Framkvæmdaráð

36. fundur 15. ágúst 2012 kl. 08:15 - 10:15 í Fannborg 2, fundarherbergi 3. hæð
Fundinn sátu:
  • Guðríður Arnardóttir aðalfulltrúi
  • Ármann Kristinn Ólafsson bæjarstjóri
  • Gunnar Ingi Birgisson aðalfulltrúi
  • Steingrímur Hauksson embættismaður
  • Ómar Stefánsson aðalfulltrúi
  • Ólafur Þór Gunnarsson áheyrnarfulltrúi
Fundargerð ritaði: Þuríður B. Sigurjónsdóttir, hdl skrifstofustjóri umhverfissviðs
Dagskrá

1.1207449 - Almannakór 11. Umsókn um lóð.

Lögð fram umsókn um lóð.

Framkvæmdaráð leggur til að Vigni Steinþórssyni og Lilju Björk Guðmundsdóttur verði úthlutað lóðinni Almannakór 11.

2.1208297 - Álmakór 23. Umsókn um lóð undir íbúðarhúsnæði

Lögð fram umsókn um lóð.

Málinu vísað til afgreiðslu bæjarráðs.

Guðríður Arnardóttir bókar: Mér finnst óeðlilegt að afgreiða málið þegar fyrrverandi lóðarhafi hefur ekki ritað undir afsal.

Ómar Stefánsson bókar: Það liggur fyrir að ekki er verið að fullnaðarafgreiða málið heldur vísa því til bæjarráðs/bæjarstjórnar, fyrir liggur að bærinn hefur greitt fyrir lóðina.

Ólafur Gunnarsson bókar: Mér finnst eðlilegt að málinu verði frestað.

Gunnar Birgisson: Um smáatriði er að ræða og lýsir best áherslum minnihlutans í bæjarstjórn.

Guðríður Arnardóttir: Það er gömul saga og ný að ég og Gunnar Birgisson höfum ekki sömu skoðanir, sem betur fer.

Gunnar Birgisson: Ef um slíkt væri að ræða myndi það leiða til mikils ófagnaðar.

 

3.1207612 - Þorrasalir 8. Örvasalir 8. Umsókn um lóð undir íbúðarhúsnæði

Lögð fram umsókn um lóð.

Framkvæmdaráð leggur til að Kára Kárasyni Þormar og Sveinbjörgu Halldórsdóttur verði úthlutað lóðinni Þorrasalir 8.

4.1208370 - Greiðsluyfirlit á úthlutuðum lóðum 2012

Lagt fram greiðsluyfirlit lóða 2012.

Afturköllun lóðarúthlutana.

Framkvæmdaráð leggur til afturköllun á úthlutun lóðanna Austurkór 133-141, Fróðaþing 7, Þorrasalir 13-15 og Austurkór 2 þar sem lóðagjöld hafa ekki verið greidd. Gunnar Birgisson sat hjá við afgreiðslu málsins að því er varðar Austurkór 133-141. Samþykkt að vísa til afgreiðslu bæjarráðs.

 

5.1203371 - Þorrasalir 13-15. Lóðarumsókn.

Lögð fram umsókn um lóð.

Lagt er til að Leigugörðum ehf. verið gefinn kostur á lóðinni Þorrasalir 13-15.

Guðríður Arnardóttir bókar: Situr hjá. Hefði talið eðlilegt að fresta útlutun á lóðinni á milli funda enda var lóðin afturkölluð á þessum sama fundi.

Ómar Stefánsson bókar: Aldrei var gengið formlega frá úthlutun þar sem lóðargjöld hafa ekki verið greidd. Dregið var á milli tveggja aðila og því eðlilegt að þessum aðila verði gefinn kostur á lóðinni.

Guðríður Arnardóttir: Ég er ekki að gera athugasemdir um hverjum verði gefinn kostur á lóðinni heldur hraða málsins.

6.1208368 - Hólmaþing 7 - kauptilboð

Lagt fram kauptilboð í Hólmaþing 7 sem auglýst hefur verið til sölu.

Gunnar Birgisson vék af fundi kl. 8.47 undir þessum lið.

Lagt er til að kauptilboðinu verði hafnað.

Gunnar Birgisson kom aftur til fundar kl. 08.59.

Guðríður Arnardóttir bókar: Það er ljóst að tilraun að selja lóðir í eigu bæjarins í gegnum fasteignasölu er ekki að skila sér í hærra verði á lóðunum. Undirrituð leggur til að lóðin Hólmaþing 7 verði auglýst á vef bæjarins og úthlutað eins og öðrum lóðum á uppsettu verði 19.9 m.kr.

Gunnar Birgisson: Leggur til að tillögu Guðríðar verði vísað til bæjarráðs.

Samþykkt með tveimur atkvæðum.

7.1208369 - Kársnesbraut - hraðamælingar

Lögð er fram tillaga um að Kópavogsbær kaupi færanlegt hraðamælingarskilti í þeim tilgangi að lækka umferðarhraða.

Samþykkt.

8.1010338 - Erindisbréf framkvæmdaráðs

Tillaga frá Guðríði Arnardóttur um breytingu á erindisbréfi framkvæmdaráðs.

Guðríður Arnardóttir bókar: Undirrituð leggur til að erindisbréfi framkvæmdaráðs verði breytt og lóðaúthlutanir fari fram í bæjarráði. Rökstuðningur: Það er ljóst að framkvæmdaráð fundar mun oftar en áætlanir gerðu ráð fyrir m.a. vegna lóðaúthlutana. Nú þegar hefur fundakvóti ársins 2012 klárast og kostnaður ráðsins því komin fram úr áætlunum. Með því að úthluta lóðum í bæjarráði, sem fundar vikulega, má fækka fundum framkvæmdaráðs um leið og gera úthlutanir lóða skilvirkari.

Gunnar Birgisson bókar: Þetta er ekki vettvangur til að afgreiða þessa tillögu og því eðlilegra að vísa henni til afgreiðslu bæjarráðs og bæjarstjórnar.

Ármann Kr. Ólafsson bókar: það er sérstakt ánægjuefni að kalla hafi þurft til margra funda í framkvæmdaráði, hefur það styrkt stöðu bæjarins að svona vel hafi gengið.

Guðríður Arnardóttir bókað: Það hlýtur að vera markmið að halda kostnaði við úthlutanir í lágmarki, ef okkur tekst að lágmarka kostnað við úthlutanir í bæjarráði hlýtur það að vera fagnaðarefni, líka fyrir Ármann.

Samþykkt að vísað til bæjarráðs og bæjarstjórnar.

Fundi slitið - kl. 10:15.