Hver verður næsti bæjarlistamaður Kópavogs?

Þann 14. apríl rennur út skilafrestur á tillögum eða ábendingum um næsta bæjarlistamann Kópavogs en umsóknir og ábendingar skulu sendar á netfagnið menning@kopavogur.is. Lista-og menningarráð velur úr innsendum tillögum og ábendingum en bæjarlistamaður þarf að hafa lögheimili í Kópavogi og vera tilbúinn til að vinna að list og listsköpun í bænum hvort sem er á sviði tónlistar, myndlistar, ritlistar eða úr öðrum skapandi greinum. Núverandi bæjarlistamaður er Sigtryggur Baldursson en hann hefur m.a. haldið tónleika í Salnum og staðið fyrir tónsmíðanámskeiði fyrir unglinga í Kópavogi, en afrakstur þeirrar vinnu verður kynntur á uppskeruhátíð Barnamenningarhátíðar þann 21. apríl nk.