1.1006103 - Heiðurslistamaður og bæjarlistamaður Kópavogs.
Innsendar tillögur að heiðurslistamanni og bæjarlistamanni. Frestur til að senda inn tillögur rann út 6.apríl. Ráðið er ekki bundið við að fara að innsendum tillögum.
Endanlegri afgreiðslu málsins er frestað til næsta fundar en stefnt er að því að útnefning fari fram 11. maí á afmæli Kópavogsbæjar.
2.17031026 - Tíbrá, tónleikaröð
Aino Freyja Jarvela, forstöðumaður Salarins, kynnir tillögur að tónleikum í næstu Tíbrár röð en auglýst var eftir umsóknum fyrr á árinu.
Lista- og menningarráð samþykkir að veita 4,5 millj. kr. úr menningarsjóði á þessu ári í næstu Tíbrár-röð Salarins og tónskáldaverkefni og ennfremur samþykkir ráðið að sama upphæð verði eyrnarmerkt verkefnunum á næsta ári.
3.17011183 - Barnamenningarhátíð í Kópavogi 2017
Ólöf Breiðfjörð verkefnastjóri kynnir dagskrá Barnamenningarhátíðar í Kópavogi sem fram fer 25. til 29. apríl í Menningarhúsum Kópavogs.
Lista- og menningarráð þakkar fyrir og líst vel á spennandi og metnaðarfulla dagskrá Barnamenningarhátíðar í Kópavogi.
4.1704041 - Parabóla - gjöf til Menningarhúsa Kópavogs
Forstöðumaður menningarmála greinir frá því að Sigtryggur Baldursson tónlistarmaður hafi boðið Menningarhúsum Kópavogs parabólu sína til afnota vegna menningarstarfs á vegum bæjarins. Til stendur að henni verði komið fyrir á útivistarsvæðinu milli húsanna í sumar. Trommuleikur og parabólan verður liður Barnamenningarhátíð í Kópavogi 2017.
Lista- og menningarráð þakkar Sigtryggi Baldurssyni fyrir höfðinglegt boð og að styðja menningarstarf á vegum bæjarins með þessum hætti.
5.1510254 - Menningarmál á vegum Kópavogsbæjar
Forstöðumaður menningarmála hjá Kópavogsbæ hefur sagt starfi sínu lausu og tekur á næstunni við starfi sviðsstjóra menningar- og ferðamálasviðs Reykjavíkurborgar.
Lista- og menningarráð óskar Örnu Schram til hamingju og velfarnaðar í nýju starfi hjá Reykjavíkurborg. Ráðið þakkar gott samstarf og vel unnin störf í þágu menningar og listalífs í Kópavogi.