Íbúasamráð vegna jafnréttis- og mannréttindastefnu

Kópavogur endurskoðar nú jafnréttis- og mannréttindastefnu sína. Í tengslum við endurskoðunina er leitað álits íbúa á drögum að stefnunni og hvernig best er að framfylgja henni.

Íbúar Kópavogs, 16 ára og eldri, geta sett inn athugasemdir og ábendingar sem tengjast stefnunni á samráðssíðu á vefnum sem verður opin frá 6.-19.nóvember.

Tilgangur stefnunnar er að öll fái notið mannréttinda og hafi tækifæri til að vera virkir þátttakendur í samfélaginu.

Stefnan á að vera leiðbeinandi fyrir svið og stofnanir bæjarins hvað varðar jafnrétti og mannréttindi íbúa bæjarins. Í stefnunni er sérstaklega vakin athygli á málefnum minnihlutahópa sem og málefnum barna og aldraðra.

Samráð um drög að jafnréttis- og mannréttindastefnu Kópavogs

Stefnuáherslur jafnréttis- og mannréttindastefnu eru fjórar:

• Jafnrétti og mannréttindi
• Menntun, tómstundir og atvinna
• Aðgengi
• Fjölbreytt samfélag og inngilding

Jafnréttis- og mannréttindastefnan er unnin með Heimsmarkmið Sameinuðu þjóðanna um sjálfbæra þróun að leiðarljósi. Stefnan er unnin af jafnréttis- og mannréttindaráði Kópavogsbæjar.

Sérstök áhersla var lögð á eftirfarandi heimsmarkmið;

Heimsmarkmið 3: Heilsa og vellíðan

Heimsmarkmið 4: Menntun fyrir alla

Heimsmarkmið 5: Jafnrétti kynjanna

Heimsmarkmið 8: Góð atvinna og hagvöxtur

Heimsmarkmið 9: Nýsköpun og innviðir

Heimsmarkmið 10: Aukinn jöfnuður

Samráð um drög að jafnréttis- og mannréttindastefnu Kópavogs