Bæjarstjórn

1198. fundur 11. júní 2019 kl. 16:00 - 17:55 í bæjarstjórnarsal, Hábraut 2
Fundinn sátu:
  • Ármann Kristinn Ólafsson aðalfulltrúi
  • Margrét Friðriksdóttir aðalfulltrúi
  • Karen E. Halldórsdóttir aðalfulltrúi
  • Jón Finnbogason varafulltrúi
  • Andri Steinn Hilmarsson varafulltrúi
  • Theódóra S Þorsteinsdóttir aðalfulltrúi
  • Einar Örn Þorvarðarson aðalfulltrúi
  • Elvar Páll Sigurðsson varafulltrúi
  • Bergljót Kristinsdóttir aðalfulltrúi
  • Baldur Þór Baldvinsson varafulltrúi
  • Sigurbjörg Erla Egilsdóttir aðalfulltrúi
Starfsmenn
  • Páll Magnússon bæjarritari
Fundargerð ritaði: Páll Magnússon bæjarritari
Dagskrá
Í fjarveru 1. varaforseta og 2. varaforseta lagði forseti til að starfsaldursforseti bæjarstjórnar, Ármann Kr. Ólafsson, sinnti störfum varaforseta á fundinum. Var það samþykkt með 11 atkvæðum.
Hlé var gert á fundi kl. 17.11. Fundi var fram haldið kl. 17.40.

Önnur mál fundargerðir

1.1905022F - Bæjarráð - 2960. fundur frá 06.06.2019

Fundargerð í 25 liðum.
Lagt fram.
  • 1.6 1903904 Tónahvarf 12. Umsókn um lóð undir atvinnuhúsnæði
    Frá bæjarlögmanni, dags. 24. maí, lögð fram umsókn frá Fagmóti ehf., kt. 441007-1320 um lóðina Tónahvarf 12. Lagt er til að bæjarráð samþykki úthlutun lóðarinnar til umsækjanda. Niðurstaða Bæjarráð - 2960 Bæjarráð samþykkir með fimm atkvæðum að leggja til við bæjarstjórn að úthluta lóðinni Tónahvarfi 12 til Fagmóts ehf. Niðurstaða Umsækjandi dró umsókn sína til baka og ekki þörf á afgreiðslu málsins.
  • 1.8 1905566 Borgarholtsbraut 19. Kársnes ehf. Umsagnarbeiðni vegna umsóknar um tækifærisleyfi
    Frá lögfræðideild, dags. 28. maí, lögð fram umsögn um umsókn Kársness ehf., kt. 560119-2830, um tímabundið áfengisleyfi vegna hátíðarhalda þann 17. júní 2019 frá kl. 12:00-22:00, í Brauðkaup bakaríi að Borgarholtsbraut 19, Kópavogi, skv. 17. gr. laga nr. 85/2007 um veitingastaði, gististaði og skemmtanahald og 30. gr. rgl. nr. 1277/2016. Samkvæmt 1. tl. 4. mgr. 10. gr. laga nr. 85/2007 staðfestir sveitarstjórn sem umsagnaraðili að afgreiðslutími og staðsetning staðar sem umsókn lýtur að sé innan þeirra marka sem reglur og skipulag sveitarfélagsins segja til um. Niðurstaða Bæjarráð - 2960 Bæjarráð samþykkir með fjórum atkvæðum gegn atkvæði Birkis Jóns Jónsonar að veita jákvæða umsögn um umsókn Kársness ehf. um tímabundið áfengisleyfi. Niðurstaða Bæjarstjórn staðfestir afgreiðslu bæjarráðs með 10 samhljóða atkvæðum. Ármann Kr. Ólafsson greiddi ekki atkvæði.

Önnur mál fundargerðir

2.1905020F - Afgreiðslur byggingarfulltrúa - 268. fundur frá 23.05.2019

Fundargerð í 12 liðum.
Bæjarstjórn samþykkir afgreiðslur byggingarfulltrúa með 11 atkvæðum.

