Embættisafgreiðslur skipulagsfulltrúa

Lagt fram erindi umhverfissviðs dags. 25. apríl 2025 um breytingu á framkvæmdaleyfi dags. 22. nóvember 2022, útgefið 6. janúar 2022. Óskað er eftir heimild til breytinga á áður samþykktum hjáleiðum sbr. hjálagt minnisblaði Vegagerðarinnar dags. 22. apríl 2025 út verktíma Arnarnesvegarins sem er áætlaður janúar 2026.

Lögð fram fyrirspurn lóðarhafa lóðarinnar nr. 7B við Dimmuhvarf dags. 16. apríl 2025 um að fá að byggja 50-65 m² bílskúr/vinnustofu á norð-vestur hluta lóðarinnar.

Lögð fram að nýju umsagnarbeiðni Reykjavíkurborgar dags. 10. apríl 2025 um breytingu á Aðalskipulagi Reykjavíkur 2040 varðandi stakar byggingar á opnum svæðum í Hólmsheiði og austanverðum Úlfarsárdal. Tillagan felur í sér að skerpt verður á núverandi heimildum og réttindum lóðarhafa og húseigenda varðandi uppbyggingu og enduruppbyggingu stakra húsa á opnum svæðum í Hólmsheiði (OP15) og í innanverðum Úlfarsárdal (OP28). Tillaga dags. í febrúar 2025 og viðaukar með tillögu. Á embættisafgreiðslufundi skipulagsfulltrúa þann 14. apríl 2025 var erindinu vísað til umsagnar verkefnastjóra aðalskipulags.

Þá lögð fram umsögn verkefnastjóra aðalskipulags dags. 15. apríl 2025.

Lögð fram umsagnarbeiðni frá Garðabæ dags. 28. apríl 2025 um tillögu að breytingu á deiliskipulagi íþrótta- og útivistarsvæða í Vetrarmýri og Smalaholti. Tillagan fjallar um golfvöll í Vetrarmýri, íþróttaæfingasvæði við Miðgarð, útivistarskóg í Smalaholti og náttúrugarð við Vífilsstaðavatn. Einnig fjallar skipulagið um umferðarmál á svæðinu og fest er lega framlengds Vífilsstaðavegar, Flóttamannavegar og Elliðavatnsvegar í breyttri legu. Fjallað er sérstaklega um umferðartengingar úr Hnoðraholti í Leirdalsop, þ.e. Vorbraut við Þorrasali. Sá kafli vegarins er tekinn út úr deiliskipulagi Hnoðraholts norður og færður inn í deiliskipulag það sem hér um ræðir. Leiðbeinandi lega stíga er ákvörðuð sem og staðsetning nýrra undirganga við Vífilsstaðavatn. Uppdrættir í mkv. 1:3000 og 1:2000 dags. 25. apríl 2025.

Lögð fram að nýju umsagnarbeiðni Garðabæjar dags. 27. mars 2025 um tillögu að breyttu deiliskipulagi útivistarsvæðis í Urriðavatnsdölum fyrir Flóttamannaveg. Uppdrættir í mkv. 1:4000 dags. 12. febrúar 2025. Á embættisafgreiðslufundi skipulagsfulltrúa þann 31. mars 2025 var erindinu vísað til umsagnar verkefnastjóra.

Lögð fram að nýju umsagnarbeiðni Garðabæjar dags. 27. mars 2025 um tillögu að breyttu deiliskipulagi norðurhluta Urriðaholts 4. áfanga fyrir Urriðaholtsstræti 1-7. Á embættisafgreiðslufundi skipulagsfulltrúa þann 31. mars 2025 var erindinu vísað til umsagnar verkefnastjóra.

Lögð fram að nýju umsagnarbeiðni Garðabæjar dags. 27. mars 2025 um tillögu að breyttu deiliskipulagi austurhluta Urriðaholts 1. áfanga fyrir Flóttamannaveg. Á embættisafgreiðslufundi skipulagsfulltrúa þann 31. mars 2025 var erindinu vísað til umsagnar verkefnastjóra.

Lögð fram að nýju umsagnarbeiðni Garðabæjar dags. 27. mars 2025 um tillögu að breyttu deiliskipulagi norðurhluta Urriðaholts 4. áfanga fyrir Flóttamannaveg. Uppdrættir í mkv. 1:1000 dags. 11. febrúar 2025. Á embættisafgreiðslufundi skipulagsfulltrúa þann 31. mars 2025 var erindinu vísað til umsagnar verkefnastjóra.

Lögð fram að nýju umsagnarbeiðni Garðabæjar dags. 3. apríl 2025 um tillögu að breytingu á ákvæðum 4. kafla í Aðalskipulagi Garðabæjar 2016-2030 sem ná til stígakerfa. Viðfangsefni breytingartillögunnar er heildarendurskoðun á stígakerfi Garðabæjar og er áætluninni ætlað að vera til leiðbeiningar fyrir deiliskipulagsgerð, verkhönnun og uppbyggingu stíga í Garðabæ til framtíðar. Endurskoðun á kafla 4.2, vinnslutillaga dags. 13. mars 2025 og kynning vinnslutillögu á íbúafundi 2. apríl 2025. Á embættisafgreiðslufundi skipulagsfulltrúa þann 14. apríl 2025 var erindinu vísað til umsagnar verkefnastjóra aðalskipulags.

Þá lögð fram umsögn verkefnastjóra aðalskipulags dags. 28. apríl 2025.

Lögð fram að nýju umsagnarbeiðni Garðabæjar dags. 9. apríl 2025 um tillögu að breytingu á Aðalskipulagi Garðabæjar 2016-2030 fyrir Háholt Hnoðraholts. Tillagan er á vinnslustigi og í henni felst að tákn fyrir svæði fyrir samfélagsþjónustu (4.05 S leikskóli) á Háholti Hnoðraholts verði fellt út. Iðnaðarsvæði (4.22 I, hitaveitutankar) á Háholti Hnoðraholts verði fellt út. Gert verður ráð fyrir svæði fyrir samfélagsþjónustu (4.22 S) þar sem núgildandi skipulag gerir ráð fyrir hitaveitutönkum. Lögun og stærð landnotkunarreitanna 4.04 Íb og 4.18 Op breytist lítillega. Á embættisafgreiðslufundi skipulagsfulltrúa þann 14. apríl 2025 var erindinu vísað til umsagnar verkefnastjóra aðalskipulags.

Þá lögð fram umsögn skipulagsfulltrúa aðalskipulags dags. 15. apríl 2025.