Leikskólabörn túlka Barnasáttmálann

Sýning á teikningum leikskólabarna í Kópavogi var opnuð í Smáralind miðvikudaginn 20. nóvember í tilefni 30 ára afmælis Barnasáttmála Sameinuðu þjóðanna. Á sýningunni má sjá túlkun barnanna á hinum ýmsum greinum Barnasáttmálans.

Sýningin er hluti af hátíðardagskrá leikskóla- og grunnskólabarna í bænum í tilefni afmælisins.

Unnið er að innleiðingu Barnasáttmálanum í bænum og hefur Kópavogsbær skuldbundið sig til að setja á sig „barnaréttindagleraugun“ þegar verk- og ákvarðanaferli eru skoðuð og að forsendur Barnasáttmála Sameinuðu þjóðanna gangi sem rauður þráður í gegnum þjónustu sveitarfélagsins.

Sýningin stendur til 24. nóvember.