Íþróttaráð

Íþróttaráð lýsir ánægju sinni með þá vinnu sem fram hefur farið varðandi merkingar og auglýsingar á íþróttamannvirkjum bæjarins. Með þessu er verið að skapa heildstæða umgjörð um merkingar og auglýsingamál íþróttamannvirkja og skapa félögunum aukna tekjumöguleika.
Íþróttaráð samþykkir því tillögurnar með fyrirvara um þær breytingar sem fram komu á fundinum.

Íþróttaráð samþykkir að leitað verði eftir samráði við önnur bæjarfélög um að vinna að því að samræma reglur bæjarfélaga um ferða- og afreksstyrki með þeim hætti að styrkir miðist ávalt við lögheimili iðkandans. Með því er hægt að tryggja að styrkurinn renni ávalt til þeirra sem eiga lögheimili í bæjarfélaginu og á sama tíma komið í veg fyrir að hægt sé að fá styrk frá fleiri en einu bæjarfélagi eða að lenda í þeirri stöðu að fá jafnvel engan styrk.

Íþróttaráð samþykkir einnig að á meðan sú samráðsvinna stendur yfir verði gerðar eftirfarandi breytingar á 1. og 2. grein á reglum um ferðastyrki og afrekssjóð:
1. grein í reglum um ferðastyrki íþróttaráðs
Var áður: „Ferðastyrkir vegna landsliðsferða íþróttafólks eru veittir til þeirra sem eiga lögheimili í Kópavogi“.
En verður nú: „ Ferðastyrkir vegna landsliðsferða eru veittir til iðkenda íþróttafélaga í Kópavogi. Íþróttafélög sem bjóða upp á íþróttagreinar sem ekki eru stundaðar í Kópavogi geta einnig sótt um styrk til íþróttaráðs vegna iðkenda sem eiga lögheimili í Kópavogi“.
2. grein í reglum um Afrekssjóð íþróttaráðs.
Var áður: „Að styrkja afreksíþróttafólk sem á lögheimili í Kópavogi“.
En verður nú:
„a) Að veita afreksíþróttafólki í íþróttafélögum í Kópavogi fjárhagslegan styrk vegna æfinga og/eða keppni, og þannig búa þeim sem besta aðstöðu til að stunda íþrótt sína.
b) Að veita afreksíþróttafólki styrk sem á lögheimili í Kópavogi en getur ekki stundað sína íþrótt í bæjarfélaginu“.

Jafnframt samþykkir íþróttaráð að breyta 3. grein í reglum um ferðastyrki eftirfarandi:
Var áður: „Umsókn um ferðastyrk iðkenda þarf að berast frá sérsambandi til íþróttadeildar. Í umsókninni þarf að koma fram ferðakostnaður. Styrkir eru ávallt greiddir að ferð lokinni gegn framvísun afrits af flugfarseðli/farseðlum“.

En verður nú: „Umsókn um ferðastyrk iðkenda þarf að berast frá íþróttafélagi, deild félags eða sérsambandi til íþróttadeildar. Í umsókninni þarf að koma fram ferðakostnaður. Styrkir eru ávallt greiddir að ferð lokinni gegn framvísun afrits af flugfarseðli/farseðlum“.

Íþróttaráð samþykkir erindið.

Íþróttaráð getur ekki orðið við ósk félagsins um að halda þeim merkingum sem félagið setti upp við Versalavelli á liðnu sumri.
Íþróttaráð samþykkir hinsvegar að félagið geti flaggað félagsfánum HK við vellina til að auka sýnileika félagsins á svæðinu. Er það í samræmi við tillögur vinnuhóps um merkingar á öðrum íþróttamannvirkjum Kópavogsbæjar.

Íþróttaráð samþykkir viðbótarframlag til félagannna í samræmi við framlagða töflu um endurskoðaðaða iðkendastyrki.

Íþróttaráð samþykkir að veita félaginu iðkendastyrk að upphæð kr. 1.186.263,-

Íþróttaráð samþykkir að veita félaginu iðkendastyrk að upphæð kr. 343.684,-

Íþróttaráð samþykkir að úthluta Sunddeild Breiðabliks sömu tímum í sundlaugum Kópavogs og deildin hafði til umráða á síðasta vetri.

Sunna Guðmundsdóttir er kosin varaformaður íþróttaráðs og Hildur Karen Sveinbjarnardóttir ritari.

Fundaráætlun haustsins samþykkt.