Önnur mál fundargerðir

3.1905019F - Forsætisnefnd - 139. fundur frá 06.06.2019

Fundargerð í 4 liðum.
Lagt fram.
  • 3.1 16091082 Notendaráð vegna málefna fatlaðs fólks
    Lögð fram drög að erindisbréfi notendaráðs vegna málefna fatlaðs fólks sem velferðarráð samþykkti fyrir sitt leyti og vísaði til bæjarráðs. Bæjarráð vísaði málinu til forsætisnefndar á fundi sínum þann 13. maí sl. Niðurstaða Forsætisnefnd - 139 Forsætisnefnd samþykkir erindisbréfið með áorðnum breytingum. Niðurstaða Bæjarstjórn samþykkir með 11 atkvæðum að fresta afgreiðslu málsins.
  • 3.3 1906196 Siðareglur kjörinna bæjarfulltrúa og stjórnenda hjá Kópavogsbæ
    Á fundi sínum þann 12. júní 2018 fól bæjarstjórn forsætisnefnd að fara yfir gildandi siðareglur og gera tillögu til bæjarstjórnar um staðfestingu þeirra eða tillögur til breytinga. Forsætisnefnd fól bæjarritara að afla upplýsinga hjá Sambandi íslenskra sveitarfélaga um hvort siðanefnd myndi gefa frekari leiðbeiningar til nýkjörinna sveitarstjórna við gerð siðareglna. Lagt fram svar frá sambandinu varðandi stöðu á vinnu siðanefndar sambandins við gerð leiðbeininga til sveitarstjórna. Niðurstaða Forsætisnefnd - 139 Forsætisnefnd leggur til við bæjarstjórn að siðareglurnar verði staðfestar óbreyttar. Niðurstaða Bæjarstjórn frestar afgreiðslu málsins með 11 atkvæðum og skorar á siðanefnd Sambands íslenskra sveitarfélaga að skila af sér leiðbeiningum til sveitarfélaga varðandi endurskoðun siðareglna.

Önnur mál fundargerðir

4.1905003F - Hafnarstjórn - 111. fundur frá 13.05.2019

Fundargerð í 2 liðum.
Lagt fram.

Önnur mál fundargerðir

5.1905799 - Fundargerð 246. fundar Heilbrigðisnefndar Hafnarfjarðar- og Kópavogssvæðis frá 27.05.2019

Fundargerð í 32 liðum.
Lagt fram.

Önnur mál fundargerðir

6.1904010F - Lista- og menningarráð - 101. fundur frá 23.05.2019

Fundargerð í 3 liðum.
Lagt fram.

Önnur mál fundargerðir

7.1905012F - Skipulagsráð - 53. fundur frá 03.06.2019

Fundargerð í 11 liðum.
Lagt fram.
  • 7.3 1904536 Kársnesskóli. Deiliskipulag.
    Lögð fram tillaga Batterísins - arkitekta að deiliskipulagi fyrir nýbyggingu Kársnesskóla við Skólagerðis. Deiliskipulagssvæðið afmarkast af húsagötunni Skólagerði og lóðarmörkum Skólagerðis 6 til suðurs, lóðarmörkum Skólagerðis 10 og Holtagerði 33 til vesturs, húsagötunni Holtagerði til norðurs og lóðarmörkum Holtagerðis 15, Hófgerðis 12, 14, 16 til austurs. Áætlað er að fyrirhuguð nýbygging verði um 5.500 m2 að flatarmáli og að meginbyggingin verði á tveimur hæðum en þrjár hæðir að hluta. Í skólabyggingunni verður samrekinn leik- og grunnskóli ásamt frístund fyrir um 400 nemendur. Miðað er við að aðkoma verði frá Skólagerði og Holtagerði.
    Tillagan er sett frá á uppdrætti í mkv. 1:1000 ásamt greinargerð, skýringarmynum og umhverfismati dags. maí 2019.     Niðurstaða Skipulagsráð - 53 Skipulagsráð samþykkir að framlögð tillaga verði auglýst með tilvísan í 1. mgr. 43. gr. skipulagslaga nr. 123/2010. Vísað til afgreiðslu bæjarráðs og bæjarstjórnar. Niðurstaða Bæjarstjórn staðfestir afgreiðslu skipulagsráðs með 11 atkvæðum.
  • 7.4 1905198 Melgerði 21. Kynning á byggingarleyfi.
    Lagt fram að nýju erindi Eiríks Vignis Pálsonar byggingafræðings fh. lóðarhafa Melgerði 21, efri hæð, dags. 3. maí 2019. Í erindinu er óskað eftir leyfi til að yfirbyggja 21,1 m2 svalir á norðurhlið hússins og bæta við 4,8 m2 svölum á suðurhlið auk þess að breyta innra skipulagi hússins. Uppdrættir í mkv. 1:100 og 1:500 dags. 3. maí 2019. Á fundi skipulagsráðs 20. maí 2019 var samþykkt með tilvísan til 44. gr. skipulagslaga nr. 123/2010 að tillagan verði grenndarkynnt fyrir lóðarhöfum Melgerðis 19, 23, Vallargerðis 20, 22 og 24. Grenndarkynning var send til lóðarhafa 22. maí 2019 með tilgreindum athugasemdafresti til 26. júní 2019. Lóðarhafi Melgerði 21, efri hæð, skilaði inn undirrituðu samþykki allra ofangreindra lóðarhafa 28. maí 2019 og er því kynningartími styttur. Niðurstaða Skipulagsráð - 53 Skipulagsráð samþykkir framlagt erindi. Vísað til afgreiðslu bæjarráðs og bæjarstjórnar. Niðurstaða Bæjarstjórn staðfestir afgreiðslu skipulagsráðs með 11 atkvæðum.
  • 7.6 1904813 Hrauntunga 1. Kynning á byggingarleyfi.
    Lagt fram að lokinni kynningu erindi Atla Jóhanns Guðbjörnssonar byggingarfræðings dags. 23. mars 2019 f.h. lóðarhafa Hrauntungu 1 þar sem óskað er eftir að reisa 70.1 m2 viðbygging við norðurhlið á 1. hæð hússins. Fyrir breytingu er íbúðin á 1. hæð 99, m2 en með viðbyggingu verður íbúðin 170,6 m2. Á fundi skipulagsráðs 29. apríl 2019 var samþykkt að grenndarkynna með tilvísan til 44. gr. skipulagslagan nr. 123/2010 framlagða tillögu fyrir lóðarhöfum Hrauntungu 3 og Vogatungu 8-18 (jafnartölur). Uppdrættir í mkv. 1:100 og 1:500 dags. 23. mars 2019. Athugasemdafresti lauk 3. júní 2019. Engar athugasemdir eða ábendingar bárust. Niðurstaða Skipulagsráð - 53 Skipulagsráð samþykkir framlagt erindi. Vísað til afgreiðslu bæjarráðs og bæjarstjórnar. Niðurstaða Bæjarstjórn staðfestir afgreiðslu skipulagsráðs með 11 atkvæðum.
  • 7.9 1905806 Vesturvör. Framkvæmdaleyfi.
    Lagt fram erindi framkvæmdadeildar Umhverfissviðs Kópavogsbæjar þar sem óskað er eftir framkvæmdaleyfi vegna framkvæmda á götum við Vesturvör ofan við Naustavör. Í verkinu felst að gera hringtorg á gatnamótum Naustavarar og Vesturvarar, gera undirgöng undir Vesturvör vestan við hringtorg, breikkun Vesturvarar til austurs og lengingu á húsagötunni Litluvör til vesturs að fyrirhuguðu hringtorgi. Áætlað er að framkvæmdum verði lokið í júlí 2020. Í greinargerðinni: Vesturvör, naustavör og Litlavör. Gatnagerð, lagnir og undirgöng útboðsteikningar kemur fram afmörkun framkvæmdasvæðisins sem og öll hönnunargögn dags. í maí 2019.

