvæðis fari fram strax. Bæjarráð telur mikilvægt að upplýsingagjöf stofnana sem sjá um umhverfisvöktun sé með markvissum hætti"

Gestir

  • Guðmundur H Einarsson, framkvæmdastjóri heilbrigðiseftirlits - mæting: 08:00

Ýmis erindi

11.1706759 - Breyting á aðalskipulagi Reykjavíkur, Kópavogsgöng, gangnamunni og stofnbraut felld út. Umsögn Skipulagsstofnunar

Frá Skipulagsstofnun, dags. 23. júní, lögð fram umsögn Skipulagsstofnunar um breytingu á aðalskipulagi Reykjavíkurborgar sem felur í sér að fella út Kópavogsgöng sem stofnbraut, auk þess að gangamunni við Hafnarfjarðarveg og mislæg gatnamót á Reykjanesbraut í Suður Mjódd verði felld út.
Lagt fram.

Ýmis erindi

12.1611458 - Nónhæð. Breyting á aðalskipulagi.

Frá Skipulagsstofnun, dags. 29. júní, lögð fram umsögn Skipulagsstofnunar um breytingu á aðalskipulagi Kópavogsbæjar sem felur í sér að opnu svæði á Nónhæð verði breytt í íbúðarsvæði.
Lagt fram.

Ýmis erindi

13.1707050 - Óskað eftir upplýsingum um samninga um nýtingu vatns- og jarðhitaréttinda, náma og annarra jarðefna

Frá forsætisráðuneyti, dags. 5. júlí, lagt fram erindi þar sem óskað er eftir upplýsingum um samninga um nýtingu vatns- og jarðhitaréttinda, náma og annarra jarðefna innan þjóðlendna sem Kópavogsbær kann að vera aðili að.
Bæjarráð vísar erindinu til sviðsstjóra umhverfissviðs og bæjarlögmanns til umsagnar.

Ýmis erindi

14.1707015 - Bæjarlind 5. Stöðvun framkvæmda að Bæjarlind 5 og áhrif á framkvæmdir að Bæjarlind 7-9

Frá MótX ehf., dags. 28. júní, lagt fram erindi vegna stöðvun framkvæmda á lóðinni Bæjarlind 5 og áhrif hennar á framkvæmdir félagsins að Bæjarlind 7-9.
Bæjarráð vísar erindinu til skipulagsstjóra til úrvinnslu.

Ýmis erindi

15.1706756 - Framkvæmdir á Dalvegi 32. Krafist að framkvæmdum verði hætt tafarlaust

Frá Málflutningsstofu Reykjavíkur, f.h. Vesturdals ehf., dags. 28. júní, lögð fram krafa um stöðvun framkvæmda á Dalvegi 32.
Bæjarráð vísar erindinu til bæjarlögmanns til úrvinnslu.

Gestir

  • Guðrún Edda Finnbogadóttir, lögfræðingur á lögfræðideild - mæting: 08:55

Ýmis erindi

16.1706742 - Tillögur samþykktar á aðalfundi Kvenfélagssambands Kópavogs 29. mars 2017

Lögð fram fundargerð vegna 50. aðalfundar Kvenfélagasambands Kópavogs sem haldinn var 29. mars síðastliðinn og ályktanir/tillögur aðalfundarins er snerta málefni bæjarbúa.
Lagt fram.

Fundargerðir nefnda

17.1706006F - Afgreiðslur byggingarfulltrúa - 219. fundur frá 09.06.2017

Fundargerð í 12. liðum.
Bæjarráð staðfestir afgreiðslu byggingarfulltrúa með fimm atkvæðum.

Fundargerðir nefnda

18.1706018F - Afgreiðslur byggingarfulltrúa - 220. fundur frá 23.06.2017

Fundargerð í 14. liðum.
Bæjarráð staðfestir afgreiðslu byggingarfulltrúa með fimm atkvæðum.

Fundargerðir nefnda

19.1706743 - Fundargerð 225. fundar heilbrigðisnefndar Hafnarfjarðar- og Kópavogssvæðis frá 27. júní 2017

Fundargerð í 65. liðum.
Lagt fram.

