Aðrein að Hafnarfjarðarvegi lokað

Í framkvæmdinni felst endurgerð stofnbrautarrampa í stað núverandi rampa frá Borgarholtsbraut að Hafnarfjarðarvegi með útkeyrslu inn á Kópavogsbraut. Verkið felst aðallega í gerð tengibrautar frá Borgarholtsbraut niður á nýtt torg á Kópavogsbraut. Frá torginu mun koma stofnbrautarrampur inn á Hafnarfjarðarveg.

Á meðan á verkinu stendur verður opnuð  bráðabirgðarleið að Hafnarfjarðarvegi í gegnum fyrirhugað hringtorg við Kópavogsbraut. Settar verða upp umferðar- og öryggismerkingar vegna framkvæmdarinnar og hjáleiðarmerkingar til að auðvelda aðgengi í kringum framkvæmdina. Aðkoma inn á Kópavogsbraut og inn á Hafnarfjarðarveg verður á meðan framkvæmdum stendur frá Borgarholtsbraut – Urðarbraut – Kópavogsbraut, sjá meðfylgjandi yfirlitsmynd sem einnig má finna hér.

Verktakafyrirtækið Hálsafell ehf. sér um framkvæmd verksins.