Sigurvegarar Getkó 2015. Frá vinstri eru Bjartur Rúnarsson, Andri Már Tómasson og Gunnar Björn Gunnarsson. Með þeim á myndinni er Arna Margrét Erlingsdóttir verkefnastjóri tómstundamála.
Lið félagsmiðstöðvarinnar Fönix fór með sigur af hólmi í spurningakeppni félagsmiðstöðvanna í Kópavogi, Getkó. Í sigurliði Fönix, sem er félagsmiðstöð Salaskóla, voru þeir Bjartur Rúnarsson, Andri Már Tómasson og Gunnar Björn Gunnarsson. Í öðru sæti var lið félagsmiðstöðvarinnar Ekkó í Kársnesskóla og í þriðja sæti lið félagsmiðstöðvarinnar Pegasus í Álfhólsskóla.
Undankeppnin fór fram í félagsmiðstöðinni Kjarnanum mánudaginn 16. nóvember síðastliðinn og úrslitakeppnin var haldin í félagsmiðstöðinni Fönix miðvikudaginn 18. nóvember og var jöfn og spennandi.