Embættisafgreiðslur skipulagsfulltrúa

Lögð fram að nýju umsókn umhverfissviðs dags. 24. október 2025 um breytingu á deiliskipulagi fyrir lóðina nr. 13 við Naustavör. Breytingin nær einnig til nærumhverfis lóðarinnar. Í breytingunni felst stækkun á byggingarreit fyrirhugaðs leikskóla úr 900 m² í 1212 m², stækkun lóðar úr 4.600 m² í 4.885 m² og hækkun byggingarreits úr 4m í 6m. Einnig hækkar gólfkóti byggingar úr 4.5 í 5.3. Gerð er ný göngutenging austan megin við leikskólalóð. Uppdrættir dags. 24. október 2025, uppfærðir 20. febrúar 2026. Á embættisafgreiðslufundi skipulagsfulltrúa þann 28. janúar 2026 var erindinu vísað til umsagnar verkefnastjóra.

Lögð fram að nýju fyrirspurn Halls Kristmundssonar byggingarfræðings dags. 11. desember 2025 f.h. lóðarhafa lóðarinnar nr. 28 við Dalveg um breytingu á deiliskipulagi lóðarinnar. Spurst er fyrir um hvort heimilað verði að gera 10m² viðbyggingu við austurhlið núverandi byggingar á lóðinni. Á embættisafgreiðslufundi skipulagsfulltrúa þann 12. janúar 2026 var erindinu vísað til umsagnar verkefnastjóra. Jafnframt lögð fram umsögn skipulagsfulltrúa dags. 23. febrúar 2026.

Lögð fram að nýju fyrirspurn Kristjáns Bjarnasonar arkitekts dags. 26. janúar 2026 f.h. lóðarhafa lóðarinnar nr. 58 við Álfhólsveg um hvort heimilt verði að byggja 237m² viðbyggingu á tveimur hæðum við suðurhlið hússins á lóðinni. Jafnframt um hvort heimilt verði að fjölga íbúðum á lóðinni úr einni í fjórar. Gert er ráð fyrir að þak hússins hækki um 30cm samhliða fyrirhuguðum breytingum. Uppdrættir dags. 1. janúar 2026. Á embættisafgreiðslufundi skipulagsfulltrúa þann 28. janúar 2026 var erindinu vísað til umsagnar verkefnastjóra. Jafnframt lögð fram umsögn skipulagsfulltrúa dags. 23. febrúar 2026.

Lögð fram fyrirspurn lóðarhafa lóðarinnar nr. 27 við Hafnarbraut um að fallið verði frá kröfu rammahluta aðalskipulags um að lóðir nr. 25 og 27 við Hafnarbraut séu deiliskipulagðar sem ein heild og að lóðarhafa verði veitt heimild til að hefja vinnu við deiliskipulag lóðarinnar.

Lögð fram fyrirspurn Atla Jóhanns Guðbjörnssonar byggingarfræðings dags. 4. febrúar 2026 f.h. lóðarhafa lóðarinnar nr. 1-9 og 11-19 við Skýjahvarf um að byggja fyrirhuguð raðhús á lóðunum á einni hæð í stað tveggja. Jafnframt lögð fram umsögn skipulagsfulltrúa dags. 23. febrúar 2026.

Lögð fram umsagnarbeiðni frá byggingarfulltrúa dags. 16. janúar 2026 vegna byggingarleyfisumsóknar Kjartans Rafnssonar byggingartæknifræðings f.h. lóðarhafa lóðarinnar nr. 35 við Löngubrekku. Sótt er um 23,6 m² stækkun á bílageymslu á suð-vesturhluta lóðarinnar og stoðvegg á lóðarmörkum nr. 35 og 37 við Álfhólsveg. Á embættisafgreiðslufundi þann 28. janúar 2026 var erindinu vísað til umsagnar verkefnastjóra. Jafnframt lögð fram umsögn skipulagsfulltrúa dags. 23. febrúar 2026.

Lögð fram að nýju umsókn Bjarna Þorsteinssonar arkitekts dags. 20. janúar 2026 f.h. lóðarhafa lóðarinnar nr. 10 við Dimmuhvarf um breytingu á deiliskipulagi. Í breytingunni felst uppskipting lóðarinnar í tvær lóðir, hvor um sig 1773,5 m², einbýlishúsi á hvorri lóð og breyttri aðkomu að lóðunum. Núverandi stærð lóðar er skráð 3.547 m². Uppdrættir dags. 20. janúar 2026. Á embættisafgreiðslufundi skipulagsfulltrúa þann 28. janúar 2026 var erindinu vísað til umsagnar verkefnastjóra.

Lagt fram að nýju að lokinni grenndarkynningu byggingarleyfisumsókn Björns Guðbrandssonar arkitekts f.h. lóðarhafa lóðarinnar nr. 8 við Hraunbraut þar sem sótt er um byggingarleyfi fyrir 18,7 m² geymsluskúr norðan við núverandi hús. Uppdrættir dags. 12. ágúst 2025. Byggingarleyfisumsóknin var grenndarkynnt frá 29. desember til 4. febrúar 2026. Engar athugasemdir bárust.

Lögð fram að nýju umsagnarbeiðni byggingarfulltrúa dags. 16. janúar 2026 vegna byggingarleyfisumsóknar Ríkharðs Oddssonar byggingafræðings f.h. lóðarhafa lóðarinnar nr. 62 við Hlíðarveg. Sótt er um 8m² glersvalalokun á suðausturhlið jarðhæðar. Uppdrættir dags. 10. desember 2025. Á embættisafgreiðslufundi skipulagsfulltrúa þann 28. janúar 2026 var erindinu vísað til umsagnar verkefnastjóra. Jafnframt lögð fram umsögn skipulagsfulltrúa dags. 23. febrúar 2026.

