25 ára starfsafmæli

Fjórir starfsmenn fengu viðurkenningu fyrir 25 ára starf hjá bænum á árinu 2018. Bæjarstjóri, Ármann Kr. Ólafsson, veitti viðurkenninguna og þakkaði fyrir vel unnin störf hjá bænum.

Viðurkenningu fengu:

Guðdís Guðjónsdóttir kennari við Hörðuvallaskóla. Guðdís hefur unnið í Hörðuvallaskóla frá haustinu 2018 en var þar áður í 25 ár á leikskólanum Kópasteini.

Sigríður Jónsdóttir leikskólakennari í Fögrubrekku. Sigríður hefur unnið hjá bænum frá 1. febrúar 1993 og allan tímann í Fögrubrekku.

Bergljót Hreinsdóttir deildarstjóri á Marbakka. Bergljót hóf störf í afleysingum á Marbakka árið 1986, áður en hún lauk námi, og hefur starfað þar samfellt frá 10. áratugnum.

Dagný Björk Pjetursdóttir, sem sér um sérúrræði á velferðarsviði. Dagný hefur fengist við ýmis störf hjá Kópavogsbæ fyrir utan núverandi starf, verið tómstundafulltrúi, flokkstjóri og umsjónarmaður Skólagarða. Þá hefur hún kennt dans í skólum og leikskólum bæjarins og setið í árshátíðarnefnd frá 2006.