Bæjarráð

Hlusta

2580. fundur 27. janúar 2011 kl. 08:15 - 10:15 í Fannborg 2, Bæjarráðsherbergi

Fundargerð ritaði: Páll Magnússon bæjarritari

Dagskrá

1.1101017 - Sérnefnd vegna tilflutnings málefna fatlaðra 24/1

13. fundur

2.1101019 - Framkvæmdaráð 26/1

6. fundur

3.1101917 - Skólaakstur - útboð

Sbr. lið 4 í fundargerð framkvæmdaráðs, óskar framkvæmda- og tæknisvið eftir heimild til að bjóða út skólaakstur.

Bæjarráð staðfestir afgreiðslu framkvæmdaráðs og felur framkvæmdaráði og skólanefnd úrvinnslu málsins.

Gunnar Ingi Birgisson lagði fram eftirfarandi bókun:

"Ég hefði talið eðlilega röð að fagnefndir fjölluðu fyrst um málið og það færi þaðan til framkvæmdaráðs og til lokaafgreiðslu bæjarráðs. Það væri eðlileg stjórnsýsla.

Gunnar Ingi Birgisson"

Guðríður Arnardóttir lagði fram eftirfarandi bókun:

"Breyttir tímar!

Guðríður Arnardóttir"

4.1101918 - Ferðaþjónusta fatlaðra. Útboð.

Sbr. lið 5 í fundargerð framkvæmdaráðs, óskar framkvæmda- og tæknisvið eftir heimild til að bjóða út ferðaþjónustu fatlaðra.

Bæjarráð staðfestir afgreiðslu framkvæmdaráðs og felur framkvæmdaráði og félagsmálaráði úrvinnslu málsins.

5.1101867 - Stjórn Slökkviliðs höfuðborgarsvæðisins 21/1

97. fundur

6.1101806 - Fyrirspurn um lánalínur og yfirdrátt

Frá bæjarstjóra, svör við fyrirspurnum Gunnars Inga Birgissonar á fundi bæjarráðs 20/1.

Lagt fram.

Gunnar Ingi Birgisson óskaði bókað að hann þakkar fyrir svarið.

7.1101423 - Innheimtureglur Kópavogsbæjar

Mál sem frestað var á fundi bæjarráðs 20/1, sbr. lið 21 í fundargerð.

Bæjarráð samþykkir drög að innheimtureglum.

8.810412 - Kórsalir 5. Vanefndir seljanda, frágangur, lokaúttekt.

Mál sem frestað var á fundi bæjarráðs 20/1, sbr. lið 30 í fundargerð.

Bæjarráð samþykkir tillögu að svari.

9.1012239 - Verkfallslistar 2011

Frá starfsmannastjóra, dags. 26/1, óskað samþykkis á auglýsingu um skrá yfir þau störf hjá Kópavogsbæ, sem eru undanskilin verkfallsheimild.

Bæjarráð vísar málinu til starfsmannastjóra til afgreiðslu.

10.909258 - Framkvæmdir við félags-, fræðslu- og þjónustuhús í Guðmundarlundi.

Frá sviðsstjóra framkvæmda- og tæknisviðs, dags. 24/1, umsögn, sem bæjarráð óskaði eftir á fundi sínum 16/12, varðandi styrkbeiðni Skógræktarfélags Kópavogs.

Bæjarráð frestar afgreiðslu erindisins.

11.1101159 - Umhverfi og aðgengi við leikskólann Kópahvol og innleiðing vistvænni ferðamáta í Kópavogi

Frá sviðsstjóra framkvæmda- og tæknisviðs, dags. 26/1, umsögn sem bæjarráð óskaði eftir á fundi sínum 13/1, varðandi aðgengi o.fl. við leikskólann Kópahvol.

Bæjarráð samþykkir tillögur um aðgerðir sem koma fram í umsögninni.

12.1101924 - Sörlaholt 6. Flutningur á hesthúsi.

Frá skrifstofustjóra framkvæmda- og tæknisviðs, dags. 26/1, umsögn um erindi vegna flutnings á hesthúsi.
Lagt er til að bæjarráð heimili fyrrum eigendum hússins Sörlaholt 6 að fjarlægja húsið, þó ekki fyrr en 20. júní 2011, enda afli þeir allra tilskilinna leyfa í því sambandi s.s. frá heilbrigðiseftirliti og byggingarfulltrúa.

Bæjarráð samþykkir tillögu skrifstofustjóra framkvæmda- og tæknisviðs.

13.1101078 - Upplýsingar um atvinnulausa

Mál sem frestað var á fundi bæjarráðs 20/1, sbr. lið 22 í fundargerð.

