Bæjarráð

3127. fundur 27. apríl 2023 kl. 08:15 - 11:39 í bæjarstjórnarsal, Hábraut 2
Fundinn sátu:
  • Orri Vignir Hlöðversson formaður
  • Hjördís Ýr Johnson varaformaður
  • Andri Steinn Hilmarsson aðalmaður
  • Theódóra S Þorsteinsdóttir aðalmaður
  • Helga Jónsdóttir aðalmaður
  • Bergljót Kristinsdóttir, aðalmaður boðaði forföll og Hákon Gunnarsson vara áheyrnarfulltrúi, sat fundinn í hans stað.
  • Sigurbjörg Erla Egilsdóttir, aðalmaður boðaði forföll og Matthías Hjartarson vara áheyrnarfulltrúi, sat fundinn í hans stað.
Starfsmenn
  • Ásdís Kristjánsdóttir bæjarstjóri
  • Pálmi Þór Másson bæjarritari
Fundargerð ritaði: Pálmi Þór Másson bæjarritari
Dagskrá

Erindi og umsagnir frá starfsmönnum

1.23042054 - Staða uppbyggingar nýs Kársnesskóla

Frá sviðsstjóra umhverfissviðs, dags. 25.04.2023, lagðar fram upplýsingar um stöðu uppbyggingar nýs Kársnesskóla, ásamt minnisblaði lögmanns Kópavogbæjar er varðar málefnið dags. 25.04.2023.
Bæjarráð frestar málinu á milli funda og felur sviðsstjóra umhverfissviðs að taka saman frekari upplýsingar fyrir næsta fund ráðsins í samræmi við umræður fundarins.

Gestir

  • Ásthildur Helgadóttir sviðsstjóri umhverfissviðs - mæting: 08:15
  • Jóhannes Karl Sveinsson lögmaður - mæting: 08:15
  • Stefán L. Stefánsson deildarstjóri framkvæmdadeildar - mæting: 08:15
  • Ása A. Kristjánsdóttir, bæjarlögmaður - mæting: 08:15

Erindi og umsagnir frá starfsmönnum

2.23041045 - Kleifakór 2 nýbygging framkvæmdir

Frá deildarstjóra framkvæmdadeildar, dags. 13.04.2023, lagt fram erindi þar sem óskað er heimildar bæjarráðs til að bjóða út í opnu útboði búsetukjarna við Kleifakór 2.

Bæjarráð samþykkir með fimm atkvæðum að veita heimild til að bjóða út í opnu útboði búsetukjarna við Kleifakór 2.

Gestir

  • Stefán L. Stefánsson deildarstjóri framkvæmdadeildar - mæting: 09:57

Erindi og umsagnir frá starfsmönnum

3.23041804 - Rammasamningur um innkaup á ræstingarþjónustu

Frá deildarstjóra innkaupadeildar, dags. 24. apríl, lagt fram erindi þar sem óskað er heimildar bæjarráðs til að bjóða út ræstingarþjónustu og gera í framhaldinu rammasamning við alla bjóðendur sem uppfylla skilyröi útboðs til eins árs með möguleika á framlengingu um eitt ár í senn þrisvar sinnum.
Bæjarráð samþykkir með fimm atkvæðum að bjóða út ræstingarþjónustu og gera rammasamning við alla bjóðendur sem uppfylla skilyrði útboðs til eins árs með möguleika á framlengingu um eitt ár í þrígang.

Erindi og umsagnir frá starfsmönnum

4.23041779 - Menntasvið-ráðning skólastjóra Kópavogsskóla

Frá sviðsstjóra menntasviðs, dags. 24. apríl 2023, lögð fram tillaga að ráðningu skólastjóra Kópavogsskóla.
Bæjarráð samþykkir með fimm atkvæðum að ráða Guðnýju Sigurjónsdóttur í starf skólastjóra Kópavogsskóla.

Erindi og umsagnir frá starfsmönnum

5.2304758 - Fyrirspurn frá bæjarfulltrúa Helgu Jónsdóttur um stefnumörkun í tjónamálum er stafa frá mannvirkjum Kópavogsbæjar.

Frá bæjarlögmanni, dags. 25. apríl, lagt fram svar við fyrirspurn bæjarfulltrúa Helgu Jónsdóttur um stefnumörkun í tjónamálum er stafa frá mannvirkjum Kópavogsbæjar.
Lagt fram.

