Bæjarráð

Frá deildarstjóra framkvæmdadeildar, dags. 28. apríl, lagt fram erindi þar sem óskað er eftir heimild til að bjóða út í opnu útboði gatnagerð við Álfhólsveg 15-41.

Frá deildarstjóra framkvæmdadeildar, dags. 28. apríl, lagðar fram niðurstöður tilboða í verkið "Skólaakstur og rammasamningar um hópferðaþjónustu fyrir Kópavogsbæ 2015-2019". Lagt til að gengið verði samninga við Teitur Jónasson ehf. um verkhlut 1 (skólaakstur) og um verkhluta 2 og 3 (vettvangsferðir og annar akstur) verði leitað samninga við Hópferðamiðstöðina TREX ehf., Teitur Jónasson ehf., og Hópbíla hf.

Frá lögfræðideild, dags. 21. apríl, lögð fram umsókn Kópavogsbæjar, kt. 700169-3759, um tækifærisleyfi vegna stórafmælis Kópavogs fyrir allt að 10.000 manns sunnudaginn 10. maí 2015, frá kl. 14:00-19:00, í íþróttahöllinni Kórnum, Vallakór 12, 203 Kópavogi skv. 17. gr. laga nr. 85/2007 um veitingastaði, gististaði og skemmtanahald og 27. gr. rgl. nr. 585/2007. Ábyrgðarmaður er Ármann Kr. Ólafsson, kt. 170766-5049 og um öryggisgæslu annast Bjarni Knútsson, kt. 160577-4799.
Samkvæmt 1. tl. 4. mgr. 10. gr. laga nr. 85/2007 staðfesta sveitarstjórnir sem umsagnaraðilar að afgreiðslutími og staðsetning staðar sem umsókn lýtur að sé innan þeirra marka sem reglur og skipulag sveitarfélagsins segja til um.

Frá deildarstjóra ráðgjafa- og íbúðadeildar, dags. 21. apríl, svar við fyrirspurn frá Pétri Hrafni Sigurðssyni á fundi bæjarráðs 16. apríl 2015.

Frá innanríkisráðuneyti, dags. 22. apríl, lagt fram bréf vegna skila á ársreikningi 2014 og áréttað að honum skuli lokið eigið síðar en 15. maí ár hvert og skilað í gegnum vefskilakerfi Hagstofu Íslands, ásamt skýrslu endurskoðenda.

Frá Matthíasi Baldurssyni Harksen, dags. 23. apríl, lagt fram bréf þar sem óskað er eftir styrk vegna þátttöku á Ólympíuleikum í eðlisfræði á Indlandi.

Frá innanríkisráðuneyti, dags. 27. apríl, lagt fram bréf þar sem tilkynnt er um endanlegt framlag úr Jöfnunarsjóði sveitarfélaga vegna nýbúafræðslu á fjárhagsárinu 2015.

Frá atvinnuveganefnd Alþingis, dags. 24. apríl, lagt fram bréf þar sem óskað er umsagnar um frumvarp til laga um stjórn veiða á Norðaustur-Atlantshafsmakríl (tímabundnar aflaheimildir), 691. mál (stjórnarfrumvarp)

Frá atvinnuveganefnd Alþingis, dags. 24. apríl, lagt fram bréf þar sem óskað er umsagnar um frumvarp til laga um veiðigjöld, 692. mál (stjórnarfrumvarp).

Frá allsherjar- og menntamálanefnd Alþingis, dags. 22. apríl, lagt fram bréf þar sem óskað er umsagnar um frumvarp til laga um verndarsvæði í byggð, 629. mál (stjórnarfrumvarp).

Frá heilbrigðiseftirliti, dags. 17. apríl, lögð fram umsögn heilbrigðiseftirlits Hafnarfjarðar- og Kópavogssvæðis um umsókn Kópavogsbæjar um tímabundið tækifæris- og áfengisleyfi vegna árshátíðar bæjarins.

Frá svæðisskipulagsnefnd SSH, dags. 21. apríl, lögð fram til staðfestingar þróunaráætlun höfuðborgarsvæðisins fyrir árin 2015-2018. Þróunaráætlunin er send til afgreiðslu hjá sveitarfélögum áður en tillaga að nýju svæðisskipulagi höfuðborgarsvæðisins verður send Skipulagsstofnun.

Aðalfundur Kvenfélagasambands Kópavogs í 7. liðum.

1390. fundur félagsmálaráðs í 8. liðum.

Frá deildarstjóra ráðgjafa- og íbúðadeildar, dags. 21. apríl, lagt fram erindi varðandi hækkun starfslauna í Fjölsmiðjunni. Félagsmálaráð samþykkti á fundi sínum þann 20.04.2015 breytingu á upphæð starfsþjálfunarstyrks nema í Fjölsmiðjunni, áætluð hækkun nemur um kr. 138.000 á ári.

Sótt er um 150 tíma í stuðningsþjónustu til viðbótar, vegna aukinnar umönnunar ungmennis. Umsókn um viðbótarþjónustu er vísað til afgreiðslu félagsmálaráðs, sbr. reglur velferðarsviðs.
Umrædd beiðni rúmast ekki innan fjárhagsramma þeirrar áætlunar sem til staðar er um liðveislu, sbr. 2. gr. reglna um stuðningsþjónustu við fatlað fólk, en þar segir að þjónusta sé háð fjárhagsáætlun.
Fjárhagsáætlun fyrir yfirstandandi ár gerir ráð fyrir 179,5 milljónum og hafa á undanförnum fjórum árum verið lagðar til þjónustunnar 18,5 milljónir á ári að meðaltali til aukningar. Félagsmálaráð telur að þrátt fyrir að starfsmenn hafi beitt bæði nákvæmni og varúð við úthlutun þjónustu þá skorti enn fjármagn til að verða við beiðnum um úrræði. Í ljósi þess óskar félagsmálaráð eftir því við bæjarráð að brugðist verði við svo þjónusta megi umræddan ungling. Jafnframt leggur félagsmálaráð áherslu á að sú endurskoðun sem stendur yfir vegna heildarkostnaðar yfirfærslu málaflokksins skili sér í auknu fjármagni til sveitarfélagsins, enda byggir þjónusta við fatlað fólk að mestu leyti á framlagi ríkisins.

27. fundur forvarna- og frístundanefndar í 3. liðum.

28. fundur forvarna- og frístundanefndar í 19. liðum.

85. fundur skólanefndar í 6. liðum.

216. fundur stjórnar Strætó bs. í 1. lið.