- Íbúar
- Börn og ungmenni
- Íþróttir & útivist
- Velferð
- Þjónusta
- Skipulagsmál
- Byggingarmál
- Samgöngur
- Umhverfi
- Menning
- Íbúaverkefni
- Stjórnsýsla
- Mannlíf
- þjónustugátt
- Ábendingar
Ármann Kr. Ólafsson tók við lyklavöldunum af Guðrúnu Pálsdóttur á bæjarstjóraskrifstofu Kópavogs í dag. Ármann var kjörinn bæjarstjóri á fundi bæjarstjórnar í vikunni. Guðrún hverfur nú til annarra starfa hjá bænum en hún varð bæjarstjóri í júní 2010.
Nýr meirihluti var myndaður í bænum í síðustu viku af Sjálfstæðisflokki, Framsóknarflokki og Y-Lista Kópavogsbúa. Tók hann formlega við stjórnartaumunum á þriðjudag.
Ármann er fæddur 17. júlí 1966. Hann er stjórnmálafræðingur að mennt og hefur verið bæjarfulltrúi í Kópavogi síðan 1998. Hann var forseti bæjarstjórnar á árunum 2000 til 2001 og 2005 til 2007.
Hann hefur átt sæti í bæjarráði en auk þess verið formaður skipulagsnefndar Kópavogsbæjar, skólanefndar, atvinnumálanefndar og félagsmálaráðs. Þá var hann formaður stjórnar Strætó á árunum 2006 til 2008.
Ármann var þingmaður á árunum 2007 til 2009 og starfaði eftir það við nýsköpun við útflutning sjávarafurða. Hann var áður aðstoðarmaður þriggja ráðherra á ellefu ára tímabili og er stofnandi auglýsingastofunnar ENNEMM þar sem hann var framkvæmdastjóri á árunum 1991 til 1995.