Lögð fram að nýju fyrirspurn lóðarhafa lóðarinnar nr. 1 við Dofrakór dags. 12. janúar 2026 um breytingu á deiliskipulagi. Í breytingunni felst stækkun lóðar um 220 m² til austurs, stækkun byggingarreits og viðbyggingu. Á embættisafgreiðslufundi skipulagsfulltrúa þann 28. janúar 2026 var erindinu vísað til umsagnar verkefnastjóra. Jafnframt lögð fram umsögn dags. 23. febrúar 2026.

Lögð fram að nýju fyrirspurn lóðarhafa lóðarinnar nr. 13 við Fjallalind um að koma fyrir 24 m² geymsluskúr á lóðinni norðan megin við húsið. Á embættisafgreiðslufundi skipulagsfulltrúa þann 28. janúar 2026 var erindinu vísað til umsagnar verkefnastjóra. Jafnframt lögð fram umsögn dags. 23. febrúar 2026.

Lögð fram umsókn Sigurðar Hilmars Ólafssonar dags. 24. janúar 2026 f.h. lóðarhafa lóðarinnar nr. 21 við Hlíðarhvarf um breytingu á deiliskipulagi. Í breytingunni felst að byggja á lóðinni einbýlis hús á einni hæð og nái samtals 13,5 m² út fyrir byggingarreit til vesturs. 1,9 m þar sem það er mest (6,8 m²) og 0,8 m þar sem það er minna (6,7 m²), ásamt því að ná 1,0 m út fyrir byggingarreit til norðurs, samtals 11,2 m². Nýtingarhlutfall lóðar verður 0,30. Þá eru bílastæði færð frá suð-austurhorni í norð- austurhorn, miðað við deiliskipulag. Á embættisafgreiðslufundi skipulagsfulltrúa þann 28. janúar 2026 var erindinu vísað til umsagnar verkefnastjóra.

Lögð fram umsókn lóðarhafa lóðarinnar nr. 23 við Fróðaþing dags. 29. janúar 2026 um breytingu á deiliskipulagi. Í breytingunni felst bygging bílageymslu 5 x 12,85 að grunnfleti að lóðarmörkum og svalir á 2. hæð.

Lögð fram fyrirspurn Jakobs Emils Líndal arkitekts dags. 3. febrúar 2026 f.h. lóðarhafa lóðarinnar nr. 9-11 við Dalsmára um 3.780 m² lóðarstækkun og 2.900 m² viðbyggingu. Stækkunin yrði innan svæðis sem skilgreint er sem íþróttasvæði í aðalskipulagi og er í dag nýtt undir tennisvelli Kópavogsbæjar. Uppdrættir dags. 3. mars 2026.

Lögð fram fyrirspurn Jóns Hrafns Hlöðverssonar byggingarfræðings dags. 17. febrúar 2026 f.h. lóðarhafa lóðarinnar nr. 7 við Hlíðarhvarf um hvort meðfylgjandi drög að aðaluppdráttum samræmist gildandi deiliskipulagsskilmálum.

Lögð fram fyrirspurn Magnúsar Inga Aðalmundsson arkitekts dags. 18. febrúar 2026 f.h. lóðarhafa lóðarinnar nr. 6 við Hæðarhvarf um breytingu á deiliskipulagi. Í breytingunni felst aukið byggingarmagn um 17,5m². Nýtingarhlutfall hækkar úr 0,42 í 0,45.

Lögð fram umsagnarbeiðni frá byggingarfulltrúa dags. 30. janúar 2026 vegna byggingarleyfisumsóknar Sigríðar Magnúsdóttur arkitekts f.h. lóðarhafa lóðarinnar nr. 1 við Búðakór. Sótt er um að breyta skilti í LED skilti og stækka niður á við. Ljósflötur austurhliðar stækkaður um 8m² og verður allt að 12 m² og vesturhliðar um 4m² og verður allt að 7m².

Lögð fram umsagnarbeiðni frá byggingarfulltrúa dags. 13. febrúar 2026 vegna byggingarleyfisumsóknar lóðarhafa lóðarinnar nr. 5 við Skjólbraut. Sótt er um að setja kvist á norður- og suðurhlið hússins og hækka þakið. Uppdrættir dags. 24. janúar 2026.

Lögð fram umsagnarbeiðni frá byggingarfulltrúa dags. 13. febrúar 2026 vegna byggingarleyfisumsóknar Jóns Magnúsar Halldórssonar byggingarfræðings f.h. lóðarhafa lóðarinnar nr. 6 við Nýbýlaveg. Sótt er um leyfi til byggja 8m² viðbyggingu á norðurhlið hússins fyrir lyftu milli 1. og 2. hæðar. Uppdrættir dags. 12. desember 2025.

Lögð fram framkvæmdaleyfisumsókn umhverfissviðs dags. 18. febrúar 2026 um tilfærslu á göngustíg, frárennslilögn og aðlaga stígakerfi í samræmi við meðfylgjandi gögn.

Lögð fram umsagnarbeiðni Sýslumannsins á höfuðborgarsvæðinu dags. 23. febrúar 2026 vegna umsóknar lóðarhafa um gistileyfi í flokki II í Álalind 8.

Lögð fram umsagnarbeiðni frá Garðabæ dags. 29. janúar 2026 um breytingar á Aðalskipulagi Garðabæjar 2016-2030. Uppdrættir dags. 9. febrúar 2021, uppfærðir 19. desember 2025. Gerð er breyting á afmörkum á opnu svæði og íbúðarbyggð. Hluti opins svæðis, þar sem nú er lóð íbúðarhúss, verður svæði fyrir samfélagsþjónustu. Einnig er gerð breyting á stígum.