Ýmis erindi

6.2304872 - Afgreiðsla vegna útboðs á akstri strætisvagna

Frá Strætó bs., dags. 22.03.2023, lögð fram tillaga um endurútboð á akstri almenningsvagna til átta ára með heimild til framlengingar í tvö ár. Strætó bs. verði þá falið að senda tillöguna til umræðu og afgreiðslu á vettvangi aðildarsveitarfélaganna. Um er að ræða útboð á sama hluta aksturs Strætó bs., að teknu tilliti til breytinga á leiðakerfi, og nú þegar er boðinn út. Að öðru leyti er vísað til meðfylgjandi minnisblaðs frá Mannviti, dagsett 16. mars 2023, sem útlistar fyrirkomulag útboðs.

Óskað er eftir samþykki bæjarráðs um framlagða tillögu.
Bæjarráð samþykkir með fimm atkvæðum framlagða tillögu frá stjórn Strætó bs. um endurútboð á akstri almenningsvagna til átta ára með heimild til framlengingar um tvö ár.

Ýmis erindi

7.23041666 - Ósk um tilnefningu í stýrihóp verkefnanna Barnvæn sveitarfélög og Réttindaskóli og -frístund

Frá mennta- og barnamálaráðuneytinu, dags. 19. apríl 2023, lagt fram erindi þar sem óskað er eftir tilnefningu í stýrihóp verkefnanna Barnvæn sveitarfélög og Réttindaskóli og -frístund.Stýrihópurinn verður skipaður fulltrúum mennta- og barnamálaráðuneytis, Sambands íslenskra sveitarfélaga, UNICEF á Íslandi,

Menntavísindasvið Háskóla Íslands auk fulltrúa Barnvænna sveitarfélaga og Réttindaskóla og -frístundar og Réttindaskóla UNICEF á leikskólastigi. Gert er ráð fyrir að hópurinn starfi til 31. desember 2024.

Bæjarráð samþykkir með fimm atkvæðum að tilnefna Önnu Elísabetu Ólafsdóttur sem fulltrúa Kópavogsbæjar í stýrihópnum.

Ýmis erindi

8.23041766 - Mögulegar lagabreytingar vegna óleyfisbúsetu í atvinnuhúsnæði

Frá Sambandi íslenskra sveitarfélaga, dags. 21.04.2023, lagt fram erindi þar sem vakin er athygli sveitarfélaga á áformaskjali starfshóps á vegum innviðarráðherra sem birt hefur verið í samráðsgátt stjórnvalda. Er um að ræða áform vegna fyrirhugaðra breytingam.a. á lögheimilislögum í tengslum við óleyfisbúsetu í atvinnuhúsnæði.
Bæjarráð samþykkir með fimm atkvæðum að vísa málinu til afgreiðslu bæjarlögmanns.

Ýmis erindi

9.23041773 - Orlof húsmæðra 2023. Framlag sveitarfélaga til orlofsnefnda

Frá Sambandi íslenskra sveitarfélaga, dags. 21.04.2023, lögð fram tilkynning frá félags- og vinnumarkaðsráðuneytinu um að framlag sveitarfélaga til orlofsnefnda á hverju svæði vera minnst kr. 141,01 fyrir hvern íbúa sveitarfélagsins. Framlag þetta skal greiða orlofsnefnd viðkomandi orlofssvæðis fyrir 15. maí nk. sbr. 5. gr. laga nr. 53/1972.
Lagt fram.

Bókun bæjarráðs:
"Bæjarráð Kópavogs telur lög um orlof húsmæðra vera barn síns tíma og hvetur til þess að þau verði felld úr gildi."

Ýmis erindi

10.23041971 - Aðalfundur Landskerfis bókasafna 2023

Lagt fram fundarboð á aðalfund Landkerfis bókasafna hf. sem fram fer 9. maí 2023.
Lagt fram.

Fundargerðir nefnda

11.2304010F - Afgreiðslur byggingarfulltrúa - 366. fundur frá 14.04.2023

Fundargerð í átta liðum.
Lagt fram.

