Lagðar fram fundargerðir bæjarráðs frá 27. ágúst og 3. september, afgreiðslna byggingarfulltrúa frá 7., 13. og 21. ágúst, félagsmálaráðs frá 17. ágúst, forsætisnefndar frá 3. september, íþróttaráðs frá 20. ágúst, leikskólanefndar frá 20. ágúst, lista- og menningarráðs frá 25. ágúst, skipulagsnefndar frá 17. og 24. ágúst, skólanefndar frá 24. ágúst, stjórnar Sorpu frá 21. ágúst, stjórnar SSH frá 24. ágúst og stjórnar Strætó frá 14. ágúst.
"Jafnframt skal skoðað hvernig hægt er að styðja við félagasamtök og aðra aðila sem vinna að málefnum flóttafólks á vettvangi.
Sérstaklega skal horft til viðkvæmra hópa, s.s barna og fjölskyldna þeirra, vegalausra barna, eða annarra sem hætta er á að þoli verr að búa við ótryggar aðstæður til lengri tíma. Því þarf að tryggja þessum hópum tafarlaust öryggi og vernd, bæði á vettvangi og koma þeim sem fyrst í öruggt skjól.
Margrét Júlía Rafnsdóttir"
Hlé var gert á fundi kl. 17.32. Fundi var fram haldið kl. 18.24.
Forseti greindi frá því að tillaga Ásu Richardsdóttur og Kristínar Sævarsdóttur hefði verið dregin til baka og væri viðaukatillaga Margrétar Júlíu Rafnsdóttur því ekki til afgreiðslu.
Lögð fram eftirfarandi tillaga:
"Kópavogsbær lýsir sig reiðubúinn til að taka á móti flóttafólki. Bæjarstjóra er falið að koma þeirri afstöðu á framfæri við Velferðarráðuneytið og vinna að frekari undirbúningi í samvinnu við ráðuneyti, félagsmálastjóra og önnur sveitarfélög á höfuðborgarsvæðinu.
Kópavogsbær vill sýna ábyrgð og telur eðilegt að bærinn, sem næst stærsta sveitarfélag landsins, bjóði flóttafólki aðstoð, í hlutfalli við stærð sína.
Margrét Friðriksdóttir, Sverrir Óskarsson, Ása Richardsdóttir"
Bæjarstjórn samþykkti tillöguna með 11 atkvæðum.