Óskað eftir tilnefningum til umhverfisviðurkenninga

Frá árinu 1964 hefur Kópavogsbær veitt viðurkenningar fyrir garða og lóðir bæjarins. Árið 1995 var gerð breyting á því fyrirkomulagi og hóf umhverfis- og samgöngunefnd og bæjarstjórn Kópavogsbæjar að veita árlegar viðurkenningar til einstaklinga, félagasamtaka og /eða fyrirtækja sem þótt hafa skarað fram úr í hönnun, frágangi og viðhaldi umhverfis og húsa.

Auglýst er eftir tilnefningum til umhverfisviðurkenningar og gefst íbúum kostur á að senda inn tilnefningar á netfangið: skipulag@kopavogur.is

Að auki er hægt að tilnefna götu ársins sem bæjarstjórn Kópavogs veitir viðurkenningu fyrir. Frestur til að skila inn tilnefningum er til miðvikudagsins 15.júní 2022 kl 12 og verða umhverfisviðurkenningar veittar í ágúst 2022.

Á heimasíðu Kópavogs er hægt að sjá hverjir hafa hlotið umhverfisviðurkenningar frá árinu 1995.