Bæjarráð

Frá bæjarlögmanni, dags. 9. september, lögð fram umsókn um lóðina Tónahvarf 12 frá Byggingarfélaginu Bestlu ehf. Lagt er til að bæjarráð samþykki úthlutun lóðarinnar til umsækjanda.

Frá sviðsstjóra umhverfissviðs, dags. 9. september, lagt fram erindi þar sem óskað er heimildar bæjarráðs til niðurrifs Fífuhvamms 20. Bæjarráð frestaði afgreiðslu málsins á fundi sínum þann 22. ágúst.

Frá sviðsstjóra umhverfissviðs, dags. 10. september, lagt fram erindi um stöðu framkvæmda við verk sem voru kosin inn í verkefnið Okkar Kópavogur 2018-2019.

Frá sviðsstjóra umhverfissviðs, dags. 9. september, lögð fram umsögn um tillögu sem barst í bæjarráði þann 23. maí sl. um að Kópavogsbær kolefnisjafni ferðir starfsfólks á vinnutíma jafnt innanlands og utanlands.

Frá sviðsstjóra umhverfissviðs, dags. 9. september, lögð fram umsögn um tillögu sem barst á fundi bæjarráðs þann 23. maí sl. um að Kópavogsbær skilgreini svæði fyrir skógrækt þar sem bæjarbúar geti gróðursett tré til að vinna gegn eigin kolefnisspori og grætt upp örfoka land á sama tíma þar sem tillaga var um nýtingu ógróins svæðis milli Lækjarbotna og Bláfjallaafleggjara. Einnig lagðar fram nánari skýringar með usmögn frá sviðsstjóra umhverfissviðs dags. 10. september.

Frá deildarstjóra gatnadeildar, dags. 9. september, lagðar fram niðurstöður útboðs á vetrarþjónustu stofnleiða í Kópavogi 2019-2022. Lagt er til við bæjarráð að leitað verði samninga við lægstbjóðanda Íslenska gámafélagið um verkið.

Frá framkvæmdastjóra Sorpu, dags. 4. september, lagt fram svar við fyrirspurn um lögfræðikostnað vegna Sorpu sem barst á fundi bæjarráðs þann 22. ágúst sl.

Frá samgöngu- og sveitarstjórnarráðuneyti, dags. 3. september, lögð fram til umsagnar drög að nýjum reglum um fjárhagslegan stuðning Jöfnunarsjóðs sveitarfélaga til að greiða fyrir sameiningu sveitarfélaga, sem hafa verið birtar í samráðsgátt stjórnvalda.

Frá samgöngu- og sveitarstjórnarráðuneyti, dags. 5. september, lögð fram tilkynning um ný fylgiskjöl sem hafa bæst við tillögu til þingsályktunar um stefnu í málefnum sveitarfélaga í samráðsgátt Stjórnarráðsins.

Frá Ungmennasambandi Kjalarnessþings, dags. 20. ágúst, lagt fram erindi um samstarf við Kópavogsbæ, Breiðablik, HK og Gerplu vegna Íþróttaveislu UMFÍ 2020 sem yrði haldin í Kópavogi, ásamt drögum að samstarfssamningi aðila.

Frá leikfélagi Kópavogs, dags. 27. ágúst, lagður fram reikningur vegna árlegs styrks bæjarins til leikfélagsins skv. rekstrar- og samstarfssamningi þar um, ásamt reikningum félagsins og skýrslu stjórnar fyrir liðið leikár.

Frá Mörtu Svavarsdóttur, dags. 6. september, lagt fram erindi þar sem óskað er eftir leyfi fyrir staðsetningu matarvagns á bæjarlandi í Ögurhvarfi.

Fundargerð í 11 liðum

Fundargerð í 6 liðum.

Fundargerð í 1 lið.

Fundargerð í 2 liðum.

Fundargerð í 2 liðum.

Fundargerð í 19 liðum.

Fundargerð í 38 liðum.

Fundargerð í 8 liðum.