Kópavogsbær

Hannyrðaklúbburinn Kaðlín hittist alla miðvikudaga á 2. hæð aðalsafns. Heitt á könnunni og öll velkomin! Nánari upplýsingar veitir Gréta Björg Ólafsdóttir, gretabjorg@kopavogur.is Fylgist með í Facebook-hópnum Hannyrðaklúbburinn Kaðlín | Bókasafn Kópavogs.

Bókmenntaklúbburinn Hananú! hittist í Huldustofu á 3. hæð aðalsafns.  Annan hvern miðvikudag hittist á bókasafninu fremur siðprúður hópur fólks og ræðir hinar fögru orðlistir. Komið bara og gangið í bæinn, tölum um bækur – og Hananú! Fylgist með í Facebook-hópnum Bókmenntaklúbburinn Hananú | Bókasafn Kópavogs.

Í tilefni af gulum september og Geðræktarviku á Bókasafni Kópavogs mun Gleðismiðjan koma á Bókasafnið með hláturjóga. Stutt fræðsla, hláturjógaæfingar og fleira skemmtilegt. Viðburðurinn er hluti af geðræktarviku Bókasafns Kópavogs sem haldin er til að styðja við og vekja athygli á gulum september. Frítt er inn og öll velkomin meðan húsrúm leyfir.

Opnar skynjunarsögustundir fara fram seinasta miðvikudag mánaðar kl. 16 í barnadeild aðalsafns í september, október og nóvember. Eyrún Ósk leikari og rithöfundur og Gréta Björg munu lesa sögur fyrir börnin, þar sem þær leggja áherslu á skynjun með hljóðum, leikmunum og leikrænum tilburðum. Sögustundirnar eru öllum opnar meðan húsrúm leyfir og henta best börnum á aldrinum 0-5 ára. Verið velkomin í notalega sögustund. Skynjunarsögustundir eru partur af verkefninu Töfraheimur ævintýranna sem er styrkt af Barnamenningarsjóði.

Hvað er tónheilun? Allt í alheiminum er búið til úr titringi sem er einhver ákveðin tíðni. Tónheilunar hljóðfæri framkalla titring eða hljóðbylgjur sem eru í sömu tíðni og alheimsorkan og þannig tengjumst við alheimsorkunni og færum hana inn í líkamann. Þegar hljóðtíðnin flæðir í gegnum líkama okkar þá veldur hún því að frumurnar fara á hreyfingu. Hljómurinn fer inn í frumur okkar, kemur jafnvægi á þær og endurnýjar þær. Rannsóknir hafa sýnt fram á að hljóð hefur bein áhrif á líkamann, bæði andlega og líkamlega, Vala Sólrún Gestsdóttir Vala býr að menntun í tónlist sem víóluleikari og tónskáld útskrifuð með BA og meistaragráður frá LHÍ. Hún lærði Hljóðfræði og hljóðupptökur hjá SAE og síðar tónheilun hjá Acutonics bæði í Englandi. Það var heilsubrestur Völu sem leiddi hana inn í tónheilun en áhrifin spiluðu stóran þá íhennar eigin bata og innsæið sagði henni að gefa áfram það sem hún hafði öðlast með töfrum tónheilunar.

Eyrún Ósk leikari og rithöfundur og Gréta Björg munu lesa sögur fyrir börnin, þar sem þær leggja áherslu á skynjun og hvernig hægt er að vekja áhuga ungra barna á sögum og bókum.  Foreldramorgnar eru frábært tækifæri fyrir foreldra og ung börn þeirra til að hittast og eiga rólega stund saman á safninu. Fylgist með í Facebook-hópnum Foreldramorgnar | Bókasafn Kópavogs. 

