Áhrif verkfalls Eflingar á starfsemi Kópavogsbæjar

Starfsfólk í Eflingu hóf ótímabundið verkfall á hádegi 9. mars.  Hér má sjá samantekt á áhrifum þess á Kópavogsbæ. Upplýsingar verða uppfærðar.

Menntasvið

Það er verið að skoða í hverjum og einum skóla hvernig skólahald skerðist vegna þess að aðstæður eru afar ólíkar á milli skóla, bæði vegna hvernig gæsla í frímínútum er mönnuð, hvernig ræstingu er háttað og hvernig mötuneyti er skipulagt.

 Allir skólar geta haldið samræmd próf fyrir 9. bekk þriðjudag til fimmtudags.

Öll mötuneyti nema í Smáraskóla eru lokuð. Mötuneyti í Smáraskóla verður með breyttu sniði, einfaldari matur og einfaldari framkvæmd.

 Grunnskólar með allt ræstingarstarfsfólk í Eflingu sem eru í verkfalli núna

Kársnesskóli

Álfhólsskóli

Kópavogsskóli

Salaskóli

Leikskólar með allt ræstingarstarfsfólk í Eflingu

Furugrund, Fífusalir og Rjúpnahæð og svo Kópasteinn að hluta (tvö ræstingarsvæði og annað þeirra er ræst af verktaka)

Ákvarðanir um mögulegar lokanir á skólum og leikskólum vegna verkfalls ræstingarstarfsfólks verða teknar í samráði við heilbrigðiseftirlit og kynntar foreldrum og forráðamönnum í hverjum og einum skóla.

Starfsmenn sem sjá um ræstingu í Tröð sérúrræði, Frístundaheimilinu Hrafninum og Skólahljómsveit Kópavogs eru í Eflingu.

Stjórnsýslusvið

Starfsmenn sem sinna þrifum á Bæjarsskrifstofum og Menningarhúsum Kópavogs eru í Eflingu. Opnunartími og þjónusta er óbreytt í dag, mánudaginn 9.mars og á morgun þriðjudaginn 10. mars. Frekari áhrif tilkynnt síðar.

Umhverfissvið

Eftirfarandi þjónusta á vegum umhverfissviðs mun skerðast í verkfalli Eflingar:

• Vetrarþjónusta á tröppum og þröngum göngustígum þar sem vélar komast ekki að
• Umhirða á og við stofnanir bæjarins þ.m.t. við skóla og leikskóla
• Viðhald og uppsetning á umferðarmerkjum og skiltum
• Fylling á saltkistum
• Almenn þjónusta við stofnanir bæjarins
• Hreinsun niðurfalla og losun á stíflum á og í gatnakerfi bæjarins
• Útkeyrsla og viðgerðir á sorptunnum til fyrirtækja og einkaaðila
• Starfsemi Bílastæðasjóðs Kópavogs
• Bakvaktir og neyðarþjónusta falla niður sem m.a. hefur áhrif á að vetrarþjónustu göngu- og hjólaleiða sem og húsagata utan hefðbundins vinnutíma falla niður
• Starfssemi Vatnsveitu Kópavogs, neyðarþjónustu verður einungis sinnt
• Umhirða trjágróðurs
• Vetrarþjónusta á plönum og lóðum skóla og leikskóla
• Viðgerðir á leiktækjum við leikskóla

Velferðarsvið

36 starfsmenn heimaþjónustu í Eflingu fara í ótímabundið verkfall. Veitt hefur verið undanþága fyrir einn starfsmann heimaþjónustu sem mun sinna brýnustu innlitunum til skjólstæðinga en að öðru leyti fellur þjónustan niður. Aðeins verður veitt allra nauðsynlegasta þjónusta í heimahúsum, heimsóknir styttast og tímasetningar breytast.