Fundargerðir nefnda

12.2304004F - Skipulagsráð - 141. fundur frá 17.04.2023

Fundargerð í tíu liðum.
Lagt fram.
  • 12.5 2201276 Nónhæð. Nónsmári 1-7 og 9-15. Breytt deiliskipulag.
    Lögð fram að nýju umsókn Hrólfs Karls Cela arkitekts, dags. 11. janúar 2022 f.h. lóðarhafa lóðanna nr. 1-7 og 9-15 við Nónsmára um breytingu á deiliskipulagi Nónhæðar staðf. 13. nóvember 1991 m.s.br., fyrir fyrrgreindar lóðir. Í breytingunni felst að á lóðinni Nónsmára 1-7 fjölgar íbúðum úr 55 í 60 og á lóðinni Nónsmára 9-15 fjölgar íbúðum úr 45 í 50. Heildarfjölgun íbúða er alls 10 íbúðir. Þá er sótt um hækkun byggingarreita þannig að hús nr. 1 og 9 hækki úr tveimur hæðum í þrjár og hús númer 5, 7, 13 og 15 úr fjórum hæðum í fimm hæðir. Byggingarmagn á lóðunum eykst úr 15.600 m² í 17.300 m² og nýtingarhlutfall hækkar úr 0,5 í 0,6. Bílastæðum neðanjarðar fjölgar úr 82 í 104 en bílastæðum ofanjarðar fækkar úr 125 í 122. Tillagan er sett fram á uppdráttum í mkv. 1:2000 ásamt skýringarmyndum og greinargerð dags. 10. janúar 2022. Einnig fylgir tillögunni skuggavarpsgreining dags. 27. janúar 2022.
    Á fundi skipulagsráðs þann 30. maí 2022 var ofangreind tillaga lögð fram að lokinni kynningu skv. 1. mgr. 43. gr. skipulagslaga nr. 123/2010 ásamt umsögn skipulagsdeildar dags. 13. maí 2022 og uppfærð 30. maí 2022 um þær athugasemdir og ábendingar sem bárust á kynningartíma tillögunnar. Skipulagsráð hafnaði tillögunni. Afgreiðsla skipulagsráðs var staðfest á fundi bæjarráðs þann 21. júlí 2022. Í úrskurði Úrskurðarnefndar umhverfis- og auðlindamála dags. 20. janúar 2023 var ákvörðun bæjarráðs um að hafna tillögunni felld úr gildi.
    Þá er lagður fram ofangreindur úrskurður Úrskurðarnefndar umhverfis- og auðlindamála í máli nr. 92/2022 dags. 20. janúar 2023 ásamt drögum að greinargerð skipulagsráðs með afgreiðslu málsins dags. 17. mars 2023. Jafnframt eru lögð fram tvö erindi Hjalta Steinþórssonar lögmanns f.h. lóðarhafa dags. 7. febrúar 2023 og 15. mars 2023.
    Á fundi skipulagsráðs 3. apríl 2023 var afgreiðslu málsins frestað.
    Þá er einnig lögð fram greinargerð bæjarlögmanns dags. 11. apríl 2023.     Niðurstaða Skipulagsráð - 141 Fundarhlé hófst kl. 17:07, fundi fram haldið kl. 17:30.

    Bókun Kristins Dags Gissurarsonar vegna greinargerðar bæjarlögmanns dagsett 11. apríl 2023:

    „Það vekur undrun hvernig greinargerð bæjarlögmanns Kópavogs rekur sig að þeirri niðurstöðu að deiliskipulag Nónhæðar sé meitlað í stein og sé nánast óumbreytanlegt frá því sem nú er.
    Ekki verður séð að litið sé hlutlaust á fyrirliggjandi tillögu um breytingu á deiliskipulagi Nónhæðar. Þvert á móti. Greinargerðin er unnin huglægt og skautað fram hjá fjölmörgum atriðum er lúta að gerð góðs skipulags.
    Lögð er ofuráhersla á suma þætti en kosið að sleppa öðrum, eða gert lítið úr, er snúa að skipulagsmálum. Dregin eru fram atriði úr umsögn skipulagsdeildar og gert mikið úr þeim þó það liggi fyrir að umsögnin í heild var í raun afar jákvæð gagnvart þessum hugsanlegu breytingum á deiliskipulagi Nónhæðar.
    Þá er ótrúlega áhugavert að lesa kaflann um Aðalskipulag Kópavogs í greinargerðinni. Þar er teygt og togað í allar þær áttir sem henta þykir fyrir þegar ákveðinni niðurstöðu.
    Greinargerð þessi heldur því miður ekki vatni og væri betur ógerð.“