Fundargerð

20.1706019F - Skipulagsráð - 11. fundur frá 10.07.2017

Lagt fram.
  • 20.5 1705523 Aflakór 4. Breytt deiliskipulag.
    Lagt fram að nýju að lokinni kynningu erindi lóðarhafa Aflakórs 4 að breyttu deiliskipulagi. Í breytingunni felst að hámarkshæð þaks lækkar úr 7,5 m. í 7,3 m. Gert er ráð fyrir einhalla þaki sem fer upp fyrir byggingarreit að hluta í suðurenda hússins. Uppdráttur ásamt greinargerð og skýringarmyndum dags. 23. apríl 2017. Skipulagsráð samþykkti með tilvísan í 43. gr. skipulagslaga nr. 123/2010 að grenndarkynna framlagað tillögu fyrir lóðarhöfum Aflakórs 1, 2, 3, 5, 7 og 6. Athugasemdafresti lauk 10. júlí 2017. Engar athugasemdir eða ábendingar bárust. Niðurstaða Skipulagsráð - 11 Skipulagsráð samþykkir erindið og vísar til afgreiðslu bæjarráðs og bæjarstjórnar. Niðurstaða Bæjarráð samþykkir framlagt erindi með fimm atkvæðum.
  • 20.6 1607188 Borgarholtsbraut 67. Grenndarkynning.
    Lögð fram að nýju að lokinni kynningu breytt tillaga Kristins Ragnarssonar fyrir hönd þinglýstra lóðarhafa um heimild til að fjarlægja einbýlishús ásamt bílskúr byggt 1946 samtals 131,1 m2 að flatarmáli og reisa tvílyft fjórbýlishús á lóðinni með 6 bílastæðum. Lóðarstærð er 778 m2, fyrirhugað byggingarmagn er 362 m2. Nýtingarhlutfall lóðar verður 0,47 í stað 0,16 sbr. uppdrætti dags. 16.3.2017.
    Skipulagsráð samþykkti með tilvísan í 44. gr. skipulagslaga nr. 123/2010 að grenndarkynna að nýju breytta tillögu að nýbyggingu á lóðinni nr. 67 við Borgarholtsbraut fyrir lóðarhöfum Borgarholtsbrautar 63, 63a, 65, 66, 68, 69, 70, 72 og Hlégerði 2, 4. Athugasemdafresti lauk 21. júní 2017. Athugasemdir og ábendingar bárust. Þá lögð fram umsögn um athugasemdir og ábendingar sem bárust á kynningartímanum, dags. 7. júlí 2017.     Niðurstaða Skipulagsráð - 11 Skipulagsráð samþykkir erindið og vísar til afgreiðslu bæjarráðs og bæjarstjórnar. Niðurstaða Bæjarráð samþykkir framlagt erindi með fimm atkvæðum.
  • 20.7 1703626 Austurkór 85. Breytt deiliskipulag.
    Lögð fram að nýju að lokinni kynningu tillaga Kristins Ragnarssonar, arkitekts f.h. lóðarhafa Austurkórs 85 dags. 28. febrúar 2017 þar sem óskað er eftir að breyta einbýlishúsalóð í lóð fyrir parhús á einni hæð. Jafnframt er óskað eftir því að byggingarreitur stækki til vesturs um 1.5 metra. Uppdráttur í mkv. 1:1000 ásamt skýringarmyndum. Skipulagsráð samþykkti með tilvísan í 1. mgr. 43. gr. skipulagslaga nr. 123/2010 að auglýsa ofangreinda tillögu og vísaði til afgreiðslu bæjarráðs og bæjarstjórnar. Bæjarstjórn staðfesti afgreiðslu skipulagsráðs með 11 atkvæðum. Athugasemdafresti lauk 16. júní 2017. Athugasemdir og ábendingar bárust frá lóðarhöfum Austurkórs 83 sbr. erindi dags. 14. júní 2017. Þá lögð fram umsögn um athugasemdir og ábendingar sem bárust á kynningartíma, dags. 7. júlí 2017 og breytt tillaga hönnuðar þar sem komið er til móts við athugasemdir. Niðurstaða Skipulagsráð - 11 Skipulagsráð samþykkir erindið með áorðnum breytingum og vísar til afgreiðslu bæjarráðs og bæjarstjórnar.

