Skipulags- og umhverfisráð

Samþykkt með vísan til umsagnar skipulagsfulltrúa dags. 20. febrúar 2026. Vísað til afgreiðslu bæjarráðs og bæjarstjórnar.

Bókun:
„Það kemur spánskt fyrir sjónir að skipulagsdeild óski heimildar til að hefja vinnu við miðbæjarskipulag og geri tillögu um að unnið skuli að rammahluta aðalskipulags fyrir miðbæjarsvæðið á tilteknum forsendum. Bæjarstjórn samþykkti nefnilega samhljóða á fundi 9. apríl 2024 að vísa því til skipulagsráðs að hefja undirbúning að gerð áætlunar og heildstæðrar stefnu um þróun miðbæjar Kópavogs. Kosti og galla ólíkra leiða átti að skoða. Markmiðið - að festa heildarsýn og tengingar fyrir miðbæjarsvæði Kópavogs í sessi í samráði við íbúa og aðra hagaðila. Samþykktin var eftir umræðu um tillögu sem minnihlutinn gerði sameiginlega. Byggja skyldi vinnuna á forsendugreiningu Alta frá 2021 og leiðbeiningum Skipulagsstofnunar og sveitarfélaganna á höfuðborgarsvæðinu um sjálfbært skipulag: Mannlíf byggð og bæjarrými. Skipulagsdeild er bent á að kynna sér dagskrármálið á bæjarstjórnarfundi 9. apríl 2024 og vera minnug þess að bæði nefndir bæjarins og starfsmenn þiggja umboð sitt frá bæjarstjórn. Það vekur athygli að meðan ekki vinnst tími til að sinna samþykktum bæjarstjórnar er hægt að bregðast við óskum fjárfesta um vinnuframlag t.d. varðandi Nýbýlaveg 1 og Gunnarshólma.“
Helga Jónsdóttir, Hákon Gunnarsson, Indriði Stefánsson og Leó Snær Pétursson.

Bókun:
„Bókun minnihlutans er óviðurkvæmileg og ýjað er að óeðlilegum vinnubrögðum starfsfólks bæjarins.
Að hefja vinnu við rammahluta aðalskipulags er ekki frávik frá samþykkt bæjarstjórnar um þróun miðbæjarins heldur eðlilegt framhald hennar. Rammahluti er það skipulagsverkfæri sem tryggir heildarsýn þar sem forsendugreining og samráð er unnið á formlegan og lögbundinn hátt.
Meirihlutinn hafnar þeirri aðdróttun sem felst í bókun minnihlutans og styður eindregið að heimild verði veitt til að hefja þessa mikilvægu vinnu fyrir miðbæ Kópavogs. Einstök deiliskipulagsmál eru unnin innan gildandi ramma og samkvæmt lögbundnu ferli. Með því að hefja vinnu við rammahluta miðbæjarsvæðisins er einmitt verið að styrkja heildarrammann á því svæði svo framtíðaruppbygging verði metin á skýrari og gagnsærri forsendum.“
Hjördís Ýr Johnson, Kristinn Dagur Gissurarson, Andri Steinn Hilmarsson og Gunnar Sær Ragnarsson.

Bókun:
„Undirrituð beina engum spjótum að starfsmönnum bæjarins öðrum en framkvæmdastjóranum, sem er yfirmaður annarra starfsmanna og ber ábyrgð á að samþykktum bæjarstjórnar sé hrundið í framkvæmd. Við fögnum því að verkefni sem við settum á dagskrá bæjarstjórnar í apríl 2024 og var samþykkt samhljóða sé loksins að koma til framkvæmdar. Vel unnið rammaskipulag getur vonandi skilað miðbæ sem við verðum öll stolt af. Við vildum að sú vinna hefði verið fremst á forgangslistanum eftir samþykkt bæjarstjórnar.“
Helga Jónsdóttir, Hákon Gunnarsson, Indriði Ingi Stefánsson og Leó Snær Pétursson.

Fundarhlé hófst kl. 16:27, fundi framhaldið kl. 17:01.

Samþykkt að hafin verði vinna við gerð rammahluta aðalskipulags fyrir miðbæjarsvæði Kópavogs (ÞR-2, ÞR-3 og M1).

Samþykkt með áorðnum breytingum dags. í febrúar 2026 með sex atkvæðum Hjördísar Ýrar Johnson, Andra Steins Hilmarssonar, Gunnars Sæs Ragnarssonar, Leós Snæs Péturssonar, Helgu Jónsdóttur og Hákonar Gunnarssonar. Vísað til afgreiðslu bæjarráðs og bæjarstjórnar.
Kristinn Dagur Gissurarson sat hjá við afgreiðslu málsins.

Breytingartillaga Helgu Jónsdóttur:
„Lagt er til að skipulags- og umhverfisráð feli skipulagsfulltrúa að afla greinargerðar óháðra faglegra sérfræðinga á útfærslum og umhverfisáhrifum mögulegra stofnstíga fyrir hjólreiðar á sunnanverðu Kársnesi sbr. 6.gr. skipulagslaga. Til samanburðar við fyrirliggjandi deiliskipulagstillögu verði nálgun VSB verkfræðistofu, sem barst með athugasemdum Útivistarsamtaka Kársness. Þar er horft til Kópavogsbrautar sem stofnleiðar og tengibrautar hjólreiða ásamt Kársnesbraut og Urðarbraut. Til stuðnings er vísað í markmið aðalskipulags um hjólreiðaáætlun til að tryggja hjólatengingar milli heimila, skóla, þjónustustofnana og almenningssamgangna.“

Fundarhlé hófst kl. 17:50, fundi framhaldið kl. 18:11.
Fundarhlé hófst kl. 18:30, fundi framhaldið kl. 18:45.

Umræður.

Breytingartillaga ekki borin upp þar sem ráðið sammælist um eftirfarandi tillögu:
„Skipulags- og umhverfisráð felur umhverfissviði að endurmeta valkostagreiningu og leita álits óháðs aðila á mögulegum útfærslum á stofnstíg fyrir hjólreiðar á sunnanverðu Kársnesi.“

Samþykkt samhljóða

Synjað með vísan til umsagnar skipulagsfulltrúa dags. 26. febrúar 2026 með sex atkvæðum Hjördísar Ýrar Johnson, Andra Steins Hilmarssonar, Gunnars Sæs Ragnarssonar, Leós Snæs Péturssonar, Helgu Jónsdóttur og Hákonar Gunnarssonar. Vísað til afgreiðslu bæjarráðs og bæjarstjórnar. Kristinn Dagur Gissurarson sat hjá við afgreiðslu málsins.