    Bókun skipulagsráðs:
    "Tillaga lóðarhafa að breytingu á deiliskipulaginu gengur gegn fyrri ákvörðun skipulagsráðs, dags. 4. desember 2017. Þá var deiliskipulag samþykkt eftir víðtækt samráð við hagsmunaaðila, ekki síst íbúa. Deiliskipulagið er byggt á málefnalegum sjónarmiðum, meðalhófs var gætt við meðferð málsins og sérstaklega horft til markmiðskafla 1. gr. skipulagslaga um að tryggja samráð og réttaröryggi.
    Gildandi deiliskipulag er að mati skipulagsráðs til þess fallið að ná markmiðum Aðalskipulags Kópavogs 2019-2040. Í greinargerð þess er tekið fram að heildarfjöldi íbúða á Nónhæð sé áætlaður um 150. Hvorki eru bindandi skilmálar um fjölda íbúða né um það hvernig megi fjölga þeim.
    Við mat á tillögu lóðarhafa lítur skipulagsráð til þess að hækkun húsa leiðir til aukins skuggavarps fyrir íbúðir á efri hæðum við Arnarsmára 38, útsýni breytist vegna hækkunar á byggingarreit á norðurhluta lóðarinnar Nónhæðar 9-15 og hækkun byggingarreits úr 4 hæðum í 5 hæðir er ekki í samræmi við aðliggjandi íbúðarbyggð. Umhverfisþátturinn borgarlandslag er því metinn neikvæður á hverfið í heild.
    Að mati skipulagsráðs eru ekki veigamiklar ástæður eða málefnaleg sjónarmið sem standa til breytingar á deiliskipulaginu. Íbúar eiga að geta treyst því að ekki sé ráðist í breytingar á skipulagi nema veigamiklar ástæður eða skipulagsrök standi til þess. Með hliðsjón af öllu framangreindu er það mat skipulagsráðs að synja beri tillögu að breytingu á deiliskipulagi fyrir Nónsmára 1-7 og 9-15. Um frekari rökstuðning vísar skipulagsráð til greinargerðar bæjarlögmanns dags. 11. apríl 2023."

    Skipulagsráðs hafnar framlagðri tillögu með þremur atkvæðum Hjördísar Ýrar Johnson, Theódóru S. Þorsteinsdóttur og Helgu Jónsdóttur gegn atkvæði Kristins Dags Gissurarsonar. Andri Steinn Hilmarsson, Gunnar Sær Ragnarsson og Hákon Gunnarsson sátu hjá við afgreiðslu málsins.
    Vísað til afgreiðslu bæjarráðs og bæjarstjórnar.


    Bókun frá Kristni Degi Gissurarsyni vegna afgreiðslu skipulagsráðs:

    „Nú þegar skipulagsráð og bæjarráð Kópavogsbæjar hafa verið gerð afturreka með höfnun á deiliskipulagsbreytingu vegna Nónsmára 1 -7 og 9 -15 samkvæmt niðurstöðu Úrskurðarnefndar umhverfis- og auðlindamála frá 20. janúar 2023, sætir það furðu að enn skuli eiga að höggva í sama knérunn og hafna enn á ný í stað þess að leita skynsamlegra lausna.
    Nú skal ekki notast við þau málsrök Kópavogsbæjar að afgreiðsla málsins hafi ekkert haft með samráðsferli og meinta málamiðlun með hagaðilum að gera þegar óskað var eftir breytingu á núverandi deiliskipulagi. Nú skal hið meinta samkomulag og samráð vera hryggjarstykkið í röksemdafærslu fyrir höfnun málsins. Þó liggur fyrir og kemur fram í umsögn skipulagsdeildar frá 13. maí 2022 (uppfært 30. maí 2022) að Birgir, þáverandi skipulagsstjóri og Smári, arkitekt á skipulagssviðinu mátu stöðuna í samráðsferlinu þannig að ekki næðist sameiginleg niðurstaða enda hvikuðu Íbúasamtök Nónhæðar aldrei frá því að landnotkun ætti að vera óbreytt, þ.e. opið svæði og stofnanasvæði.
    Staðreyndir málsins eru eftirfarandi:
    1. Sama stóra græna svæðið skilur að Nónsmára og aðliggjandi byggð.
    2. Engin stækkun á byggingarreit, aðeins hækkun hluta húsanna.
    3. Breyting sú sem óskað er eftir veldur aðliggjandi byggð engum eða óverulegum áhrifum.
    4. Þjónar vel markmiðum Aðalskipulags Kópavogs um þéttingu byggðar og betri nýtingu innviða.
    5. Færri bílastæði ofanjarðar, fleiri neðanjarðar.
    6. Húsin eru aðeins með inn- og útkeyrslu frá Smárahvammsvegi. Því er engin aukning umferðar um Arnarsmára og aðliggjandi götur.
    7. Fagurfræðilega verða húsin betri með inndreginni fimmtu hæð.
    Þessi deiliskipulagsbreyting þjónar vel markmiðum 1.1 greinar í Skipulagsreglugerð 90/2013. Skipulagsrökin fyrir þessari deiliskipulagsbreytingu eru augljós.
    Það er miður, að mati undirritaðs, að heildarhagsmunir, fagleg vinnubrögð, fagurfræði og almenn skynsemi skuli ekki hafa verið höfð að leiðarljósi við afgreiðslu þessa máls. Vísa að lokum einnig til bókunar minnar við fyrri afgreiðslu málsins.“     Niðurstaða Tillaga:
    Það er ljóst að eftir úrskurð Úrskurðarnefndar umhverfis- og auðlindamála frá 20. janúar 2023 ríkir mikil óvissa um deiliskipulag á Nónhæð. Lagt er til að fram fari viðræður milli Kópavogsbæjar og Nónhæðar ehf. um útfærslu á deiliskipulaginu þar sem sjónarmið beggja aðila í málinu verða reifuð. Markmið samtalsins er að allt sé gert til að fá fram hagstæða og farsæla niðurstöðu sem báðir aðilar geta sætt sig við. Niðurstöður skulu verða kynntar í skipulagsráði eigi síðar en á fundi ráðsins þann 19. júní 2023.