    Bókun frá Margréti Júlíu Rafnsdóttur:
    "Ég er ekki samþykk því að breyta deiliskipulagi lóðarinnar".     Niðurstaða Bæjarráð samþykkir framlagt erindi með fimm atkvæðum.
  • 20.9 1707037 Þorrasalir 21. Breytt deiliskipulag.
    Lagt fram erindi Emils Þórs Guðmundssonar byggingatæknifræðings, dags. 4. júlí 2017 f.h. lóðarhafa Þorrasala 21 þar sem óskað er eftir að norðurhlið hússins fari út fyrir byggingarreit. Uppdráttur í mkv. 1:100 ásamt greinargerð og skýringarmyndum dags. 11.03.2003. Niðurstaða Skipulagsráð - 11 Skipulagsráð samþykkir ofangreinda tillögu með tilvísan í 3. mgr. 44. gr. skipulagslaga nr. 123/2010 og vísar til afgreiðslu bæjarráðs og bæjarstjórnar. Niðurstaða Bæjarráð samþykkir framlagt erindi með fimm atkvæðum.
  • 20.13 1103073 Kársneshöfn. Athafnasvæði. Breytt deiliskipulag.
    Í samræmi við 1. mgr. 42. gr. skipulags- og byggingarlaga nr. 123/2010 og að lokinni seinni afgreiðslu sveitarstjórnar er erindið dags. 3. október 2016 breytt 15. maí 2017 og 10. júlí 2017 lagt fram að nýju eftir að athugasemd barst frá Skipulagsstofnun um birtingu auglýsingar um samþykkt deiliskipulags-breytingarinnar í B- deild Stjórnartíðinda sbr. bréf dags. 12. júní 2017.
    Orðið hefur verið við ábendingum Skipulagsstofnunar um form deiliskipulagsins og ósk hennar um nýjar umsögn Isavia, siglingarsviðs Vegagerðarinnar og Samgöngustofu sbr. bréf skipulags- og byggingardeildar dags. 10. júlí 2017.
    Í tillögunni er gert ráð fyrir að breyta lóðarmörkum Vesturvarar 38a og stækka lóðina úr 5.000 m2 í 8.900 m2, auka núverandi byggingarmagn úr 3.000 m2 í 12.000 m2 og færa byggingarreit til norðurs. Auk þess er gert ráð fyrir niðurgrafinni bílageymslu 6.800 m2 að stærð. Hámarks grunnflötur er áætlaður 3.600 m2. Mænishæð og hámarks vegghæð hækkar úr 10 metrum í 16 metra. Miðað er við 1 bílastæði á hverja 50 m2 húsnæðis eða um 240 stæði þar af um 200 stæði í niðurgrafinni bílageymslu.
    Lóðarmörk Vesturvarar 38b breytast og stækkar lóðin úr 5.000 m2 í 11.300 m2. Gert er ráð fyrir að auka núverandi byggingarmagn úr 3.000 m2 í 12.000 m2 og færa byggingarreit til norðurs. Auk þess er nú gert ráð fyrir niðurgrafinni bílageymslu 6.800 m2 að stærð. Hámarks grunnflötur er áætlaður 4.800 m2. Mænishæð og hámarks vegghæð hækkar úr 10 metrum í 27 metra. Miðað er við 1 bílastæði á hverja 50 m2 húsnæðis eða um 240 stæði þar af um 200 stæði í niðurgrafinni bílageymslu.
    Einnig er gert ráð fyrir að breyta lóðarmörkum Vesturvarar 40, minnka hana úr 11.700 m2 í 8.400 m2 með því að færa norðurlóðarmörk til suðurs um 50 metra og breyta heiti lóðarinnar í Vesturvör 40 til 42. Dregið er úr byggingarmagni sem ráðgert var 6.000 m2 í 5.000 m2 og byggingarreitur færður til suðurs. Hámarks grunnflötur er 3.900 m2. Miðað er við 1 bílastæði á hverja 100 m2 húsnæðis eða um 50 stæði.
    Í tillögunni er gert ráð fyrir að breyta lóðarmörkum Vesturvarar 42-48, minnka hana úr 11.700 m2 í 9.000 m2 með því að færa norðurlóðarmörk til suðurs um 50 metra og breyta heiti lóðarinnar í Vesturvör 44 til 48. Dregið er úr byggingarmagni sem ráðgert var 6.000 m2 í 4.500 m2 og byggingarreitur færður til suðurs og rúmar hann þrjá innri byggingarreiti með mænisstefnur í austur ? vestur. Hámarks grunnflötur er 3.000 m2. Miðað er við 1 bílastæði á hverja 50 m2 húsnæðis eða um 90 stæði.
    Aðkoma að svæðinu er óbreytt en ný gata er lögð í framhaldi af Versturvör vestan við hús nr. 32 til 36 sem aðkoma að lóðunum nr. 40 til 50. Ekki er gert ráð fyrir að Vesturvör milli atvinnuhúsanna nr. 34 og 36 tengist húsagötunni við Vesturvör 38a og 38b.
    Skipulagssvæðið er óbyggt landfyllingarsvæði sem að stærsta hluta er búið að verja fyrir ágangi sjávar. Kantur sjóvarnar verður í kóta 5 en meðal hæð núverandi fyllingar er í kóta 4.2. Gert er ráð fyrir að hluta núverandi landfyllingar verði hækkuð í kóta 5.4.
    Byggingarreitur og lóðin að Vesturvör 50 er óbreytt.
    Heildar aukning fermetra í athafnahúsnæði er um 15.500 m2. Almennt er vísað í samþykkt deiliskipulag fyrir Vesturvör 38 til 50, birt í B- deild Stjórnartíðinda 30. nóvember 2012. Uppdrættir í mkv. 1:2000 og 1:1000 dags. 3. október 2016. Tillagan var kynnt í samræmi við 1. mg. 43. gr. skipulagslaga nr. 123/2010 frá 7. mars 2017. Auglýsing um breytinguna birtist í Fréttablaðinu 4. mars 2017 og í Lögbirtingablaðinu 7. mars 2017. Tillagan var jafnframt kynnt á almennum fundi í Kársnesskóla 29. nóvember 2016. Frestur til að skila inn athugasemdum og ábendingum var til 25. apríl 2017. Athugasemdir og ábendingar bárust frá Isavia dags. 5. maí og 4. júlí 2017, frá Samgöngustofu dags. 10. júní og 10. júlí 2017 og frá siglingarsviði Vegagerðar 29. júní 2017. Einnig barst erindi frá Reykjavíkurborg dags. 5. maí 2017 þar sem fram kemur að ekki eru gerðar athugasemdir við tillöguna.
    Þá lögð fram umsögn dags. 15. maí 2017 og breytt 10. júlí 2017. Í umsögninni kemur m.a. fram að lagt er til að komið sé til móts við innsendar athugasendir og ábendingar Isavia með því að skýra betur á deiliskipulagsuppdrætti að byggingarreitur Vesturvarar 38a og 38b fari ekki uppfyrir hindrunarflöt Reykjavíkurflugvallar.
    Tillagan dags. 3. október með áorðnum breytingum 15. maí 2017 og breyttri greinargerð 10. júlí 2017 er lögð fram að nýju ásamt bréfi Skipulagsstofnunar dags. 12. júní 2017, umsögn skipulags- og byggingardeildar dags. 15. maí 2017 og breytt 10. júlí 2017 og nýjum umsögnum Isavia, dags. 4. júlí 2017, siglingarsviðs Vegagerðar dags. 29. júní 2017 og Samgöngustofu dags. 10. júlí 2017     Niðurstaða Skipulagsráð - 11 Skipulagsráð samþykkir erindið dags. 3. október, breytt 15. maí og 10. júlí 2017 ásamt umsögn skipulags- og byggingardeildar dags. 10. júlí 2017 og vísar til afgreiðslu bæjarráðs og bæjarstjórnar.

