- Íbúar
- Börn og ungmenni
- Íþróttir & útivist
- Velferð
- Þjónusta
- Skipulagsmál
- Byggingarmál
- Samgöngur
- Umhverfi
- Menning
- Íbúaverkefni
- Stjórnsýsla
- Mannlíf
- þjónustugátt
- Ábendingar
Átján börn frá afskekktum þorpum á austurströnd Grænlands hafa dvalið í Kópavogi undanfarið, fengið sundkennslu og kynnst jafnöldrum í bænum. Börnin, sem eru ellefu ára, dvelja í tvær vikur á Íslandi.
Þetta er þrettánda árið sem grænlensk börn dvelja í Kópavogi en það er KALAK, vinafélag Grænlands og Íslands og Hrókurinn sem standa fyrir heimsókninni.
Auk Kópavogsbæjar er heimsóknin studd af Menntamálaráðuneytinu, FÍ og fjölmörgum einstaklingum, félögum og fyrirtækjum.
Tvisvar á dag fara börnin í sund en jafnframt kynnast þau jafnöldrum sínum í skólum í Kópavogi. Í áru eru það Smáraskóli og Kársnesskóli sem hafa tekið á móti börnunum. Að loknu sundnámi hvers dags er síðan hlaðin dagskrá þar sem þau fara í ferðir og kynnast ýmsu: bíó, leikhús, hestaferð, tívolí, Húsdýragarðurinn, Gullni hringurinn, Klifurhúsið, Rauði krossinn, Skautahöllin, heimsókn á Alþingi, fara á Bessastaði til forseta Íslands og margt fleira.
"Þetta er því mikil og skemmtileg lífsreynsla en jafnframt lærdómsrík og vonandi gott fararnesti í framtíðina. Gleðin er því mikil hjá þessum ungu afkomendum okkar næstu nágranna," segir í frétt á vefsíðu KALAK.