    Hákon Gunnarsson, varaáheyrnarfulltrúi Samfylkingarinnar.

    Bæjarráð hafnar tillögunni með fjórum atkvæðum og hjásetu Andra S. Hilmarssonar.


    Bæjarráð samþykkir með fjórum atkvæðum og hjásetu Andra S. Hilmarssonar.að vísa afgreiðslu málsins til bæjarstjórnar.
  • 12.8 2304871 Vatnsendi - norðursvæði. Breytt mörk deiliskipulags.
    Lögð fram tillaga Arkþing Nordic dags. 14. apríl 2023 f.h. skipulagsdeildar Kópavogs að breyttu deiliskipulagi Vatnsenda-Norðursvæði sem samþykkt var í bæjarstjórn 26. júlí 2002. Bæjarstjórn Kópavogs hefur samþykkt að auglýsa tillögu að deiliskipulagi fyrir Vatnsendahvarf/Vatnsendahæð sem liggur að skipulagssvæðinu. Nauðsynlegt er að aðlaga mörk deiliskipulags Vatnsenda norðursvæðis vegna þess. Umrætt deiliskipulag Vatnsendahvarfs/Vatnsendahæðar er auglýst samhliða þessari breytingu á deiliskipulagi. Í tillögunni felst breyting á mörkum skipulagssvæðis Vatnsenda-norðursvæðis í samræmi við tillögu að deiliskipulagi fyrir Vatnsendahæð/Vatnsendahvarf. Mörk deiliskipulagsins Vatnsenda-norðursvæðis munu flytjast að gönguleiðinni sem aðskilur skipulagssvæðið við nýja deiliskipulagið á Vatnsendahæð.
    Uppdrættir í mælikvarða 1:3000 dags. 14 apríl 2023. Að öðru leiti er vísað í gildandi deiliskipulag Vatnsenda-norðursvæðis með síðari breytingum.     Niðurstaða Skipulagsráð - 141 Skipulagsráð samþykkir með tilvísun í 1. mgr. 43. gr. skipulagslaga nr. 123/2010 að framlögð tillaga verði auglýst. Vísað til afgreiðslu bæjarráðs og bæjarstjórnar. Niðurstaða Bæjarráð vísar afgreiðslu málsins til bæjarstjórnar.
  • 12.9 2304870 Hörðuvellir - Vatnsendi. Breytt mörk deiliskipulags.
    Lögð fram tillaga Arkþing Nordic dags. 14. apríl 2023 f.h. skipulagsdeildar Kópavogs að breyttu deiliskipulagi Hörðuvalla sem samþykkt var í bæjarstjórn 24. júlí 2003. Bæjarstjórn Kópavogs hefur samþykkt að auglýsa tillögu að deiliskipulagi fyrir Vatnsendahvarf/Vatnsendahæð sem liggur að skipulagssvæðinu. Nauðsynlegt er að aðlaga mörk deiliskipulags Hörðuvalla vegna þess. Umrætt deiliskipulag Vatnsendahvarfs/Vatnsendahæðar er auglýst samhliða þessari breytingu á deiliskipulagi. Í tillögunni felst að breyta mörkum skipulagssvæðis Hörðuvalla í samræmi við tillögu að deiliskipulagi fyrir Vatnsendahvarf/Vatnsendahæð. Þar er gert ráð fyrir nýrri 500 íbúða byggð á 29 hektara svæði. Mörk deiliskipulags Hörðuvalla breytist austan við Klappakór og Perlukór þar sem mörkin færast nær Andarhvarfi, og við gatnamót Kambavegs og Kleifakórs, en þau gatnamót verða innan nýs deiliskipulagssvæðis.