    Ása Richardsdóttir greiðir atkvæði gegn tillögunni.

    Bókun frá Ásu Richardsdóttur:
    "Í umsögn Skipulagstofnunar um þetta mikilvæga svæði við strandlengju Kópavogs segir:
    Þar sem um er að ræða mjög umfangsmiklar breytingar á mikilvægum stað innan höfuðborgarsvæðisins, þarf að meta umhverfisáhrif breytingarinnar í víðu samhengi. Bæði þarf að meta áhrif á þá byggð sem fyrir er, sem og á önnur framtíðar í nágrenninu. Hið aukna byggingarmagn, aukin hæð bygginga og samfelldari byggingarmassi kemur til með að breyta ásýnd til og frá svæðinu sem og hafa áhrif á yfirbragð byggðar á Kársnesi. Því þarf að meta sjónræn áhrif breytinganna á mismunandi (s.s. við Fossvog, ströndina Reykjavíkurmegin og fyrir sjála byggðina á Kársnessvæðinu).
    Ása Richardsdóttir, fulltrúi Samfylkingarinnar í skipulagsráði, tekur undir sjónarmið Skipulagsstofnunar og leggst gegn afgreiðslu tillögunnar. Hún telur svörin til Skipulagstofunar engan veginn fullnægjandi hvað varðar umhverfisáhrif og ásýnd og hvetur til þess að vandað verði betur til verka".     Niðurstaða Fulltrúar meirihluta bæjarráðs lögðu fram eftirfarandi bókun:
    "Því er mótmælt sem fram kemur í órökstuddri bókun fulltrúa Samfylkingarinnar í skipulagsráði frá 10. júlí að svör skipulagsdeildar til Skipulagsstofnunar séu óvönduð. Starfsfólk skipulagdeildar hefur ávallt fagleg vinnubrögð að leiðarljósi í þessu máli sem öðrum. Farið er yfir athugasemdirnar og þeim öllum svarað lið fyrir lið, að gefa annað í skyn er ómaklegt.

