Öldungaráð

Pálmi Þór Másson, bæjarritari, kynnti þá vinnu sem stendur yfir við að endurskoða bæjarmálasamþykkt og erindisbréf nefnda og ráða.
Rætt um hlutverk öldungaráðs.
Fulltrúar öldungaráðs eru hvattir til að senda athugasemdir, sem geta nýst við endurskoðun erindisbréfs ráðsins til starfsmanns ráðsins sem kemur þeim áfram til bæjarritara.

Fríða Karen Gunnarsdóttir, verkefnisstjóri Virkni- og vellíðanar, kynnti dagskrá næsta árs. Einnig kynnti hún fyrirhugað tilraunaverkefni í samvinnu við Háskólann í Reykjavík og velferðarsvið Kópavogs.

Með verkefninu er miðað að því að ná til breiðari hóps fólks, m.a. þeirra sem ekki sækja starf Virkni- og vellíðanar í félagsmiðstöðvunum eða íþróttahúsunum. Rannsóknin verður gerð þannig að fólk sem er að sækja um stuðning við heimilishald hjá velferðarsviði skapar úrtak rannsóknarinnar. Skoðað verður hvort íhlutun dragi úr og/eða seinki þjónustuþörf. Um samanburðarrannsókn er að ræða.

Fríða Karen Gunnarsdóttir er þökkuð frábær kynning.