    Uppdrættir í mælikvarða 1:2000 dags. 14 apríl 2023. Að öðru leiti er vísað í gildandi deiliskipulag Hörðuvalla með síðari breytingum.     Niðurstaða Skipulagsráð - 141 Skipulagsráð samþykkir með tilvísun í 1. mgr. 43. gr. skipulagslaga nr. 123/2010 að framlögð tillaga verði auglýst. Vísað til afgreiðslu bæjarráðs og bæjarstjórnar. Niðurstaða Bæjarráð vísar afgreiðslu málsins til bæjarstjórnar.
  • 12.10 2304873 Vatnsendahvarf - athafnasvæði. Breytt mörk deiliskipulags.
    Lögð fram tillaga Arkþing Nordic dags. 14. apríl 2023 f.h. skipulagsdeildar Kópavogs að breyttu deiliskipulagi Vatnsendahvarfs-athafnasvæðis sem samþykkt var í bæjarstjórn 213.05.2008. Bæjarstjórn Kópavogs hefur samþykkt að auglýsa tillögu að aðliggjandi deiliskipulagi fyrir Vatnsendahvarf/Vatnsendahæð. Nauðsynlegt er að aðlaga mörk deiliskipulags athafnasvæðisins vegna þess. Umrætt deiliskipulag Vatnsendahvarfs/Vatnsendahæðar er auglýst samhliða þessari breytingu á deiliskipulagi. Í tillögunni felst að breyta mörkum skipulagssvæðis Vatnsenda-athafnasvæðis til samræmis við tillögu að deiliskipulagi fyrir Vatnsendahvarf/Vatnsendahæð. Þar er gert ráð fyrir nýrri 500 íbúða byggð á 29 hektara svæði. Mörk deiliskipulags Vatnsenda-athafnasvæðis færast upp að gönguleið meðfram Turnahvarfi og norðan við gönguleið við Kambaveg. Gatnamót Turnahvarfs og Kambavegar verða innan nýs deiliskipulagssvæðis í Vatnsendahvarfi/Vatnendahæð.
    Uppdrættir í mælikvarða 1:2000 dags. 14 apríl 2023. Að öðru leiti er vísað í gildandi deiliskipulag Vatnsendahvarfs-athafnasvæðis með síðari breytingum.     Niðurstaða Skipulagsráð - 141 Skipulagsráð samþykkir með tilvísun í 1. mgr. 43. gr. skipulagslaga nr. 123/2010 að framlögð tillaga verði auglýst. Vísað til afgreiðslu bæjarráðs og bæjarstjórnar. Niðurstaða Bæjarráð vísar afgreiðslu málsins til bæjarstjórnar.

Fundargerðir nefnda

13.2304003F - Jafnréttis- og mannréttindaráð - 99. fundur frá 12.04.2023

Fundagerð í einum lið.
Lagt fram.

Fundargerðir nefnda

14.2304012F - Menntaráð - 112. fundur frá 18.04.2023

Fundargerð í fjórum liðum.
Lagt fram.

Fundargerðir nefnda

15.2304001F - Leikskólanefnd - 151. fundur frá 13.04.2023

Fundargerð í tveimur liðum.
Lagt fram.

Fundargerðir nefnda

16.2304005F - Umhverfis- og samgöngunefnd - 163. fundur frá 18.04.2023

Fundargerð í fjórum liðum.
Lagt fram.