    Land, sjávarbotn, heilsa, hljóðvist og samfélag var metið í auglýstri tillögu. Þá mun hækkun byggingarinnar ekki hafa íþyngjandi umhverfisáhrif vegna fjarlægðar svæðisins til nærliggjandi íbúðabyggðar og annarra sveitarfélaga, enda bárust engar athugasemdir þar um.

    Verið er að stytta byggingarreitinn frá austri til vesturs um rúma 80 metra, úr 330 metrum í gildandi deiliskipulagi í 246 metra samkvæmt nýrri tillögu. Því er umtalsvert byggingarsvæði látið víkja fyrir grænu svæði sem ætlað er til útivistar vestast á Kársnesinu. Sú breyting mun létta á ásýnd strandlengjunnar.

    Þess má geta að miðað við tillögu "Spot on Kársnes" er gert ráð fyrir að byggð á sama svæði nái yfir um 390 metra.
    Ármann Kr. Ólafsson, Theódóra Þorsteinsdóttir, Karen Halldórsdóttir, Guðmundur Geirdal"

    Pétur Hrafn Sigurðsson lagði fram eftirfarandi bókun:
    "Það er undarlegt og sýnir slaka stöðu í málinu að bæjarstjóri og meirihlutinn sjái sig knúinn til að vitna ranglega í bókun bæjarfulltrúa Ásu Richardsdóttur. Það kemur ekki fram í hennar bókun að um óvönduð vinnubrögð starfsmanna Kópavogs er að ræða og er hvergi minnst á starfsmenn Kópavogsbæjar í bókun Ásu. Aðalatriðið er að hvatt er til að tekið sé tillit til athugsemda Skipulagsstofnunnar er varða mjög umfangsmiklar breytingar á mikilvægum stað innan höfuðborgarsvæðisins og undarlegt að meirihlutinn sé ekki tilbúinn til þess og gæta þess að vandað sé til verka í öllum þáttum sem snúa að uppbyggingu á Kársnesi.

    Undirritaður tekur heilshugar undir bókun Ásu Richardsdóttur í skipulagsráði.
    Pétur Hrafn Sigurðsson"

    Fulltrúar meirihlutans lögðu fram eftirfarandi bókun:
    "Vísað er í fyrri bókun og ef bæjarfulltrúinn meinar annað en bókað er í skipulagsnefnd verður að bóka með skýrari hætti. Það skal ítrekað að svör skipulagsdeildar við framkomnum athugasemdum Skipulagsstofnunar náðu yfir alla þætti þeirra og voru unnar með faglegum hætti.
    Ármann Kr. Ólafsson, Theódóra Þorsteinsdóttir, Karen Halldórsdóttir, Guðmundur Geirdal"

    Pétur Hrafn Sigurðsson lagði fram eftirfarandi bókun:
    "Það lýsir málefnafátækt meirihlutans að hann skuli í bókunum sínum vera helst upptekinn af vinnubrögðum starfsmanna skipulagssviðs í stað þess að fjalla málefnalega um skipulagsmál á Kársnesi.
    Pétur Hrafn Sigurðsson"

    Bæjarráð samþykkir framlagt erindi með fjórum atkvæðum gegn einu.

Fundargerðir nefnda

21.1707106 - Fundargerð 849. fundar stjórnar Sambands íslenskra sveitarfélaga frá 31.03.2017

Fundargerð í 33. liðum.
Lagt fram.

Fundargerðir nefnda

22.1707061 - Fundargerð 851. fundar stjórnar Sambands íslenskra sveitarfélaga frá 30.06.2017

Fundargerð í 28. liðum.
Lagt fram.

Fundargerðir nefnda

23.1706762 - Fundargerð 444. fundar stjórnar SSH frá 6.6. 2017

Fundargerð í 2. liðum.
Lagt fram.

Kristinn Dagur Gissurarson lagði fram eftirfarandi bókun:
"Undirritaður, fulltrúi Framsóknar, lýsir yfir efasemdum vegna hugmynda um fluglest og hvernig "múlbinda" á sveitarfélög til þess að haga sér á tiltekinn hátt. Nær væri að "þróunarfélagið" ynni málið lengra áður en sveitarfélögin koma að.
Kristinn Dagur Gissurarson"

Fundargerðir nefnda

24.1707101 - Fundargerð 268. fundar stjórnar Strætó bs. frá 23. júní 2017

Fundargerð í 6. liðum.
Lagt fram.

