Gengið um Hlíðargarð

Þriðjudaginn 24.júní verður gengið um Hlíðargarð undir leiðsögn Friðriks Baldurssonar garðyrkjustjóra Kópavogsbæjar og Guðríðar Helgadóttur formanns Garðyrkjufélags Íslands.

Gangan hefst klukkan 17.00 og er mæting við tjörnina í Kópavogslæk, vestast við Fífuhvamminn. Þaðan verður gengið yfir í Hlíðargarð.

Gangan er hluti af garðagöngum víðsvegar um land í sumar, í tilefni af 140 ára afmæli Garðyrkjufélags Íslands. Hún er líka hluti af ýmsum viðburðum á vegum Kópavogsbæjar á sjötugasta afmælisárinu.