Fundargerð

17.2304013F - Velferðarráð - 118. fundur frá 24.04.2023

Lagt fram.
  • 17.4 2203963 Bókanir funda stjórnar SSH. Heimilislausir með fjölþættan vanda
    Lögð fram til kynningar og umræðu bókun stjórnar SSH - fundur 556 dags. 17.4.2023, skýrsla samstarfsverkefnis í málefnum heimilislausra dags. 30.3.2023 ásamt helstu niðurstöðum og tillögum. Niðurstaða Velferðarráð - 118 Velferðarráð þakkar fyrir framkomna skýrslu samstarfsverkefnis í málefnum heimilislausra og kynninguna á helstu niðurstöðum og tillögum.

Fundargerðir nefnda

18.23041534 - Fundargerð 922. fundar stjórnar Sambands íslenskra sveitarfélaga frá 31.03.2023

Fundargerð 922. fundar stjórnar Sambands íslenskra sveitarfélaga frá 31.03.2023.
Lagt fram.

Fundargerðir nefnda

19.23031938 - Fundargerð 368. fundar stjórnar Strætó frá 17.03.2023

Fundargerð 368. fundar stjórnar Strætó frá 17.03.2023.
Lagt fram.

Fundargerðir nefnda

20.23041536 - Fundargerð 923. fundar stjórnar Sambands íslenskra sveitarfélaga frá 05.04.2023

Fundargerð 923. fundar stjórnar Sambands íslenskra sveitarfélaga frá 05.04.2023.
Lagt fram.

Fundargerðir nefnda

21.2304898 - Fundargerð 555. fundar stjórnar SSH frá 03.04.2023

Fundargerð 555. fundar stjórnar SSH frá 03.04.2023.
Lagt fram.

Fundargerðir nefnda

22.23041537 - Fundargerð 924. fundar stjórnar Sambands íslenskra sveitarfélaga frá 17. apríl 2023

Fundargerð 924. fundar stjórnar Sambands íslenskra sveitarfélaga frá 17. apríl 2023.
Lagt fram.

Fundargerðir nefnda

23.23041664 - Fundargerð 556. fundar stjórnar SSH frá 17.04.2023

Fundargerð 556. fundar stjórnar SSH frá 17.04.2023.
Lagt fram.

Fundargerðir nefnda

24.23041969 - Fundargerð 104. fundar stjórnar Markaðsstofu Kópavogs frá 27.02.2023

Fundargerð 104. fundar stjórnar Markaðsstofu Kópavogs frá 27.02.2023.
Lagt fram.

Erindi frá bæjarfulltrúum

25.23041977 - Ósk bæjarfulltrúa Sigurbjargar Erlu Egilsdóttur um að lagður verði fram samningur um úttekt á málaflokki fatlaðs fólks

Ósk bæjarfulltrúa Sigurbjargar Erlu Egilsdóttur um að lagður verði fram samningur um úttekt á málaflokki fatlaðs fólks.
Lagt fram.

Erindi frá bæjarfulltrúum

26.23041974 - Fyrirspurn bæjarfulltrúa Sigurbjargar Erlu Egilsdóttur um stöðu mála varðandi samkeppni um hönnun sundlaugar í Fossvogsdal

Fyrirspurn bæjarfulltrúa Sigurbjargar Erlu Egilsdóttur um stöðu mála varðandi samkeppni um hönnun sundlaugar í Fossvogsdal.
Bæjarráð vísar til afgreiðslu málsins í bæjarráði þann 9. febrúar s.l. þar sem málinu var vísað til gerðar fjárhagsáætlunar 2024.

Erindi frá bæjarfulltrúum

27.23041972 - Tillaga bæjarfulltrúa Sigurbjargar Erlu Egilsdóttur um að vinna að uppsetningu hundagerða í öllum hverfum bæjarins

Tillaga bæjarfulltrúa Sigurbjargar Erlu Egilsdóttur um að vinna að uppsetningu hundagerða í öllum hverfum bæjarins.
Bæjarráð vísar erindinu til umsagnar sviðsstjóra umhverfissviðs.

Erindi frá bæjarfulltrúum

28.23042028 - Ósk bæjarfulltrúa Sigurbjargar Erlu Egilsdóttur eftir upplýsingum um vorhreinsun í Kópavogi

Lögð fram ósk bæjarfulltrúa Sigurbjargar Erlu Egilsdóttur eftir upplýsingum um vorhreinsun í Kópavogi. Lagt fram svar við fyrirspurn bæjarfulltrúans.
Lagt fram.

Fundi slitið - kl. 11:39.