Bæjarráð

Kynning á niðurstöðum Kópavogsbæjar úr könnun á þjónustu sveitarfélaga 2018.

Kynning á niðurstöðum nýlegrar viðhorfskönnunar um gæði matar og þjónustu til eldri borgara sem bæjarráð óskaði eftir á fundi sínum þann 31. janúar sl.

Frá lögfræðideild, dags. 4. febrúar, lagt fram bréf Sýslumannsins á höfuðborgarsvæðinu, dags. 8. janúar, þar sem óskað er umsagnar um umsókn Braggapizzu ehf., kt. 441102-3050, um rekstrarleyfi fyrir veitingastað í flokki II, að Bæjarlind 2, 201 Kópavogi, skv. 10. gr. laga nr. 85/2007 um veitingastaði, gististaði og skemmtanahald, sbr. 26. gr. reglugerðar nr. 1277/2016. Samkvæmt 1. tl. 4. mgr. 10. gr. laga nr. 85/2007 skal sveitarstjórn, sem umsagnaraðili, staðfesta að afgreiðslutími og staðsetning staðar sem umsókn lýtur að sé innan þeirra marka sem reglur og skipulag sveitarfélagsins segja til um.

Frá deildarstjóra gatnadeildar, dags. 12. febrúar, lagt fram erindi þar sem óskað er heimildar bæjarráðs til að bjóða út í opnu útboði rammasamninga fyrir þjónustu verktaka fyrir umhverfissvið Kópavogsbæjar.

Frá verkefnastjóra gatnadeildar, dags. 5. febrúar, lagðar fram tillögur um laun og vinnutíma ungmenna í Vinnuskóla Kópavogs sumarið 2019.

Frá verkefnastjóra gatnadeildar, dags. 7. febrúar, lagðar fram tillögur um fyrirkomulag og þátttökugjald vegna Skólagarða árið 2019.

Frá Lánasjóði sveitarfélaga, dags. 11. febrúar, lögð fram auglýsing eftir framboðum í stjórn Lánasjóðs sveitarfélaga. Tilnefningar skulu berast í síðasta lagi 4. mars nk.

Frá velferðarnefnd Alþingis, dags. 7. febrúar, lögð fram til umsagnar tillaga til þingsályktunar um heilbrigðisstefnu til ársins 2030 (stjórnartillaga).

Frá velferðarnefnd Alþingis, dags. 6. febrúar, lagt fram til umsagnar frumvarp til laga um breytingu á ýmsum lögum vegna laga um persónuvernd og vinnslu persónuupplýsinga (stjórnarfrumvarp).

Frá Nordjobb á Íslandi, dags. 1. febrúar, lagt fram erindi um þátttöku í verkefninu sumarið 2019 þar sem óskað er eftir að bærinn ráði ungt fólk frá hinum Norðurlöndunum til sumarstarfa.

Frá Hafnarbyggð ehf., dags. 7. febrúar, lagt fram erindi um lækkun gatnagerðargjalda á grundvelli 7. gr. bæjarmálasamþykktar Kópavogs.

Fundargerð í 1. lið.

Fundargerð í 4. liðum.

Fundargerð í 8. liðum.

Fundargerð í 4. liðum.

Fundargerð í 5. liðum.

Tillaga frá bæjarfulltrúum Sjálfstæðisflokks og Framsóknarflokks: Bæjarráð samþykkir að skipa starfshóp um stöðu á húsnæðismarkaði. Starfshópurinn hafi til hliðsjónar skýrslu þverpólitísks hóps um sama efni á síðastliðnu kjörtímabili. Hópurinn verði skipaður einum fulltrúa frá hverju framboði, sem sæti á í bæjarstjórn, auk bæjarstjóra sem verði formaður hópsins.