Íþróttaráð

Íþróttaráð þakkar Friðriki Baldurssyni garðyrkjustjóra fyrir greinagóða kynningu og faglega aðgerðaráætlun um leiksvæði í Kópavogi.
Íþróttaráð lýsir ánægju sinni með skýrsluna og gerir engar athugasemdir við hana.

Almennar umræður.
Íþróttaráð vill bóka eftirfarandi varðandi skipulagningar á æfingatöflum fyrir yngstu iðkendurna:
Íþróttaráð hvetur íþróttafélögin í Kópavogi, til að hafa með sér samstarf um skipulag og uppsetningu æfingataflna fyrir yngstu iðkendur félaganna. Er þá sérstaklega sjónum beint að knattspyrnu og fimleikum sem eru fjölmennustu íþróttagreinar í bænum. Í þeim efnum horfir Íþróttaráð til þess samstarfs sem félögin standa nú þegar fyrir innan SÍK. Íþróttaráð er meðvitað um að nú þegar hafa félögin átt með sér samtal og samstarf hvað þetta varðar. Hér er því um að ræða hvatningu til að efla það enn frekar.
Undanfarin ár hafa árekstrar æfingatíma milli íþróttagreina verið þekkt áskorun. Árekstrarnir leiða iðulega til brotfalls úr einstökum greinum sem gjarnan kemur niður á greinum þar sem iðkendur eru fáir.
Til þess að auka möguleika allra barna á að stunda fleiri en eina íþróttagrein/tómstund, og um leið finna sér grein við hæfi, er mælst til þess að stærstu greinarnar í fjölda iðkenda, knattspyrna og fimleikar, birti æfingatöflur sínar snemma í sumar.
Er æfingatöflur í knattspyrnu og fimleikum liggja fyrir gefst öðrum greinum og tómstundum möguleiki á að skipuleggja æfingatíma sína með tilliti til þess og draga þannig úr árekstrum og tilheyrandi brottfalli.
Íþróttaráð telur að hér sé um að ræða kjörið verkefni sem meðal annars væri hægt að vinna að innan SÍK og hvetur íþróttafélögin til þess að efla enn frekar samstarf sitt hvað þetta varðar. Þannig verður hægt að gefa fleiri iðkendum í Kópavogi tækifæri til að stunda fleiri en eina íþróttagrein.

Lagt fram.

Deildarstjóri upplýsti að yfirlitið hafi þegar verið sent viðkomandi íþróttarfélögum í febrúar sl.