     Niðurstaða Skipulagsráð - 53 Skipulagsráð samþykkir framlagt erindi. Vísað til afgreiðslu bæjarráðs og bæjarstjórnar. Niðurstaða Bæjarstjórn staðfestir afgreiðslu skipulagsráðs með 11 atkvæðum.
  • 7.10 1905807 Silfursmári. Framkvæmdaleyfi.
    Lagt fram erindi framkvæmdadeildar Umhverfissviðs Kópavogsbæjar þar sem óskað er eftir framkvæmdaleyfi vegna framkvæmda við lagningu Silfursmára frá Hæðasmára að Smárahvammsvegi að undanskyldum yfirborðsfrágangi. Í framkvæmdinni felst að núverandi gata Hagasmári milli Hæðasmára og Smárahvammsvegar verður lögð niður og ný gata Silfursmári gerð í stað hennar og núverandi umferðaljós á Smárahvammsvegi við Hagasmára verða lögð niður. Áætlað er að endanlegur frágangur við götuna verði á árunum 2021-22 þegar framkvæmdum við byggingar á aðliggjandi reitum verða að mestu lokið. Í greinargerðinni Silfursmári - gatnagerð og lagnir kemur afmörkun framkvæmdasvæðisins fram sem og öll hönnunargögn. Er greinargerðin dags. í apríl 2019.
     Niðurstaða Skipulagsráð - 53 Skipulagsráð samþykkir framlagt erindi. Vísað til afgreiðslu bæjarráðs og bæjarstjórnar. Niðurstaða Bæjarstjórn staðfestir afgreiðslu skipulagsráðs með 11 atkvæðum.

Önnur mál fundargerðir

8.1905941 - Fundargerð 407. fundar stjórnar Sorpu bs. frá 29.04.2019

Fundargerð í 2 liðum.
Lagt fram.

Önnur mál fundargerðir

9.1905943 - Fundargerð 408. fundar stjórnar Sorpu bs. frá 29.05.2019

Fundargerð í 10 liðum.
Lagt fram.

Önnur mál fundargerðir

10.1906071 - Fundargerð 304. fundar Strætó bs. frá 17.05.2019

Fundargerð í 5 liðum.
Lagt fram.

Önnur mál fundargerðir

11.1905021F - Velferðarráð - 46. fundur frá 27.05.2019

Fundargerð í 6 liðum.
Lagt fram.

Fundi slitið - kl. 17:55.