40 ára útgáfuafmæli Rúnars Þórs ásamt hljómsveit og óvæntum gestum. Hljómsveit : Þórir Úlfarsson - Píanó, Rúnar Vilbergsson - Trommur, Örn Jónsson - Bassi, Tryggvi Hubner - GítarKynnir : Heimir Már Pétursson

Aðdáendaklúbbur Jane Austen boðar til viðburðar á Bókasafni Kópavogs: JANE AUSTEN OG ÁHRIF HENNAR   Brot úr ævisögu Jane eftir Clair Tomalin og rýni Helenu Kelly á verk hennar:Silja Aðalsteinsdóttir bókmenntafræðingur, ritstjóri og þýðandi. Að ganga í fótspor Jane Austen, frásögn og myndasýning:Kristín Linda Jónsdóttir sálfræðingur og formaður klúbbsins Pallborð, umræður og spjall:  Silja Aðalsteinsdóttir, Salka Guðmundsdóttir og Kristín Linda. Frítt inn og öll velkomin meðan húsrúm leyfir

Þriðja árið í röð bjóða framhaldsnemendur af söngdeild Tónlistarskóla FÍH til ljúfra hádegistónleika á Bókasafni Kópavogs. Tónleikarnir fara fram síðasta fimmtudag hvers mánaðar en þar stíga tónlistarstjörnur framtíðarinnar á stokk með spennandi blöndu af gömlu og nýju, lög sem öll þekkja í bland við sjaldheyrðari smelli. Flytjendur eru Agnes Sólmundsdóttir, Brynjólfur Skúlason og Guðrún Gígja. Tónleikarnir standa yfir í um hálfa klukkustund og eru öllum opnir á meðan húsrúm leyfir. Aðgangur ókeypis.   Agnes Sólmundsdóttir er söngkona og lagahöfundur frá Þingeyri í Dýrafirði. Þar hóf hún snemma tónlistarnám á fiðlu og píanó. Hún hefur tekið þátt í ýmsum tónlistarverkefnum í gegnum tíðina. Hún söng og spilaði á fiðlu með hljómsveitinni WAYWARD sem vann til verðlauna í Músíktilraunum árið 2017, var meðlimur Gospelkórs Jóns Vídalíns í 7 ár en síðustu ár hefur hún mikið starfað sem bakraddasöngkona t.a.m í þáttröðunum Kvöldstund með Eyþóri Inga á Stöð 2,  Tribute tónleikum RIGG viðburða "George Michael Sextugur", stórafmælistónleikum Herberts Guðmundssonar ofl. Agnes hóf nám í rytmískum söng við Tónlistarskóla FÍH árið 2022 og þar heillaðist hún mikið af djasstónlist. Hún lauk miðprófi haustið 2024 og er nú á framhaldsstigi. ‐---------- Brynjólfur Skúlason er söngvari frá Akureyri. Brynjólfur byrjaði ungur í píanó- og þverflautunámi en færði sig á unglingsaldri í söngnám. Eftir að hafa tekið pásu vegna háskólanáms hóf hann aftur söngnám við Tónlistarskólann á Akureyri. Þar lauk hann miðprófi í rytmískum söng vorið 2024 og leggur nú stund á framhaldsnám í söng við Tónlistarskóla FÍH. Brynjólfur hefur tekið þátt í ýmsum tónlistarverkefnum t.a.m. Upptaktinum í Hofi, FUSED á Græna Hattinum og fjölmörgum fleiri tónleikum og leiksýningum á Akureyri. -------- Guðrún Gígja er fjöllistamaður frá Reykjavík sem hefur verið að syngja og teikna í mörg ár. Hún hefur stundað nám í rytmískum söng við Tónlistarskóla  FÍH í tvö ár og stefnir á að taka miðprófið í söng í vor. Hún syngur og semur í rokk hljómsveitinni Kyrsu sem tók þátt í Músíktilraunum þetta sumar og hefur verið að spila á fullu síðan þá, og stefna á að gefa út EP plötu 30. október.

