Menningar - og mannlífsnefnd

12. fundur 03. mars 2026 kl. 08:15 - 10:15 í bæjarstjórnarsal, Hábraut 2
Fundinn sátu:
  • Elísabet Berglind Sveinsdóttir formaður
  • Jónas Skúlason aðalfulltrúi
  • Helga Hauksdóttir, aðalmaður boðaði forföll og Kristín Hermannsdóttir varamaður, sat fundinn í hans stað.
  • Margrét Vilborg Tryggvadóttir aðalfulltrúi
  • Indriði Ingi Stefánsson aðalfulltrúi
  • Guðmundur Gunnarsson, aðalmaður boðaði forföll og Soumia I. Georgsdóttir vara áheyrnarfulltrúi, sat fundinn í hans stað.
Starfsmenn
  • Vilborg Soffía Karlsdóttir
Fundargerð ritaði: Soffía Karlsdóttir forstöðumaður menningarmála
Dagskrá

Málefni menningarstofnana í Kópavogi

1.26023222 - Bókasafn í efri byggðum

Samkvæmt bókun menningar- og mannlífsnefndar, bæjarráðs og bæjarstjórnar um nýja menningarmiðstöð í Smáralind var gerð þarfagreining á bókasafni í efri byggðum sem hér er lögð fram.
Menningar- og mannlífsnefnd þakkar Ármanni Halldórssyni deildarstjóra umhverfissviðs kynningu á tillögu að staðsetningu menningarkjarna/bókasafns í efri byggðum út frá þarfagreiningu. Nefndin fagnar niðurstöðunni og samþykkir hana fyrir sitt leyti og vísar henni til afgreiðslu bæjarráðs og bæjarstjórnar. Nefndin telur að með nýrri menningarmiðstöð í Smáralind og nýjum menningarkjarna/bókasafni í Kórnum sé stuðlað að jöfnu aðgengi allra íbúa að menningarstarfsemi í Kópavogi, eins og menningarstefna bæjarins kveður á um. Nefndin leggur áherslu á aðkomu menningar- og mannlífsnefndar og starfsmanna menningarmála bæjarins að áframhaldandi mótun og þróun verkefnisins.

Gestir

  • Ármann Halldórsson deildarstjóri umhverfissviðs - mæting: 08:15

Málefni menningarstofnana í Kópavogi

2.26023016 - Kynning á starfsemi Bókasafnsins

Lísa Z. Valdimarsdóttir forstöðumaður kynnir starfsemi Bókasafns Kópavogs og svarar fyrirspurnum.
Menningar- og mannlífsnefnd þakkar Lísu Z. Valdimarsdóttur fyrir greinargóða og upplýsandi kynningu á starfsemi bókasafnsins og fagnar þeirri fjölbreyttu dagskrá sem safnið hefur upp á að bjóða, sérstaklega hvað varðar fjölmenningarlega viðburði. Einnig lýsir nefndin sérstakri ánægju með gríðarlega aukningu gesta frá ári til árs.

Gestir

  • Lísa Z. Valdimarsdóttir forstöðumaður Bókasafns Kópavogs - mæting: 09:00

Málefni menningarstofnana í Kópavogi

3.26023015 - Kynning á starfsemi Salarins

Axel Ingi Árnason forstöðumaður kynnir starfsemi Salarins og svarar fyrirspurnum.
Menningar- og mannlífsnefnd þakkar Axel Inga Árnasyni fyrir greinargóða og upplýsandi kynningu á starfsemi Salarins og fagnar þeirri fjölbreyttu dagskrá sem framundan er. Nefndin lýsir einnig sérstakri ánægju með aukna miðasölu og fjölgun gesta.

Gestir

  • Axel Ingi Árnason forstöðumaður Salarins - mæting: 09:20

Málefni menningarstofnana í Kópavogi

4.26023018 - Kynning á starfsemi Náttúrusafnsins

Brynja Sveinsdóttir forstöðumaður kynnir starfsemi Náttúrusafns Kópavogs og svarar fyrirspurnum.
Menningar- og mannlífsnefnd þakkar Brynju Sveinsdóttur fyrir greinargóða og upplýsandi kynningu á starfsemi Náttúrusafns og fagnar þeirri fjölbreyttu og fjölskylduvænu dagskrá sem safnið hefur upp á að bjóða. Einnig vill nefndin þakka forstöðumanni og starfsfólki fyrir einstaka útsjónasemi við öflun styrkja. Þá lýsir nefndin sérstakri ánægju með gríðarlega aukningu gesta frá ári til árs.

Gestir

  • Brynja Sveinsdóttir forstöðumaður Náttúrufræðistofu - mæting: 09:40

Málefni menningarstofnana í Kópavogi

5.26023017 - Kynning á starfsemi Gerðarsafns

Brynja Sveinsdóttir forstöðumaður kynnir starfsemi Gerðarsafns og svarar fyrirspurnum.
Menningar- og mannlífsnefnd þakkar Brynju Sveinsdóttur fyrir greinargóða og upplýsandi kynningu á starfsemi Gerðarsafns og fagnar þeirri fjölbreyttu dagskrá sem safnið hefur upp á að bjóða. Einnig vill nefndin lýsa sérstakri ánægju með gríðarlega aukningu gesta á undanförnum árum.

Gestir

  • Brynja Sveinsdóttir forstöðumaður Náttúrufræðistofu - mæting: 09:55

Fundi slitið - kl. 10:15.