Fundargerðir nefnda

25.1707092 - Fundargerð 77. fundar svæðisskipulagsnefndar höfuðborgarsvæðisins frá 23.06.2017

Fundargerð í 5. liðum.
Lagt fram.

Ólafur Þór Gunnarsson lagði fram eftirfarandi bókun:
"Undirritaður ítrekar fyrri fyrirvara m.t.t. umferðar um brú yfir Fossvog.
Ólafur Þór Gunnarsson"

Kristinn Dagur Gissurarson lagði fram eftirfarandi bókun:
"Undirritaður fulltrú Framsóknar, lýsir yfir efasemdum vegna tillagna er varða Borgarlínu. Þetta mál er keyrt of hart fram og verið að festa "vafasamar" ákvarðanir í sessi. Tekið er undir athugasemda m.a. Trausta Valssonar, arkitekts og skipulagsfræðings er varða Borgarlínuna.
Kristinn Dagur Gissurarson"

Fulltrúar meirihlutans í bæjarráði lögðu fram eftirfarandi bókun:
"Hér er ekki verið að festa í sessi neinar ákvarðanir heldur eingöngu verið að horfa til skipulagsmála.
Ármann Kr. Ólafsson, Theódóra Þorsteinsdóttir, Karen Halldórsdóttir, Guðmundur Geirdal"

Fundargerðir nefnda

26.1705011F - Umhverfis- og samgöngunefnd - 88. fundur frá 06.06.2017

Fundargerð í 13. liðum.
Lagt fram.

Fundargerðir nefnda

27.1706014F - Umhverfis- og samgöngunefnd - 89. fundur frá 04.07.2017

Fundargerð í 8. liðum.
Lagt fram.
  • 27.8 17051656 Umhverfisviðurkenningar 2017
    Lögð fram tillaga að umhverfisviðurkenningum og götu ársins 2017. Niðurstaða Umhverfis- og samgöngunefnd - 89 Umhverfis- og samgöngunefnd samþykkir tillögur að Umhverfisviðurkenningum 2017.
     Niðurstaða Bæjarráð samþykkir með fimm atkvæðum að gata ársins 2017 verði Litlavör.

Erindi frá bæjarfulltrúum

28.1707115 - Fyrirspurn frá Kristni Degi Gissurarsyni um niðurstöður loft- og efnagreiningar á kurli og mönnunarmál í leik- og grunnskólum

Fyrirspurn frá Kristni Degi Gissurarsyni:
"Hverjar voru niðurstöður loft- og efnagreiningar á kurli í knatthúsum Kórsins og Fífunnar sem unnin var vorið 2017? Óskað er eftir skriflegu svari.

Hver er staða mönnunarmála í leik- og grunnskólum Kópavogs vegna skólaársins 2017/18. Óskað er eftir skriflegu svari."
Lagt fram.

Erindi frá bæjarfulltrúum

29.1707116 - Tillaga frá Ólafi Þór Gunnarssyni um að kannaður verði kostnaður við námsgögn barna í grunnskóla í Kópavogi

Tillaga frá Ólafi Þór Gunnarssyni, bæjarfulltrúa:
"Bæjarráð samþykkir að fela menntasviði að kanna kostnað við að greiða allan kostnað við námsgögn barna í grunnskóla í Kópavogi. Kostnaðurinn verði flokkaður niður eftir árgöngum."

Greinargerð;
Að undanförnu hefur verið mikil umræða um kostnað vegna skólagöngu barna og nokkur stór sveitarfélög stigið það skref að gera grunnskólann gjaldfrjálsann með öllu. Það er mikilvægt að bæjarstjórn Kópavogs hafi glöggar upplýsingar um væntanlegan kostnað af slíku ef af yrði. Kostnaður við nám getur verið hindrun við fulla þátttöku barna í skólastarfi og mikilvægt að bærinn leiti allra leiða til að koma í veg fyrir slíkt. Mikilvægt er að upplýsingarnar liggi fyrir áður en skólastarf hefst í haust þannig að hægt verði að gera ráðstafanir af hálfu bæjarins m.t.t. kostnaðar.
Bæjarráð samþykkir tillöguna með fimm atkvæðum.

Fundi slitið - kl. 10:15.