Opinn leikskóli Memmm býður foreldrum/forsjáraðilum og ungum börnum þeirra fjölskylduvæna aðstöðu til þess að leika og hitta aðrar fjölskyldur. Einnig geta fjölskyldur sótt fræðslu um málefni uppeldis og barna. Í opna leikskólanum er velkomið að mæta hvenær sem er á opnunartíma. Starfsfólk tekur vel á móti gestum. Þar geta foreldrar átt gæðastundir með börnum sínum í fallegu umhverfi en einnig tækifæri fyrir börnin að hitta jafnaldra sína og efla félagsþroska á þessum mótandi aldri.

Föstudaginn 26. september næstkomandi munu Kristinn Sigmundsson, Kolbeinn Ketilsson halda tónleika í Salnum. Á dagskránni verða íslensk og erlend sönglög úr ýmsum áttum eftir Sigvalda Kaldalóns, Eyþór Stefánsson, Franz Schubert, Hugo Wolf, Francesco Paolo Tosti og Richard Wagner. Kristinn Sigmundsson hefur haft söng að aðalstarfi síðan 1984. Fyrst hér heima, en frá árinu 1989 hefur hann að mestu starfað erlendis. Hann hefur komið fram í flestum stærstu óperuhúsum heims og hefur sungið á annað hundrað óperuhlutverka, þar á meðal flest stærstu bassahlutverk Wagners. Kolbeinn Ketilsson hefur sungið mörg veigamestu tenórhlutverk óperubókmenntanna, m.a. titilhlutverkin í Ævintýrum Hoffmanns, Don Carlo, Parsifal, Tristan, Rienzi, Tannhäuser og Lohengrin. Hann hefur starfað með mörgum þekktustu hljómsveitarstjórum heims, m.a. Antonio Pappano, Lorin Maazel, Kurt Masur, Kent Nagano og Zubin Metha. Auk þess að syngja í óperum kemur Kolbeinn einnig reglulega fram á tónleikum sem ljóðasöngvari og einsöngvari í hljómsveitarverkum. Matthildur Anna Gísladóttir lauk bakkalárnámi í píanóleik frá Listaháskóla Íslands. Þaðan lá leiðin í Royal Academy of Music í London þar sem hún lauk meistaranámi í meðleik árið 2009. Árið 2014 lauk Matthildur meistaranámi í óperuþjálfun frá Royal Conservatoire of Scotland (RCS). Þar var hún á fullum skólastyrk og hlaut James H. Geddes Repetiteur verðlaunin. Matthildur hefur komið fram á fjölda tónleika hérlendis sem erlendis og komið að óperuuppsetningum, m.a. hjá Kammeróperunni, Óperudögum, Íslensku óperunni, British Youth Opera, RCS, Scottish Opera og Lyric Opera Studio í Weimar. Matthildur starfar nú við tónlistardeild Listaháskóla Íslands.

Fríða Rún Þórðardóttir er næringarfræðingur á Landspítala, þar sem hún hefur starfað síðan 1998 eða síðan hún lauk námi frá Bandaríkjunum. Hún hefur sérhæft sig í sérfæði sjúklinga, ofnæmis- og óþolsfæði og fæði fyrir þá sem eiga erfitt með að tyggja og kyngja.  Hún skrifaði bókina Góð næring betri árangur í íþróttum og heilsurækt og heldur úti vefsíðunni Heilsutorg.is Fríða Rún er hlaupari frá unglingsaldri, hleypur sjálf og hefur þjálfað hlaupahóp Víkings í 10 ár. Hún er formaður Astma og ofnæmisfélags Íslands en hún er sjálf með astma og notar hreyfingu til að vinna bug á sínum sjúkdómi.  Fríða Rún hefur brennandi áhuga á því að tengja næringu og hreyfingu við bætta heilsu og betri líðan,  Erindið er hluti af geðræktarviku Bókasafns Kópavogs sem haldin er til að styðja við og vekja athygli á gulum september. Frítt er inn og öll velkomin meðan húsrúm leyfir.