Atvinnuráðgjafar mættu á fundinn og gerðu grein fyrir upplýsingum um atvinnuleysi.

Una María Óskarsdóttir lagði fram eftirfarandi bókun:

"Það er miður að ákvörðun hafi verið tekin um að afnema frí bókasafns- og líkamsræktarkort fyrir atvinnulausa í Kópavogi sem þeim hefur gefist kostur á að nýta sér.

Fram hefur komið að atvinnufulltrúar Kópavogs segja að mikil ánægja og góð nýting hafi verið með þessa góðu þjónustu. Því er augljóst að þessi hvatning til líkamsræktar og annarrar afþreyingar skipti miklu máli til þess að létta undir með atvinnulausum.

Ég vil því gera það að tillögu minni að bæjaryrifvöld endurskoði þá ákvörðun og búi betur að atvinnulausum hvað þetta varðar.

Una María Óskarsdóttir"

Bæjarráði var ekki kunnugt um málið og óskar eftir að félagsmálastjóri mæti á næsta fund ráðsins vegna málsins.

14.1101930 - Æskulýðsrannsóknirnar Ungt fólk 2011-2016

Frá mennta- og menningarmálaráðuneytinu, dags. 20/1, upplýsingar um hvernig framkvæmd æskulýðsrannsóknanna ""Ungt fólk"" er háttað.

Bæjarráð vísar erindinu til frístunda- og forvarnanefndar.

15.1101959 - Frumvarp til laga um breytingar á skipulagslögum, 113. mál. Óskað umsagnar

Frá nefndasviði Alþingis, dags. 26/1, óskað umsagnar um frumvarp til laga um breytingu á skipulagslögum (skilvirkari afgreiðsla aðalskipulags), 113. mál.

Bæjarráð vísar erindinu til sviðsstjóra umhverfissviðs til umsagnar.

16.1101935 - Arnarsmári 36 - innheimta fasteignagjalda

Frá KS Verktökum hf., dags. 20/1, varðandi fasteignagjöld af Arnarsmára 36.

Bæjarráð vísar erindinu til bæjarritara til umsagnar.

17.1010192 - Rjúpnahæð vesturhluti, breytt aðalskipulag.

Frá íbúum Austurkórs 24, dags. 24/1, athugasemd við tillögu að breyttu deiliskipulagi og aðalskipulagi.

Bæjarráð vísar erindinu til skipulagsnefndar til úrvinnslu.

18.1101938 - Skil á hesthúsalóð, Hlíðarenda 2

Frá Lindu Bentsdóttur, dags. 21/1, hesthúsalóðinni Hlíðarenda 2 skilað inn.

Lagt fram.

19.1101872 - Almannakór 9. Lóðarumsókn.

Sigurður Sveinbjörn Gylfason og Jórunn Jónsdóttir sækja um lóðina Almannakór 9.

Bæjarráð samþykkir að gefa Sigurði Sveinbirni Gylfasyni og Jórunni Jónsdóttur kost á byggingarrétti lóðarinnar Almannakór 9.

20.1101726 - Nýtt skipurit

Guðrún Pálsdóttir, bæjarstjóri, gerði grein fyrir uppsögnum starfsmanna í kjölfar skipulagsbreytinga í stjórnsýslu bæjarins.

Gunnar Ingi Birgisson lagði fram eftirfarandi fyrispurn:

"a) Hver er heildarsparnaður í rekstri vegna uppsagna 12 starfsmanna, sundurgreint eftir störfum, annars vegar á árinu 2011 og hins vegar á árinu 2012?

b) Nú er lagt niður starf sviðsstjóra tómstunda- og menningarsviðs. Hvernig er staða ráðningarsamnings bæjarstjóra, þar sem eru ákvæði um að hún geti horfið til síns gamla starfs, þegar og ef hún hættir sem bæjarstjóri?

Gunnar Ingi Birgisson"

21.11011013 - Fyrirspurn bæjarfulltrúa

Ármann Kr. Ólafsson lagði fram eftirfarandi fyrirspurn:

"1. Hversu háar eru heildarlaunagreiðslur í stjórnsýslu Kópavogsbæjar?

2. Hversu háar eru launagreiðslur fyrir yfirvinnu í stjórnsýslu Kópavogsbæjar?

3. Hvað er verið að spara mikið með uppsögnum starfsfólks í stjórnsýslu Kópavogs?

4. Hversu mikill er sparnaður í yfirvinnu hjá starfsfólki í stjórnsýslu Kópavogsbæjar? Undanskilja skal yfirvinnu þeirra sem þegar hefur verið sagt upp störfum.

Svar óskast á næsta fundi bæjarráðs.

Ármann Kr. Ólafsson"

22.1012007 - Fyrirspurn um útboð